ആചാര്യന്‍

ഈ നാറികളുടെ പടങ്ങള്‍ കാണരുതേ..

2011-12-01T05:25:00.000-08:00

മലയാള ജനതയുടെ മനസ്സ് ഒന്നടങ്കം മുല്ലപ്പെരിയാര്‍ വിഷയത്തില്‍ പ്രതികരിക്കുമ്പോള്‍ ,ഡാം തകര്‍ന്നാല്‍ ,ഒഴുകിപ്പോകാന്‍ സാധ്യതയുള്ള ലക്ഷക്കണക്കിന് ജനങ്ങളുടെ ജീവനെക്കുറിച്ച് ഭയപ്പെടുമ്പോള്‍ ,നഷ്ട്ടപ്പെടാന്‍ ഇടയുള്ള കോടിക്കണക്കിനു രൂപയുടെ സാമ്പത്തിക നഷ്ട്ടവും,അത് കൂടാതെ കേരളത്തിലെ സാമ്പത് വ്യവസ്ഥയെ തന്നെ തകിടം മറിക്കാന്‍ തക്ക ശേഷി ഉള്ള മാരകമായ പ്രശ്നമായ മുല്ലപ്പെരിയാര്‍ ഡാമിനെ കുറിച്ച് ,എന്ത് കൊണ്ട് മലയാളി മനസ്സുകള്‍ സ്വപ്നം കണ്ടു നടക്കുന്ന ഇപ്പോള്‍ ഈ ലോകത്ത് ഒന്നും അല്ലാ എന്ന് കരുതി ജീവിക്കുന്ന ,നമ്മള്‍ സുപ്പര്‍ സ്റ്റാറുകള്‍ എന്നും,യുനിവേര്സല്‍ സ്റ്റാര്‍ എന്നും, യൌങ്ങ് സ്റ്റാര്‍ എന്നും മറ്റും വിളിക്കുന്ന സിനിമാ താരങ്ങള്‍ പ്രതികരിക്കുന്നില്ലാ?

എന്ത് കൊണ്ട് സിനിമയില്‍ അനീതിക്കെതിരെ ,അക്രമത്തിനു എതിരെ ,നാടിന്നു സംഭിക്കാന്‍ പോകുന്ന ദുരന്തങ്ങള്‍ക്ക് എതിരെ ഖോര ഖോരം പോരാടുന്ന,തങ്ങളുടെ ഡയലോഗുകള്‍ കൊണ്ട് അനീതികളെ എതിര്‍ക്കുന്ന ഈ താരങ്ങള്‍ ജീവിതത്തില്‍ സംഭവിക്കാന്‍ പോകുന്ന ഈ ദുരന്തത്തിന് എതിരെ ,എന്ത് കൊണ്ട് ഒരു ഡയലോഗ് പോലും ഉരുവിടുന്നില്ല?,എന്ത് കൊണ്ട് ഒരു പ്രധിഷേധ മാര്‍ച്ചില്‍ പോലും പങ്കെടുക്കുന്നില്ലാ?

നാം ഇത് വരെ നെഞ്ചില്‍ ഏറ്റി നടന്ന ഇവന്മാര്‍ ഒക്കെ വെറും മണ ഗുണാന്മാര്‍ മാത്രം ആയിരുന്നെന്നോ?ഇവന്മാര്‍ക്ക് വേണ്ടി പോസ്റ്റും ,ബാനറും ,വാദ്യ മേളങ്ങളും ഒരുക്കി ഇവന്മാരുടെ കാല്‍ കാശിനു കൊള്ളാത്ത പടങ്ങളെ ഹിറ്റും,സുപ്പര്‍ ഹിറ്റുകളും ആക്കാന്‍ നെട്ടോട്ടം ഓടുന്ന ഫാന്‍സുകാര്‍ എന്ന മൂട് താങ്ങികളെ ,മുതു മുത്തച്ഛന്മാര്‍ വരെ ആയിട്ടും ഇന്നും നിങ്ങളുടെയൊക്കെ കാരുണ്യം കൊണ്ട് മാത്രം നില നിന്ന് പോരുന്ന ഇവരില്‍ ചിലര്‍ക്ക് വേണ്ടി ,പുതിയ ഉയര്‍ന്നു വരുന്ന താരങ്ങളുടെ പടങ്ങളെ കൂക്കി തോല്പിക്കാന്‍ നടക്കുന്ന നിങ്ങളുടെയൊക്കെ ജീവനും സ്വത്തിനും സംഭവിക്കാന്‍ പോകുന്ന ഈ ദുരന്തത്തെ കുറിച്ച് ഒരു വാക്ക് മിണ്ടാന്‍ നിങ്ങള്‍ പൊക്കി ക്കൊണ്ട് നടക്കുന്ന ഈ മാനത്തെ താരങ്ങള്‍ക്ക് കഴിയുന്നില്ല എങ്കില്‍ ,നിങ്ങളോട് ഒരു സഹതാപ വാക്കുകള്‍ പോലും പറയാന്‍ ഇവന്മാര്‍ക്ക് കഴിയുന്നില്ലാ എങ്കില്‍ ,ഇനിയും മതിയാക്കൂ ഇവന്മാരുടെ നക്കാപിച്ച കാശിനു വേണ്ടി ,മുദ്രാവാക്ക്യം വിളിക്കുന്നത്‌ .ഇനിയും മതിയാക്കൂ ഈ ആണും പെണ്ണും കെട്ട വര്‍ഗങ്ങളോട് കാട്ടുന്ന ഈ അതിര് വിട്ട സ്നേഹ പ്രകടനങ്ങള്‍ ,

സ്വന്തം കുട്ടികള്‍ക്ക് മിട്ടായി വാങ്ങാന്‍ കാശില്ലെങ്കില്‍ കൂടി ഇവന്മാരുടെയൊക്കെ സിനിമകള്‍ ഇറങ്ങിയാല്‍ എങ്ങിനെ എങ്കിലും കാശോപ്പിച്ചു ആദ്യ ഷോ തന്നെ കാണുന്ന ആളുകളെ മതിയാക്കൂ ഇവന്മാരുടെ സിനിമകള്‍, സ്വന്തം നാട്ടുകാരോട് ,പിറന്ന മണ്ണിനോട് കൂറ് കാണിക്കാതെ ,ആണത്തം അണ്ണാച്ചി യുടെ മുമ്പില്‍ അടിയറ വെച്ച ഇവന്മാരുടെ സിനിമകള്‍ ,ഈ നാറികളുടെ സിനിമകള്‍ കാണുന്നത് തല്‍ക്കാലത്തേക്ക് എങ്കിലും അവസാനിപ്പിച്ചു നമുക്ക് ഇവരോടുള്ള പ്രധിഷേധം പ്രകടിപ്പിക്കാം ..ഒപ്പം പിറന്ന നാടിനോട് കൂറ് കാട്ടാത്തതിന്നു നമ്മള്‍ കൊടുക്കുന്ന ഒരു ഷോക്ക്‌ ട്രീറ്റ്മെന്‍റ് കൂടി ആകട്ടെ ഇത് എന്തേ അതെന്നെ...

ഒരിക്കല്‍ എങ്കിലും വായ തുറക്കൂ...പ്ലീസ്‌ ഒരിക്കല്‍ എങ്കിലും...

2011-11-27T02:54:00.000-08:00

നമ്മുടെ നാടിന്‍റെ പാവപ്പെട്ട പൊതു ജനം , ഒരു ചാണ്‍ വയര്‍ നിറക്കാന്‍ കാശില്ലാതെ ഇരിക്കുമ്പോള്‍ പോലും ,നിങ്ങളുടെയൊക്കെ പാര്‍ട്ടികള്‍ക്ക് വേണ്ടി ,നിങ്ങളെയൊക്കെ ഈ സ്ഥാനങ്ങളില്‍ ഇരുത്താന്‍ വേണ്ടി ,അഹോരാത്രം പണിയെടുത്ത ,പാവപ്പെട്ട സ്വന്തം നാട്ടിലെ ജനങ്ങള്‍ക്ക്‌ വേണ്ടി ,അവരുടെ ജീവന്നു വേണ്ടി ,സ്വന്തം നാടിന്‍റെ സമ്പത്ത് അണക്കെട്ടിലെ വെള്ളത്തില്‍ ഒലിച്ചു പോകാതിരിക്കാന്‍ വേണ്ടി ,ഒരിക്കല്‍ എങ്കിലും നിങ്ങള്‍ ജനങ്ങള്‍ക്ക്‌ വേണ്ടി സംസാരിക്കൂ..പ്ലീസ്‌ ഒരിക്കല്‍ എങ്കിലും.

ഇത് നമ്മുടെ വോട്ടും വാങ്ങി ജയിച്ചു പോകുന്ന എല്ലാ രാഷ്ട്രീയ പാര്‍ട്ടികളിലെ നേതാക്കന്മാരോടും ഉള്ള പൊതു ജനങ്ങളുടെ ആവശ്യം അല്ല..ജനങ്ങളുടെ ആജ്ഞയാണ്..മുക്കിനു മുക്കിനു അനാവശ്യമായ ഹര്‍ത്താലുകളും ,ബന്തും,ആളുകളെ വഴിയില്‍ നടക്കാന്‍ പോലും പറ്റാത്ത രീതിയില്‍ ..മൈക്കും കെട്ടി ഖോര ഖോരം ശുംഭന്‍മാര്‍ ,എന്നും ,ഞരമ്പ്‌ രോഗികള്‍ എന്നും ,പൊട്ടന്മാര്‍ എന്നും, ,സ്ത്രീ ലമ്പടന്മാര്‍ എന്നും ,പരസ്പരം തെറി വിളിക്കാന്‍ നിങ്ങള്ക്ക് ഒക്കെ ഉച്ചത്തില്‍ പൊങ്ങുന്ന ആ നാക്കുകള്‍ ഒരിക്കല്‍ പോലും എന്ത് കൊണ്ട് നിങ്ങളെ നിങ്ങള്‍ ആക്കിയ ജനങ്ങള്‍ക്ക്‌ വേണ്ടി സംസാരിക്കാന്‍ ഉപയോഗിച്ച് കൂടാ..

ഇത് നിങ്ങള്‍ നാഴികക്ക് നാല്പതു വട്ടം തെറി വിളിച്ചും ആജ്നാപിച്ചും ,അടിച്ചും ,തൊഴിച്ചും, വാക്ധോരണി കൊണ്ട് കബളിപ്പിക്കുന്ന ജനങ്ങളുടെ ആജ്നയായി കണ്ടു എങ്കിലും ഇനിയും പ്രധിഷേധിക്കുക,ഇല്ലെങ്കില്‍ ഓര്‍ക്കുക ഇനി നിങ്ങള്ക്ക് ജയ്‌ വിളിക്കാന്‍ ,നിങ്ങള്ക്ക് പൂമാല ചാര്‍ത്താന്‍ വഴിയില്‍ കാത്തിരുന്ന പലരും ഒരു വെള്ളപ്പാച്ചിലില്‍ ഒലിച്ചു പോകും എന്ന് ,നിങ്ങളെ മാളിക മുകളില്‍ ഏറ്റിയ ഇതേ ജനത്തിനു ഇനിയുള്ള അവസരത്തില്‍ ഇതേ നിങ്ങളെ മുല്ലപ്പെരിയാറില്‍ കൂടെ ചരിത്രത്തിന്‍റെ ചവറ്റു കോട്ടയിലേക്ക് കൂടി എടുത്തെറിയാന്‍ കഴിയും എന്നത് കൂടി മനസ്സിലാക്കി ഒരിക്കല്‍ എങ്കിലും വായ തുറക്കൂ ...

കാര്‍ട്ടൂണ്‍ അത് വരച്ചവരോട് കടപ്പാട്

ബ്ലോഗ് പുലികളോട് ......

2011-10-19T04:12:00.000-07:00

ഫാ ...പുച്ഛം ആണത്രേ പുച്ഛം ...

കമന്റര്‍മാരോട് ,ഫോല്ലോവേര്സിനോട് ,അതുമല്ലാതെ മണ കുണാന്നു എന്തെങ്കിലും എഴുതി വായനക്കാരന്റെ,ഈ ബൂലോകത്തിന്റെ ,അണ്ണാക്കിലേക്ക് തള്ളുന്ന ലവന്മാരുടെ പോസ്റ്റുകള്‍ കണ്ടു ഭേഷ്, ഗടി,പൊളപ്പന്‍ ,കൊള്ളാം (((ട്ടോ ))) ,നല്ലത് ,ആശംസകള്‍,വായിച്ചു ഇടയ്ക്ക് ഇങ്ങോട്ടും വരണേ ,എന്ന് സമയമില്ലാഞ്ഞിട്ടു പോലും ,വായിക്കാഞ്ഞിട്ടു പോലും കമന്റുകള്‍ ഇടുന്ന പാവം പുരപ്പുറത്തു ഇരിക്കുന്ന പൂച്ചകള്‍ ആയ ബ്ലോഗര്‍മാരോട്,എത്ര വായിച്ചു കമന്റ് ഇട്ടാലും പിന്നെയും പിന്നെയും,ബ്ലോഗ് ഉലകത്തിലെ പുലികള്‍ എന്ന് നാട്ടുകാര്‍ പറയുന്ന ഉണ്ണാക്കന്മാര്‍ ,കിഴങ്ങന്മാര്‍ എന്നും,പട്ടികള്‍ എന്നും ,പറയുന്ന പാവം വായനക്കാരോട്,പുതിയ അറിയപ്പെടാന്‍ ആഗ്രഹിക്കുന്ന ബ്ലോഗര്‍മാരോട് ,അവര്‍ക്ക് പുച്ഛം .അവര്‍ നാല് ലിങ്ക് ഇട്ടാല്‍ പുച്ഛം .അവരുടെ കമന്റുകള്‍ മൈന്‍ഡ്‌ ഇല്ലാ,അവര്‍ക്കൊന്നും മറുപടിയില്ലാ,.

അതല്ല സുഹുര്‍ത്തുക്കളെ ,എവിടുന്നു വന്നു ഇപ്പോള്‍ ഈ പുച്ഛം ?ആരും ബ്ലോഗെഴുതുന്നത് സായിപ്പിന് സിങ്ങപ്പൂര്‍ ഡോലെര്‍സ് ഉണ്ടാക്കി അണ്ണാക്കില്‍ വെക്കാനോന്നും അല്ലാലോ?വായിക്കപ്പെടാന്‍ വേണ്ടി തന്നെ അല്ലെ?അത് വായിച്ചു നാല് ആളുകള്‍ എന്തെങ്കിലും പറയുന്നോ എന്ന് നോക്കാന്‍ വേണ്ടി തന്നെ അല്ലെ?അത് നല്ലതാണോ,ചീത്തയാണോ,വായിക്കാന്‍ ആളുകള്‍ ഉണ്ടോ? എന്ന് അറിഞ്ഞിട്ടു വേണ്ടേ ഇല്ലാത്ത സമയം ഉണ്ടാക്കി തലയില്‍ എന്തെകിലും വന്നാല്‍ അത് കുത്തിക്കുറിക്കാന്‍ ?ചിലര്‍ സ്വയം നിര്‍വൃതി അണയാന്‍ വേണ്ടി എന്നൊക്കെ പറയുന്നവര്‍ ഉണ്ടാകാം ,ഉണ്ടുതാനും .അതൊക്കെ ചുമ്മാ പുളുവടി മാത്രമാണ് ,അതിന്നു വേണ്ടി ബ്ലോഗില്‍ പോസ്റ്റെണ്ട ആവശ്യം ഒന്നും ഇല്ലാ അത് ഡ്രാഫ്റ്റ് ചെയ്തു വെച്ചാല്‍ മാത്രം പോരെ കൂട്ടരേ?

കമന്റുകളോട് പുച്ഛം .എന്ന് മുതലാണ്‌ ഇത് തുടങ്ങിയെത് ?ബ്ലോഗു തുടങ്ങിയ കാലം തൊട്ടു ,കിട്ടിയ വരാന്തകളില്‍ എല്ലാം ലിങ്ക് ഇട്ടു കളിച്ചു കൊണ്ടിരുന്നപ്പോള്‍ ഇല്ലാത്ത പുച്ഛം ,ഫേസ്‌ ബുക്കിലും,ട്വിട്ടരിലും ,ഇപ്പോള്‍ ദേ ഗൂഗിള്‍ പ്ലസ്സിലും തുടങ്ങി നാഴികക്ക് നാലുവട്ടം സ്വയം ലിങ്ക് ഇടുമ്പോള്‍ ഇല്ലാത്ത പുച്ഛം എന്തിനു സഹോ മറ്റുള്ള പാവം കുട്ട്യോളോട്?

എന്തിനു ,അവര്‍ ഫോലോവേര്സിനു ഗൂഗിള്‍ ഫ്രെണ്ട് കണക്റ്റ്‌ വഴി പോസ്റ്റിട്ട വിവരം ഒന്ന് ഈ മെയില്‍ അയച്ചാല്‍ അതും പ്രശ്നം,എല്ലാവരും താന്‍ താങ്കളുടെ പോസ്റ്റുകള്‍ നാലാള്‍ അറിയണം എന്ന ഉദ്ദേശം വെച്ച് ആണല്ലോ ഇങ്ങനെയൊക്കെ ചെയ്യുന്നത്.അതിനെ അത്ര വലിയ പാപമായും,വിവരക്കെടായും ചിത്രീകരിക്കുന്ന ആള്‍ക്കാര്‍ അവരൊക്കെ എങ്ങിനെ ഈ ബ്ലോഗ്‌ ഉലകത്തില്‍ വന്നു എന്നും ,ഇന്നും അവരില്‍ ചിലര്‍ ,പുലിയും ,പുപ്പുലി ,ആയും "സിങ്കം" ആയും ചിലര്‍ ഇപ്പോഴും എലികള്‍ മാത്രമായും നില്‍കുന്നത് അവരുടെ എഴുത്തുകള്‍ നാലാള്‍ വായിക്കുന്നത് കൊണ്ടും അല്ലെ?.ഇവരൊക്കെ പോസ്റ്റിട്ട കാര്യം പരസ്യമാക്കാതെ ,അവിടെ തന്നെ പൂട്ടിപ്പോയാല്‍ ആരെങ്കിലും അറിയുമോ?ഇപ്പോഴും എന്നെപ്പോലെയുള്ള ആള്‍ക്കാര്‍ പുതിയ പോസ്റ്റുകളെ അറിയുന്നത് മെയിലിലൂടെയും ,ട്വിറ്റെര്‍,ഫേസ് ബുക്ക്‌,മലയാളം ബ്ലോഗേര്‍സ് ഗ്രൂപ്‌ ,തുടങ്ങിയ ചുവരുകളിലൂടെ തന്നെയാണ് .

ഇതിനര്‍ത്ഥം എപ്പോഴും എപ്പോഴും ലിങ്കും കൊണ്ട് കമന്റ്സ് ഇടൂ ,കമന്റ്സ് ഇടൂ ,എന്നും പറഞ്ഞു പിന്നാലെ നടക്കാന്‍ അല്ലാ ,നല്ല വായന ആണെങ്കില്‍ വായനക്കാരന് ഇഷ്ട്ടപ്പെട്ടാല്‍ തീര്‍ച്ചയായും കമന്‍റുകള്‍ വീഴും പോസ്റ്റില്‍,നല്ലത് അല്ലെങ്കിലും ചില കമന്‍റുകള്‍ വീഴാതിരിക്കില്ലാ..

പുതിയ ബ്ലോഗര്‍മാരില്‍ നന്നായി എഴുതുന്ന ആളുകള്‍ ഉണ്ട് അവരോടു ഒരു വാക്ക് ,നിങ്ങളുടെ ബ്ലോഗുകള്‍ നമ്മുടെ (http://malayalam.blogkut.com/ ) സൈബര്‍ ജാലകം (http://www.cyberjalakam.com/ ) തുടങ്ങിയ അഗ്ഗ്രിഗേറ്റര്‍ കളിലും , ഫേസ്‌ ബുക്കിലെ മലയാളം ബ്ലോഗേര്‍സ് പോലെയുള്ള ഗ്രൂപ്പുകളിലും (http://www.facebook.com/groups/malayalamblogers/ ) രെജിസ്റ്റര്‍ ചെയ്യുക എന്നിട്ട് പോസ്റ്റുകള്‍ അപ്ഡേറ്റ്‌ ചെയ്യുക ,നല്ല വായന ആണെങ്കില്‍ തീര്‍ച്ചയായും നിങ്ങളെ പ്രോത്സാഹിപ്പിക്കാന്‍ ആളുകള്‍ ഉണ്ടാവും എന്നതില്‍ സംശയം ഇല്ലാ.അപ്പോള്‍ കമന്‍റിടാന്‍ തുടങ്ങിക്കോളൂ ,എന്തേ അതെന്നെ അല്ലെ?

അപ്പോള്‍ നമ്മുക്ക് തുടങ്ങാം .ഇങ്ങനെ ഒക്കെ അല്ലാതെ പുതിയ ബ്ലോഗര്‍മാര്‍ എങ്ങിനെയാണ് സാന്നിധ്യം അറിയിക്കേണ്ടത് സുഹുര്‍ത്തുക്കളെ ? ..

ഈ ബ്ലോഗ്‌ വായിക്കാനും ,കമന്റാനും ,ഗൂഗിള്‍ ക്രോം ,അല്ലെങ്കില്‍ മോസില്ലാ ബ്രൌസര്‍ ഉപയോഗിക്കുക .ഇന്റര്‍നെറ്റ്‌ എക്സ്പ്ലോറര്‍ ചിലപ്പോള്‍ കമന്റ്റ് ബോക്സ് കാണില്ല അപ്പോള്‍ ഒക്കെ അല്ലെ ..

ഹസാരെ മൂത്താല്‍ മഹാത്മാ ഗാന്ധി ആവില്ലാ....

2011-08-22T10:12:00.000-07:00

ഹസാരെ..ഹസാരെ..ഹസാരെ..

കുറച്ചു ദിവസങ്ങളായി മാധ്യമങ്ങള്‍ കൊണ്ടാടുന്ന ഭാരതത്തിലെ പൊതു ജനങ്ങളുടെ മിശിഹാ എന്നും,പാവപ്പെട്ടവരുടെ പടത്തലവന്‍ എന്നും ,സ്വതന്ത്രാനന്തര കാലം മുതല്‍ ഇന്ന് വരെ നടമാടുന്ന ,നമ്മുടെ രാജ്യത്തെ അഴിമതിയെ തൂത്തെറിയാന്‍ വേണ്ടി ,ഇത് വരെയും ഇത്ര കാലം ,വരെയും,കര്‍ട്ടനു പിന്നില്‍ നിശ്ശബ്ദനായിരുന്ന ഒരാള്‍ പെട്ടെന്ന് രംഗത്തേക്ക് വരികയും ,ലോകത്തില്‍ മുല്ലപ്പൂ വിപ്ലവം എന്ന പേരില്‍ സാമ്രാജ്യത്ത ,കൂട്ടിക്കൊടുപ്പ് ,മുതലാളിത്ത രാജ്യങ്ങളുടെ പിന്തുണയോടു കൂടി ,പല രാജ്യങ്ങളിലും അവിടത്തെ അധികാരം കയ്യാളിയിരുന്ന ഏകാധിപധികളെ തുരത്താന്‍ വേണ്ടി നടന്നു കൊണ്ടിരിക്കുന്ന ,സൈബര്‍ വിപ്ലവ തരങ്കങ്ങള്‍ക്കിടയില്‍ ,പൊതുവേ സൈബര്‍ ലോകത്ത് ലോകത്തിലെ തന്നെ നിറ സാന്നിധ്യമായ ,ലോക പോലീസ്‌ ചമയുന്ന അമേരിക്കന്‍ സാമ്രാജ്യത്ത ശക്തികള്‍ക്ക് തന്നെ പേടി സ്വപ്നമായ ടെക്കികള്‍ ഉള്ള നമ്മുടെ മഹത്തായ ഭാരതത്തിലും ,ഹസാരെ എന്ന "പല്ല് പോയ കിളവന്‍ " നടത്തുന്ന ലോക്പാല്‍ ബില്ലിന് വേണ്ടിയുള്ള,സമരത്തെ ഏറ്റു പിടിക്കാന്‍ ആളുകള്‍ ഉണ്ടായത് സ്വാഭാവികം മാത്രം.

ഹസാരെ സമരത്തെ നമുക്ക് രണ്ടായി തരം തിരിക്കാം .ഒന്നാം ഹസാരെ സമരവും,രണ്ടാം ഹസാരെ സമരവും എന്ന പേരുകളില്‍ .ഇതില്‍ ഒന്നാം ഹസാരെ സമരത്തെ ആരാണ് ഈ ഹസാരെ?എന്താണ് ആദ്ദേഹത്തിന്‍റെ ഉള്ളിലിരിപ്പ്,എന്ന് നോക്കാതെ അദ്ദേഹം ഉന്നയിച്ച ആവശ്യമായ, പാവപ്പെട്ട നിരവധി പട്ടിണി പാവങ്ങള്‍ക്ക് കിട്ടേണ്ട കോടിക്കണക്കിനു രൂപയുടെ നികുതിപ്പണം സ്വന്തം പോക്കറ്റിലേക്ക് വീഴ്ത്തുന്ന രാഷ്ട്രീയ ,ഉദ്യോഗസ്ഥ,നീതിന്യായ രംഗത്ത് നടക്കുന്ന നെറികെട്ട അഴിമതികള്‍ക്കെതിരെ ഒരു നിയമം ആയ ജന ലോക്പാല്‍ നിയമം പാസാക്കുക എന്ന ആവശ്യത്തെ ,കോടിക്കണക്കിനു രൂപയുടെ അഴിമതികള്‍ കണ്ടു മനം മടുത്ത ജന സമൂഹം ,നാടിനെ സ്നേഹിക്കുന്ന ഭൂരിഭാഗം ആളുകളും അനുകൂലിച്ചു എന്ന് തന്നെ പറയാം.

ആ സമരത്തിലെ ജന പങ്കാളിത്തവും ആവശ്യകതയിലെ ന്യായവും കണക്കിലെടുത്ത് ,നമ്മുടെ മഹത്തായ ജനാധിപത്യ ഭാരതത്തിന്റെ ഭരണഘടന പ്രകാരം ജനങ്ങള്‍ക്ക്‌ വേണ്ടി (അങ്ങിനെ അല്ല നില കൊള്ളുന്നത്‌ എങ്കിലും)ജനങ്ങളാല്‍ ഭൂരിപക്ഷം പേരും വോട്ടു ചെയ്തു അധികാരത്തില്‍ പ്രതിഷ്ഠ ചെയ്ത ഭരണകൂടം ,ഹസാരെ ആന്‍ഡ്‌ അസോഷിയെട്സ് (അങ്ങിനെ ആണ് ഇവര്‍ അറിയപ്പെടുന്നത് വമ്പന്‍ കോര്‍പറേറ്റ്‌ കമ്പനികള്‍ അറിയപ്പെടുന്ന പേര് പോലെ ) ആളുകളുമായി ചര്‍ച്ച നടത്തുകയും ,നിയമങ്ങള്‍ പസ്സാക്കേണ്ട അധികാരം ഭാരത ഭരണഘടന പ്രകാരം പാര്‍ലമെന്റിനു ആയതിനാല്‍ നിയമത്തിന്റെ കരട് രൂപം പാര്‍ലമെന്റില്‍ സമര്‍പ്പിക്കാനും ,എന്നിട്ട് നിയമമാക്കി പസ്സാക്കുവാനും വേണ്ട നടപടികള്‍ കൈക്കൊള്ളാന്‍ ദ്രുതഗതിയില്‍ തീരുമാനിക്കുകയും ,അങ്ങിനെ പെട്ടെന്ന് തന്നെ സമിതികള്‍ കൂടി ഒരു കരട് രേഖ ഉണ്ടാക്കുകയും ചെയ്തു (ഇത്ര പെട്ടെന്ന് ഒരു കരട് രേഖ എങ്കിലും ഉണ്ടാക്കിയല്ലോ അത് തന്നെ വലുതാണ്‌ സാധാരണ ഗതിയില്‍ എന്തേ).ഇതായിരുന്നു ഒന്നാം ഹസാരെ സമരം. ഇത് ഇവിടം കൊണ്ട് അവസാനിക്കേണ്ടതായിരുന്നു .പാരലമെന്ടു നിയമം വോട്ടിനിടുകയും,അതിനെ ബി ജെ പി ,ഇടതു കക്ഷികള്‍ ,വേണ്ട ഭേതഗതികളോടെ അംഗീകരിക്കുകയും പാസ്സാക്കുകയും ചെയ്തിരുന്നെങ്കില്‍ ,പാര്‍ലമെന്റ്‌ ആണല്ലോ നമ്മുടെ നിയമ പ്രകാരം നിര്‍മാണ സഭ.അല്ലാതെ കേവലം ആളുകളോ ആള്കൂട്ടങ്ങലോ തോന്നുമ്പോള്‍ നിയമം പസ്സാക്കാനോന്നും പറ്റില്ല എന്തേ?

ഇതിനിടയിലെ കോമാളിയുടെ രംഗ പ്രവേശം ആണ് കാര്യങ്ങള്‍ ഈ രീതിയില്‍ മാറ്റി മറിക്കുന്ന രീതിയിലേക്ക് എത്തിയത് എന്ന് നിസ്ശംസയം പറയാം.ഹരിദ്വാറിലെ ഫൈവ്‌ സ്റ്റാര്‍ ആശ്രമ സമുച്ചയങ്ങളില്‍ "വയറു കൊണ്ട് ഗോഷ്ടി കളിക്കുന്ന"അത് പഠിപ്പിക്കുന്ന,(ഇതിനെ യോഗ എന്നും ചിലര്‍ വിളിക്കും) കോടിക്കണക്കിനു കള്ളപ്പണം കയ്യിലുള്ള സ്വാമി ബാബ രാംദേവ്‌ ,അണ്ണാ ഹസാരെയുടെ സമരത്തിനു ഐക്യദാര്‍ഢ്യം പ്രകടിപ്പിച്ചു എന്നോണം നടത്തിയ ഡല്‍ഹി നാടകത്തില്‍ ,ഇതിനു പിന്നില്‍ മറ്റു ആളുകളുടെയും കയ്യുണ്ട് എന്ന് ,കോടിക്കണക്കിനു രൂപ ചിലവിട്ടു നടത്താന്‍ ശ്രമിച്ച ഫൈവ്‌ സ്റ്റാര്‍ നിരാഹാര സമരത്തില്‍ തെളിയിക്കപ്പെട്ടു.നോക്കണേ വിരോധാഭാസം കോടിക്കണക്കിനു ഭക്ത ജനങ്ങളെ പറ്റിച്ച പണം കയ്യിലുള്ള ഒരാള്‍ ആണ് ബാക്കിയുള്ള കള്ളപ്പണം വെളിച്ചത്തു കൊണ്ട് വരാന്‍ സമരം ചെയ്യുന്നത് ഹ ഹ .

ഇനിയാണ് ഹസാരെ രണ്ടാം സമരത്തിന്റെ തുടക്കം ,കരട് ലോക്പാല്‍ ഭരണകൂടം തയ്യാറാക്കിയത് പാസ്സാക്കാന്‍ പറ്റില്ല എന്ന് പറഞ്ഞു ,അതിലെ അപാകതകള്‍ ചൂണ്ടിക്കാട്ടി ,ഹസാരെ ആന്‍ഡ്‌ അസോസിയെട്സ് വീണ്ടും രംഗത്ത് വരുന്നു .പൊതു ജന സമൂഹവുമായി ചര്‍ച്ച ചെയ്യാന്‍ സര്‍ക്കാര്‍ തീരുമാനിക്കുമ്പോഴേക്കും വീണ്ടും നിരാഹാരം നടത്തുവാന്‍ തീരുമാനിക്കുകയും ഇപ്പോള്‍ ,ശക്തമായി തിരഞ്ഞെടുക്കപ്പെട്ട സര്‍ക്കാരിനെതിരെ തെരുവില്‍ നിരാഹാരം കിടക്കുകയും ,അതിനു കൂട്ടായി കോര്‍പ്പറേറ്റ് ,കള്ള പണക്കാരായ ആത്മീയ നേതാക്കള്‍ ചമയുന്ന ആസാമിമാരും ,കൂടാതെ കാര്‍ഗില്‍ യുദ്ധത്തില്‍ ശത്രുക്കളോട് പോരാടി വീര മൃത്യു വരിച്ച ഭാരതത്തിന്റെ യശസ്സ് ഉയര്‍ത്തിയ ,ധീര ജവാന്മാരെ അടക്കം ചെയ്യാന്‍ ഓര്‍ഡര്‍ ചെയ്ത ശവപ്പെട്ടിയില്‍ നിന്ന് പോലും കമ്മീഷന്‍ കൈപ്പറ്റിയ ഭാരതീയ ജനതാ പാര്‍ട്ടിയും,ഇവരുടെ ഉദ്ദേശം രാഷ്ട്രീയ ലക്‌ഷ്യം മാത്രം അല്ലെന്നു എങ്ങിനെ വിശ്വസിക്കും?.

ഇപ്പോള്‍ ഹസാരെ പറയുന്നത് ഒന്നുകില്‍ ലോക്പാല്‍ അവതരിപ്പിക്കുക,ഇല്ലെങ്കില്‍ സര്‍ക്കാര്‍ രാജിവെച്ചു പോകുക എന്നാണു !! ഇങ്ങനെ ജനങ്ങളാല്‍ തിരഞ്ഞെടുക്കപ്പെട്ട സര്‍ക്കാരുകള്‍ക്ക് എതിരെ തെരുവില്‍ ആരു സമരം ചെയ്താലും അതിനെ അടിച്ചമര്‍ത്തുക തന്നെ വേണം .ഇങ്ങനെ പറയാന്‍ ഹസാരെക്ക് എന്താണ് അധികാരം ?അതല്ല പ്രതിപക്ഷ കക്ഷികളുടെ പിന്തുണയോടു കൂടി യു പി ഏ ക്ക് എതിരെ മാത്രം നടത്തുന്ന സമരം ആയി ഇത് ഇപ്പോള്‍ മാറിയോ എന്നും സംശയം ഇല്ലാതില്ലാ.നിയമ പ്രകാരം അഞ്ചു വര്ഷം ആണ് ലോകസഭയിലെ കാലാവധി അതിന്നു മുമ്പ്‌ വേറെ കാരണം ഒന്നും ഇല്ലാതെ സര്‍ക്കാരുകള്‍ രാജിവെക്കേണ്ട കാര്യമോ .സര്‍ക്കാരിനെ ആരെങ്കിലും ഭീഷണിപ്പെടുത്തി രാജി വെപ്പിക്കേണ്ട കാര്യമോ ഒന്നും ഇല്ലാ.

ഇപ്പോള്‍ ഹസാരെ ചെയ്യുന്ന സമരത്തിനു പിന്നില്‍ അമേരിക്കയുടെ ,പടിഞ്ഞാറന്‍ സാമ്രാജ്യത്ത കുത്തക രാജ്യങ്ങളുടെ പോലും പിന്തുണ ഉണ്ടോ എന്നും സംശയിക്കേണ്ടി ഇരിക്കുന്നു.കാരണം അമേരിക്കയുടെ സെക്രട്ടറി അടക്കം ഹസാരെയേ പിന്തുണച്ചത് വിരോധാഭാസമായി കാണണം .ലോകമെങ്ങും സാമ്പത്തിക മാന്ദ്യത്തില്‍ തകര്‍ന്നടിയുന്ന ഈ കാലഖട്ടത്തില്‍ ,അമേരിക്കയുടെ ക്രെഡിറ്റ്‌ റേറ്റിംഗ് ചരിത്രത്തില്‍ ആദ്യമായി താഴുമ്പോള്‍ ,വീണ്ടും അമേരിക്ക അടക്കമുള്ള രാജ്യങ്ങള്‍.ലോകത്തില്‍ ഒന്നാമതായിരുന്ന രാജ്യങ്ങളെല്ലാം തന്നെ തകര്‍ന്നടിയുന്ന സമയത്തും നമ്മുടെ മഹത്തായ ഭാരതം ശക്തമായി സാമ്പത്തിക രംഗത്ത് തല ഉയര്‍ത്തി തന്നെ നില നില്‍ക്കുന്നത് അവര്‍ക്കൊക്കെ അംഗീകരിക്കാന്‍ ബുദ്ധിമുട്ടുള്ള കാര്യമാണല്ലോ .

ജന ലോക്പാല്‍ നിയമം അത്യാവശ്യമാണ് എങ്കിലും അതിനു ഭീഷണിയുടെ സ്വരവും, ഈ മാസം അവസാനത്തില്‍ പ്രക്ഷോഭം നടത്തും ,ഭാരതത്തെ നിശ്ചലമാക്കി കളയും എന്നൊക്കെ ഭീഷണിപ്പെടുത്താന്‍ ആര്‍ക്കും അധികാരമില്ല ,വന്‍ ശക്തികളുടെ പിന്തുണയും മറ്റു പാര്‍ട്ടികളുടെ പിന്തുണയും ഉണ്ട് എന്ന് കരുതി ഭാരതത്തിന്റെ ഭരണഘടനയെ തന്നെ അവഹേളിക്കുന്ന തരത്തില്‍ പ്രസ്താവനകള്‍ ഇറക്കിയാല്‍ ആരെ ആയാലും അടിച്ചമര്‍ത്തുക തന്നെ വേണം .ഇങ്ങനെയുള്ള കൊച്ചു കൊച്ചു സമരങ്ങളിലൂടെ തുടര്‍ന്ന് അവസാനം ലോകത്തിനു തന്നെ അഭിമാനിക്കാവുന്ന ജനാധിപത്യ പാരമ്പര്യം ഉള്ള നമ്മ്മുടെ ഭാരതത്തെ അരാജകത്വത്തിലേക്ക് തള്ളിക്കളയാന്‍ ശ്രമിക്കുന്നതിനു കൂട്ട് നില്‍ക്കരുത്. നമ്മുടെ മഹത്തായ രാജ്യത്തിന്റെ പാരമ്പര്യം ഉയര്‍ത്തിക്കാട്ടാന്‍ നമ്മുടെ ജനാധിപത്യ നിയമ സംഹിതകളില്‍ വിശ്വസിക്കുക ,രാജ്യത്തിന്റെ ഐക്യവും അഖണ്ഡതയും തകര്‍ക്കാന്‍ ശ്രമിക്കുന്ന സാമ്രാജ്യത്ത ശക്തികളുടെ പ്രഹസനങ്ങളില്‍ വീണു പോകാതെ നാം തന്നെ നമ്മെ സംരക്ഷിക്കുക .

ഓര്‍ക്കുക ഹസാരെ മൂത്താല്‍ മഹാത്മാ ഗാന്ധിയാവില്ല ഒരിക്കലും ..

ജയ് ഭാരത് ..ജയ് ഭാരത ജനാധിപത്യം

അച്ചുവേട്ടാ ..കുഞ്ഞേച്ചി വിളിക്കുന്നു...

2011-07-30T09:06:00.000-07:00

എടൊ ...
എന്താ സാര്‍ ..
ഇന്ന് എന്തൊക്കെയാണ് പരിപാടികള്‍ ?..
സാര്‍ അത് നമ്മുടെ കണ്ണൂരാന്റെ നാട്ടില്‍ ഒരു ഉത്ഘാടിക്കല്‍ ചടങ്ങും ,പുഷ്പാര്‍ച്ചനയും ഉണ്ട് സാര്‍ .
ഏത് വഴിയിലൂടെയാണ്‌ നമ്മുടെ പോക്ക്?
വഴി സാര്‍ ഒരിക്കലും മറക്കാത്ത വഴിയാണ് സാര്‍ ,നമ്മുടെ കുഞ്ഞേച്ചിയുടെ വീടിനടുത്ത് കൂടിയാണ് സാര്‍ പോകേണ്ടത്..
എന്ത് നുമ്മടെ കുഞ്ഞൂന്റെ വീടിനടുത്തോ?
കാലം കുറെ ആയില്ലെടോ അവിടെ കയറിയിട്ട്..ഒന്ന് കയറിയെക്കാം താന്‍ അവളെ ഒന്ന് വിളിച്ചു പറഞ്ഞോളൂ ട്ടോ ..നുമ്മ വരുന്നുണ്ടെന്ന്..

..............................
പശ്ചാത്തലത്തില്‍ "ചോര വീണ മണ്ണില്‍ നിന്നുയര്‍ന്നു വന്ന....പാട്ടിന്റെ ഈണം ,അച്ചുവേട്ടന്‍ ചാരുകസേരയില്‍ നീണ്ടു നിവര്‍ന്നു കിടന്നു കണ്ണടച്ച് കിടന്നു ..
..........................................

(അച്ചുവേട്ടന്റെ മനസ്സില്‍ പഴയ കാര്യങ്ങളൊക്കെ തികട്ടി വന്നു ..പണ്ട് ഒന്നിച്ചു മണ്ണപ്പം ചുട്ടതും,ഒളിച്ചും പാത്തും നടക്കുമ്പോള്‍ കുഞ്ഞിയുടെ കൂടെ അവളുടെ പാവാട തുമ്പില്‍ പിടിച്ചു നടന്നതും,മനസ്സില്‍ ഉണ്ടായ പ്രണയം പറയാന്‍ കഴിയാത്തതും ,അവസാനം നിസ്സാര കാര്യത്തിനു പിണങ്ങിയതും,മറ്റൊരു കണ്ണൂര്‍ക്കാരി വിജയിയെ കല്യാണം കഴിക്കേണ്ടി വന്നതും എല്ലാം )

ട്രിം ട്രിം ..ട്രിം ട്രിം..
മണിയടി കേട്ട് അച്ചുവേട്ടന്‍ സ്വപ്നത്തില്‍ നിന്ന് ഉണര്‍ന്നു

ഹലോ ആരാ ?..
അച്ചുവേട്ടാ...
ആരാണ് ..?
അച്ചുവേട്ടാ ഇത് ഞാനാണ് അച്ചുവേട്ടന്റെ കുഞ്ഞി..
കുഞ്ഞിയോ ..കുഞ്ഞി എത്ര ദിവസമായി ഒന്ന് മിണ്ടിയിട്ടു ,,,ഒന്ന് കണ്ടിട്ട് ..എന്നെ കുഞ്ഞി മറന്നു കളഞ്ഞല്ലോ..
ഇല്ല ..അച്ചുവേട്ടാ..അച്ചുവേട്ടനെ ഞാന്‍ മറക്കാനോ..ഒന്നിച്ചു കളിച്ചു രസിച്ച ആ ബാല്യം ഞാന്‍ മറക്കാനോ..?അച്ചുവേട്ടന്‍ വീട്ടില്‍ വരുന്നു എന്ന് ആരോ പറഞ്ഞറിഞ്ഞു ..ഒരീസം ഈടെ നിന്നിട്ട് പോയാല്‍ മതി ഞാന്‍ വിടില്ല ഇല്ലെങ്കില്‍ എന്തേ?
ഇല്ല കുഞ്ഞു ..ഇപ്പൊ തന്നെ വിജയെട്ടത്തി അറിയാതെയാണ് ഞാന്‍ നിന്റാടെ വരാന്നു നിരീച്ചത്..അവള്‍ എങ്ങാനും അറിഞ്ഞാല്‍ കണ്ണൂരാന്റെ നാട്ടിലേക്കുള്ള പോക്ക് തന്നെ മുടക്കി കളയും ഓലെ നിനക്ക് എന്നെക്കാളും അറിയാല്ലോ എന്തേ?
അല്ല അച്ചുവേട്ടാ ..എന്നാല്‍ ഞാന്‍ ഉച്ചയൂണും വെച്ച് കാത്തിരിക്കും നമ്മക്ക് ആ മീന്‍ പൊരിച്ചതും ചോറും ഒന്നിച്ചു ഉണ്ണാന്‍ ഒരിക്ക കൂടി കൊതിയായി എന്തേ?
അങ്ങനെ എങ്കില്‍ അങ്ങനെ, അപ്പൊ ഞാന്‍ വരാം കേട്ട ..

ട്രിം ..ട്രിം..ട്രിം ..ട്രിം..

ഹലോ ആരാ..
ഞാനാ വിജയി..
നിങ്ങള്‍ ആടെ പോകും അല്ലെ?

കണ്ണൂരാന്റെ നാട്ടില്‍ പോകും എന്തേ?..

അതല്ല നിങ്ങള്‍ ആ കുഞ്ഞിയെ ഇനിയും മറന്നില്ല അല്ലെ?..
അവളെ വീട്ടില്‍ ഉണ്ണാന്‍ പോകുന്നു പോലും ..

അവിടന്ന് ഒരിറ്റു വെള്ളം പോലും കുടിച്ച് വന്നാല്‍ ഈ പൊരക്ക് നിങ്ങളെ കയറ്റുകേല മനുഷ്യാ പറഞ്ഞേക്കാം ..

കുഞ്ഞിക്കു സുഖമില്ലാത്തതല്ലേ ഒന്ന് കണ്ടിട്ട് വെരാന്നു നിരീച്ചപ്പോ...

കണ്ടിട്ട് വന്നോ ..ഒരിറ്റു വെള്ളം കുടിച്ചെക്കരുത് എന്നെ ഞാന്‍ പറഞ്ഞു കേട്ടാ..

..................................................................
ശേഷം കണ്ണൂരാന്റെ നാട്ടില്‍ കുഞ്ഞിയുടെ വീട്ടില്‍ ചെന്ന അച്ചുവേട്ടനെ കണ്ട കുഞ്ഞി..
.......................................................................
എന്നാലും എന്നെ നിങ്ങ മറന്നല്ലോ...
ഇല്ല കുഞ്ഞീ തന്നെ മറക്കാന്‍ എനിക്ക് കഴിയോ?.അതോണ്ടല്ലേ വിജയെട്ടത്തി പോണ്ടാന്നു പറഞ്ഞിട്ടും നിന്നെ കാണാന്‍ നുമ്മ വന്നത്?

ആ വിജയെട്ടത്തിനെ മംഗലം കയിചെപ്പിന്നെ ഓലെ പേടിച്ചിട്ടു ഒന്ന് വിളിക്കുന്നു പോലും ഇല്ലാലോ?
എന്തെങ്കിലും കഴിക്കാം വരൂ...അകത്തിരിക്കാം

അല്ല കുഞ്ഞീ ഒരിറ്റു വെള്ളം കുടിക്കരുത് എന്നാണു അവളുടെ കല്‍പ്പന, വേറെ എന്തുണ്ട് കുടിക്കാന്‍..

അപ്പോള്‍ നമ്മള്‍ കുറച്ചു ഇളനീര്‍ കുടിക്കാം എന്തേ..വെള്ളം അല്ലെ കുടിക്കാന്‍ പറ്റാതുള്ളൂ..നമ്മളോട് അവളുടെ കളി എന്തേ ..

അതല്ല അച്ചുവേട്ടാ ചോറും പൊരിച്ച മീനും..!!

നീ വിഷമിക്കാണ്ടേ ഇരീ എന്റെ കുഞ്ഞീ..ഒരീസം ഞാന്‍ ആരും അറിയാതെ വരാം..നമ്മക്ക് ഇതെല്ലാം കഴിച്ചു ഒരു പാട്ടും പാടി ഈ കടാപ്പുറത്ത് കൂടെ നടക്കാം എന്തേ..

.................സ്ലോ മോഷനില്‍ മുണ്ടിന്റെ അറ്റവും പിടിച്ചു ചിരിച്ചും കൊണ്ട് കാറിലേക്ക് കയറുന്ന അച്ചുവേട്ടനെയും നോക്കി കുഞ്ഞേച്ചി...കണ്ണീര്‍ തുടച്ചു

ശുഭം ..

പോലീസുകാര്‍ക്കെന്താ ഈ പീഡനത്തില്‍ കാര്യം ?!!!

2011-07-12T04:30:00.000-07:00

നമ്മുടെ മാണി സാറിന്റെ ബജറ്റ് പോലെ പോകുകയാണല്ലോ കേരളത്തിലെ പെണ്‍വാണിഭങ്ങളും,പേരുകള്‍ പറയാതെ എല്ലാര്‍ക്കും അറിയാവുന്നത് കൊണ്ട് ഞാന്‍ വരുന്നത് പറവൂര്‍ ,കോതമംഗലം റൂട്ടിലൂടെയാണ് .എട്ടാം ക്ലാസ്സ് മുതലേ സഹപാഠികള്‍ തൊടാനും ,തലോടാനും തുടങ്ങിയെങ്കിലും ഇത്രയും കാലം കഴിഞ്ഞാണ് ഈ പെണ്‍കുട്ടിക്ക് മനസ്സിലാകുന്നത് അവള്‍ പീഡിപ്പിക്കപ്പെടുകയാണ് എന്ന് ,അതും ഗര്‍ഭിണിയും ആയതിനു ശേഷം !!.ആ എന്തരോ എന്തോ ആട്ടെ സ്വന്തം തന്തപ്പടി തന്നെ കുട്ടിയെ ഇങ്ങനെ ആക്കിയാല്‍ മാലോകര്‍ എന്ത് ചെയ്യാന്‍ അല്ലെ?പണത്തിന്റെയും ,സിനിമാനടി ആക്കാം എന്ന മോഹന സുന്ദര? വാഗ്ടാനങ്ങളുടെയും പിന്നിലോടി എട്ടും പൊട്ടും തിരിയാത്ത ?! പ്രായത്തില്‍ എന്തെല്ലാമോ കാട്ടിക്കൂട്ടി അവസാനം ഏതോ ഒരുത്തന്റെ കുഞ്ഞിനെ വയറ്റിലും ആക്കി ,പണിയെടുക്കാന്‍ കഴിയാത്ത വിധം ആയപ്പോള്‍ ആണ് ഇവറ്റകള്‍ക്ക് പീഡന കഥകള്‍ എപ്പിസോഡ് ആക്കി ഇറക്കാം എന്ന് തോന്നിയത് ?ഈ പ്രായത്തില്‍ ഇതൊക്കെ അറിയാമെന്കില്‍ ചുറ്റുവട്ടത്തുള്ള അമ്മച്ചിമാരോട് ഒരു വാക്ക് പറയാന്‍ ,അല്ലെങ്കില്‍ പഠിപ്പിക്കുന്ന ടീച്ചര്‍മാരോട് ഒരു വാക്ക് പറയാന്‍ അപ്പോള്‍ തോന്നാത്ത ബുദ്ധി ഇപ്പോള്‍ തോന്നിയത് എന്തേ?

ആ അത് പോട്ടെ നമ്മള്‍ വന്നത് ഈ പീഡനങ്ങള്‍ റിപ്പോര്‍ട്ട് തയ്യാറാക്കി കോടതിയില്‍ സമര്‍പിച്ച ഏമാന്മാരുടെ കൂമ്പിനിട്ട്ടു നാല് കൊട്ടാനല്ലേ?.പെണ്‍കുട്ടി പാരിജാതം സീരിയലിലെ നായികയെ പോലെ ഓരോ ദിവസം ഓരോ ആളുടെ പേരും പറഞ്ഞു നമ്മളെ വട്ടം കറക്കാന്‍ തോടങ്ങിയിട്ടു നാള് കുറെ ആയി ,ഇനി പ്രസവിച്ചു കഴിഞ്ഞിട്ടും അത് തീരുവോ എന്തോ?.ഈ പറയുന്ന പ്രതികളായ ആളുകളില്‍ ചിലരുടെ പേര് മാത്രം പോലീസിനു ഓര്‍മ വരുന്നില്ല !!.തന്തപ്പടി മുതല്‍ ,എട്ടാം ക്ലാസ്സില്‍ പീഡനത്തിന്റെ ബാല പാഠങ്ങള്‍ കാണിച്ച കൂട്ടുകാര്‍ മുതല്‍ ,അയല്‍വാസിയിയായ കിളവന്‍ മുതല്‍ ,ആതുര സേവനം വിട്ടു പീഡന സേവനം ചെയ്യാനിറങ്ങിയ ഡോക്റ്റര്‍ മുതല്‍ പേരെ ,അവരുടെ കൂട്ട് കുടുംബ തന്ത തായി വേരുകള്‍ വരെ പോലീസ് കണ്ടെത്തിയിട്ടും ,വെളുത്ത സുമുഖനായ സുന്തരനായ ഉന്നത പോലീസുകാരന്റെ പേര് ഈ ഏമാന്മാര്‍ക്ക് മറന്നു പോയി ,അത് പോലെ സുമുഖരും സുന്തരന്മാരും ആണ് ഞങ്ങളെന്നു തെറ്റിദ്ധരിക്കുന്ന കുറെ സിനിമാ പ്രവര്‍ത്തകരുടെയും !!.

എന്തുവാ സാറന്മാരെ ഇത് ? സ്വന്തം മേലാളന്മാരുടെ പേരും കൂടി അറിയാതെ ആണോ നുമ്മ ഈ പണിക്ക് കാക്കിയും ഇട്ടോണ്ട് ഇറങ്ങിയെ?അതും കുട്ടി നല്ലൊരു ക്ളൂ തന്നിട്ടും,ഏമാന്റെ പേര് അണ്ണാക്കിന്നു വരുന്നില്ല അല്ലെ? അതുമല്ല "പോലീസുകാര്‍ക്കെന്താ ഈ പീഡനത്തില്‍ കാര്യം" എന്ന് കരുതി മിണ്ടാതിരുന്നതോ?ഇനി ഇപ്പൊ പെണ്‍കുട്ടി എങ്ങാനും പ്രസവിച്ചു ,കുട്ടി നല്ല സുമുഖനും സുന്തരനും ആയാലുള്ള പുകിലോ? എന്റെ പൊന്നു "സാറന്മാരെ" എത്രയും പെട്ടെന്ന് ആ പേരുകളും കൂടി ഒന്ന് അറിയിക്കണേ,കൂട്ടത്തില്‍ സിനിമക്കാരുടെയും ,സിനിമാക്കാര്‍ എന്ന് പറയുമ്പോള്‍ വല്ല ലൈറ്റ്‌ ബോയിയുടെയും മറ്റും മാത്രം പറഞ്ഞു അങ്ങട്ടു പോയെക്കരുത് ,നല്ല പത്തരമാറ്റു സൂപ്പര്‍ താരങ്ങള്‍ ആരെങ്കിലും ഉണ്ടെങ്കില്‍ കൂടി പറഞ്ഞേക്കണം ,ഞങ്ങള്‍ക് ബ്ലോഗര്‍മാര്‍ക്കും ,പത്രക്കാര്‍ക്കും ഒരാഴ്ച കുശാല്‍ ആയല്ലോ ഏതു? അതെന്നെ കേട്ടാ..

അഴിമതികള്‍ക്കെതിരെ ,നമ്മുടെ അവകാശം വിനിയോഗിക്കുക..

2011-04-10T07:15:00.000-07:00

പ്രിയപ്പെട്ടവരേ ..

അങ്ങിനെ ഇതാ നമ്മുടെ തിരഞ്ഞെടുപ്പ് മാമാങ്കം ഏപ്രില്‍ മാസം പതിമൂന്നിനു അവസാനിക്കുകയാണ്.നാം എല്ലാവരും നമ്മുടെ അവകാശം വിനിയോഗിക്കണം ,അഴിമതിക്കെതിരെ,സ്വജന പക്ഷ പാതത്തിനെതിരെ,കോടിക്കണക്കിനു പാവപ്പെട്ട ദരിദ്ര നാരായണന്മാര്‍ ഒരു നേരം കഞ്ഞിക്കു വകയില്ലാതെ കടത്തിണ്ണയും, വഴിയോരങ്ങളിലും അന്തിയുറങ്ങാന്‍ വിധിക്കപ്പെടുന്ന നാട്ടില്‍ ,നമ്മെ ഭരിച്ചു മുടിക്കുന്ന ,കോടിക്കണക്കിനു,പോരാ ലക്ഷക്കണക്കിന്‌ കോടികളുടെ ധൂര്‍ത്തും ,അധികാര ദുര്‍വിനിയോഗങ്ങളും നടത്തി ഇവിടെത്തെ പാവപ്പെട്ട ജനങ്ങളുടെ അവകാശമായ ,ഭക്ഷണം,പാര്‍പ്പിടം,തുടങ്ങിയ അത്യാവശ്യങ്ങള്‍ പോലും നിര്‍വഹിക്കാന്‍ നില്‍ക്കാത്ത ,അധികാര വര്‍ഗത്തിന്റെ സാമ്രാജ്യത്ത കൂട്ടിക്കൊടുപ്പുകള്‍ക്കെതിരെ,എന്നും പാവപ്പെട്ടവന്‍ പാവപ്പെട്ടവനായും,മുതലാളി വര്‍ഗങ്ങള്‍ മേലാളന്മാരായും,ഇവിടെ നില നില്‍ക്കണം എന്ന ഭരണ വര്‍ഗ തന്ത്ര കുതന്ത്രങ്ങള്‍ക്ക്‌ എതിരെ ,പാവപ്പെട്ടവന്റെ കഞ്ഞിയില്‍ കയ്യിട്ടുവാരി അത് കേസായാല്‍ ഉണ്ടാക്കിയ കോടികളില്‍ ചിലത് കൊടുത്ത് തീര്‍പ്പാക്കി പുറത്തു വരുന്ന ,രാഷ്ട്രീയ ഹിജടകള്‍ക്ക് എതിരെ നമ്മുടെ ഏക അവകാശമായ വോട്ട്‌ എന്ന ആയുധം അത് വിനിയോഗിക്കുക.

മുക്കിനു മുക്കിനു പാര്‍ട്ടികള്‍ ഉള്ള നമ്മുടെ നാട്ടില്‍ ഈ തിരഞ്ഞെടുപ്പുകളില്‍ എന്താണ് ചര്‍ച്ച ചെയ്യപ്പെടുന്നത് ?.പരസ്പരം ചളിവാരി എറിയലുകള്‍ അല്ലാതെ ,പാവപ്പെട്ടവന്റെ ഏതു വിഷയമാണ് ചര്‍ച്ച ചെയ്യപ്പെടുന്നത്?എന്ത് കൊണ്ട് നമ്മുടെ പാര്‍ട്ടികള്‍ ഒന്നും നല്ല ഭാവിക്ക് വേണ്ട ക്രിയാത്മക ചര്‍ച്ചകളോ ,പ്രകടന പത്രികയോ ഉണ്ടാക്കുന്നില്ലാ,? നമ്മുടെ നാടിന്റെ വികസനത്തിന് വേണ്ട അടിസ്ഥാന പ്രശ്നങ്ങള്‍ പോലും ചര്‍ച്ച ചെയ്യാത്ത തിരഞ്ഞെടുപ്പുകളില്‍ മത്സരിക്കുന്ന പാര്‍ട്ടികള്‍.എന്തിന്റെ പേരില്‍ ആണ് ഇവരൊക്കെ വോട്ട്‌ ചോദിക്കേണ്ടത്‌ ?മാറി മാറി കട്ടു മുടിക്കാനാണോ?ഭാവിയിലെ പത്തു വര്‍ഷത്തില്‍ ഈ നാടിനു എന്ത് ചെയ്യുവാന്‍ സാധിക്കും എന്നുള്ള ഒരു പ്രഖ്യാപനമോ ,പരിപാടികളോ ഇവര്‍ക്കാര്‍ക്കും ഇല്ലേ?

നാം വോട്ട്‌ ചെയ്യുക ..കക്ഷി രാഷ്ട്രീയം അല്ലാതെ ,മത ജാതീയ ചിന്തകള്‍ ഇല്ലാതെ,നമ്മുടെ വോട്ടും വാങ്ങി വിജയിച്ചു പോയിട്ട് ,പിന്നെ ഇപ്പോള്‍ വീണ്ടും തിരഞ്ഞെടുപ്പ് അടുക്കുമ്പോള്‍ , ഉള്ളിലുള്ള കള്ളത്തരത്തിന്റെ കറുത്ത കറകള്‍ മായ്ക്കാന്‍ ചുളിവുകള്‍ വീഴാത്ത വെളുത്ത കുപ്പായവും ,ചുണ്ടില്‍ ഒരു പുഞ്ചിരിയും ഫിറ്റു ചെയ്തു യാതൊരു ഉളുപ്പും ഇല്ലാതെ നമ്മുടെ മുന്നിലേക്ക്‌ അവതരിക്കുന്ന അവതാരങ്ങള്‍ക്കു അല്ലാ.വര്‍ഷങ്ങളായി പ്രമാണിത്തം അടിച്ചെല്പിച്ചു കൊണ്ട് സ്ഥിരമായി അധികാരം കയ്യാളി , പുതു യുവ രക്തങ്ങള്‍ക്ക് അവസരം കൊടുക്കാതെ ഭരണ യന്ത്രം തിരിക്കുന്ന മേലാളന്മാര്‍ക്ക് അല്ലാ..നമ്മുടെ വോട്ടും വാങ്ങി ജയിച്ചിട്ടു നമ്മുടെ എല്ലാ കാര്യങ്ങളിലും കൂടെ ഉണ്ടാകുന്ന,നമ്മുടെ നാടിന്റെ സ്പന്തനം അറിയുന്ന,നാടിന്റെ വികസന കാര്യങ്ങള്‍ക്ക് കക്ഷി രാഷ്ട്രീയ ഭേദം ഇല്ലാതെ പ്രവര്‍ത്തിക്കുന്ന ജനങ്ങളുടെ സ്വന്തം പ്രതിനിധിക്ക് ,അഴിമതിയുടെ കറ പുരളാത്ത വ്യക്ത്തിത്തങ്ങള്‍ക്ക് അവര്‍ ആരായാലും ഏതു പാര്‍ട്ടി ആയാലും ജനങ്ങളുടെ നന്മ ഉദ്ദേശിച്ചു പ്രവര്‍ത്തിക്കുന്ന നാടിന്റെ സ്വന്തം ആളുകള്‍ക്ക് വോട്ട്‌ ചെയ്യുക .നമ്മുടെ നാടിന്റെ ശാപമായ അഴിമതിയെ തൂത്തെറിയുക..

ജയ്‌ ഹസാരെ ..

ജയ്‌ ജനാധിപത്യം

സുന്തര്‍ രാജ് മാഷിനു കണ്ണീരോടെ വിട....

2011-03-27T01:49:00.000-07:00

നമ്മുടെ മലയാളം ബ്ലോഗേര്‍സ് ഗ്രൂപ്പിന്റെ സജീവ സാന്നിധ്യം എല്ലാ കാര്യത്തിനും ഞങ്ങളുടെ കൂടെ ഇപ്പോഴും ഉണ്ടായിരുന്ന പ്രിയപ്പെട്ട അദ്ധ്യാപകന്‍ ,കൂട്ടുകാരന്‍ ,ഒരു അദ്ധ്യാപകന്‍ എന്ന നിലയില്‍ ഞങ്ങള്‍ക്ക് വേണ്ട നിര്‍ദേശങ്ങള്‍ നല്‍കുന്ന പ്രിയപ്പെട്ട മാഷ്‌ , എഴുത്തിലെ പോരായ്മകള്‍ നന്നാക്കാന്‍ തുടങ്ങിയ അക്ഷരാശ്രമം എന്ന സംരംഭത്തിന്റെ അണിയറ പ്രവര്‍ത്തകരില്‍ ഒരാള്‍ ,എല്ലാത്തിനും ഉപരിയായി ഒരു നല്ല മനുഷ്യന്‍ ആയ സുന്തര്‍ രാജ് മാഷ്‌ നമ്മെ വിട്ടു പോയിരിക്കുന്നു ,ഈ സമയത്ത് എന്താണ് പറയേണ്ടത് എന്ന് എനിക്ക് അറിയുന്നില്ല ഒരു കുടുംബാങ്ങത്തിന്റെ വേര്‍പാടിന്റെ വേദന ഞാന്‍ അടക്കം ഉള്ള "മലയാളം ബ്ലോഗേര്‍സ് ഗ്രൂപ്പിന്റെ "എല്ലാ അംഗങ്ങളും കൂടാതെ അദ്ദേഹത്തിന്‍റെ കമന്റുകള്‍ ഇഷ്ട്ടപ്പെട്ടിരുന്ന ഒരുപാട് ബ്ലോഗര്‍മാരും അനുഭവിക്കുന്നു .അദ്ദേഹത്തിന്‍റെ ഏറെ ഇഷ്ട്ടപ്പെട്ടിരുന്ന ബ്ലോഗിലെ അവസാന വരികള്‍ പോലെ http://viewsinnet.blogspot.com/ ഈ മമ്മൂഞ്ഞിന്‍റെ മയ്യത്ത് എത്ര മണിക്കാണ് കുളിപ്പിക്കാന്‍ എടുക്കുക എന്ന് വല്ലോര്‍ക്കും അറിയാമെങ്കില്‍ ഒന്ന് പറയാന്‍ മറക്കരുതേ ഈ വാക്കുകള്‍ അറം പറ്റിയ പോലെ ..പരേതന്റെ ആത്മാവിനു നിത്യ ശാന്തി നേരാന്‍ പ്രാര്‍ഥിക്കുന്നതോടൊപ്പം ,കുടുംബത്തിന്റെ വേദനയില്‍ പങ്കു ചേരുന്നു ...

എന്ത് പറഞ്ഞാണ് സുഹുര്‍ത്തുക്കളെ ഞാന്‍ എന്നെത്തന്നെ സമാശ്വസിപ്പിക്കുക..

പെയിഡ് ന്യൂസ്‌ ..അഥവാ...കാശിനു വാര്‍ത്ത...

2011-03-23T04:54:00.000-07:00

സ്മാര്‍ട്ട് കൊച്ചിയിലെ ചുവന്ന തെരുവോരങ്ങളില്‍ (ചുവന്ന തെരുവ് എന്നാല്‍ ചെമ്മണ്ണിട്ട റോഡുകള്‍ ഉള്ള തെരുവാണ് കേട്ടോ ) ഗോരി കളിച്ചു വളര്‍ന്ന പയ്യന്‍ ആണ് ശാന്തപ്പന്‍ (ഗോരി കളി: ഞങ്ങളുടെ നാട്ടില്‍ ആറേഴു ഓടിന്‍ കഷണങ്ങള്‍ അടുക്കി വെച്ച് അതിലേക്കു പന്ത് എറിയുന്ന‌ കളി,വിവിധ ദേശങ്ങളില്‍ വിവിധ പേരുകള്‍ ആയിരിക്കും ഇതിനു കേട്ടാ) ). ശാന്തപ്പന്‍ നഗരങ്ങളിലെ സിനിമാ തീയെറ്റരുകളില്‍ പോകുമ്പോളൊക്കെ ഗോരിക്ക് എറിയുന്ന പന്തുമായി നിരന്നു നില്‍ക്കുന്ന ഭാരതീയ ഗോരി ടീമിലെ കളിക്കാരുടെ പടങ്ങള്‍ കണ്ടു , അവനും ഒരു ആഗ്രഹം ഗോരി ദേശീയ ടീമില്‍ എങ്ങനെയും സ്ഥാനം പിടിക്കണം. ഗോരി കളിച്ചു നടക്കുന്നു എന്നല്ലാതെ ശരിക്കു മര്‍മത്തില്‍ എറിയാനുള്ള വിരുതൊന്നും ഇല്ലെങ്കിലും,വല്ലപ്പോഴും "ചക്ക വീണു മുയല്‍ ചാകാറുണ്ട്" എന്നത് കൊണ്ട് താനും ഒരു വലിയ ഗോരി കളിക്കാരന്‍ ആണ് എന്നാണു പുള്ളിയുടെ വിചാരം .

എങ്ങനെയാണ് ശാന്തപ്പന് ദേശീയ ഗോരി ടീമില്‍ സ്ഥാനം കിട്ടുക? ശാന്തപ്പനെക്കള്‍ വലിയ കളിക്കാരൊക്കെ പായും തലയണയും, മറ്റു പലതും ദേശീയ ആസ്ഥാനത്ത് കൊണ്ട് വെച്ച് കെട്ടിക്കിടക്കുമ്പോള്‍ ന്യായമായും വരുന്ന ചോദ്യം. അപ്പോഴാണ്‌ ശാന്തപ്പന്റെ സുഹൃത്തും അഖില കേരള കള്ള സാക്ഷി യുണിയന്‍ പ്രസിഡന്റും ആയ "സാക്ഷി ബീരാന്‍" രംഗത്ത് വരുന്നത്.(വാഴക്കൊല മുതല്‍ മനുഷ്യക്കൊല വരെ ഉള്ളതിന്നു കള്ള സാക്ഷി പറയലാണ് ബീരാന്റെ ജോലി ). ബീരാന്റെ നിര്‍ദേശപ്രകാരം ശാന്തപ്പന്‍ , കേരളത്തിലെ അറിയപ്പെടുന്ന ഫ്ലാഷ് ന്യൂസ്‌ ചാനലിന്റെ റിപ്പോര്ട്ടരെ കാണുന്നു .

റിപ്പോര്‍ട്ടര്‍ : തനിക്കു ദേശീയ ടീമില്‍ കയറാന്‍ എന്ത് യോഗ്യതയാടോ ഉള്ളത് ..സംസ്ഥാന ടീംമില്‍ അംഗമാണോ? അല്ല. ജില്ലാ ടീമില്‍ അംഗമാണോ? അല്ല .പിന്നെ എങ്ങനെ നടക്കുമെന്നാണ് .അതും പോട്ടെ നേരാം വണ്ണം ഗോരി കളി അറിയുകയും ഇല്ലല്ലോ?

ശാന്തപ്പന്‍ : ഒന്ന് പോ മാഷേ എല്ലാരും ഇതൊക്കെ ചെയ്തിട്ടും അറിഞ്ഞിട്ടും ആണോ ടീമില്‍ കയറുന്നത്?ഒന്ന് എത്തി കിട്ടിയാല്‍ അതൊക്കെ പഠിച്ചോളും കേട്ടാ.മാഷൊരു കാര്യം ചെയ്യാന്‍ പറ്റുമോന്നു അറിയാനാ ഞാന്‍ വന്നെ .എന്നെക്കുറിച്ച് നിങ്ങളുടെ ചാനലില്‍ ഒരു ഫ്ലാഷ് ന്യൂസ്‌ കൊടുക്കണം പറ്റുമോ?

റിപ്പോര്‍ട്ടര്‍ : ഓഹോ അപ്പൊ അങ്ങിനെ വഴിക്ക് വാ .കുറെ കാശ് ഇറക്കേണ്ടിവരും വരും കേട്ടാ.

ശാന്തപ്പന്‍ :കാശൊക്കെ ഇറക്കാം ടീമില്‍ എത്തണം ,അടുത്ത ആഴ്ച ടീം പ്രഖ്യാപിക്കും അതിന്നു മുമ്പ് ന്യൂസ്‌ ഇറക്കണം എന്തേ?

റിപ്പോര്‍ട്ടര്‍ : ഓഹോ അങ്ങിനെയോ അപ്പോളെ ഒരു കാര്യം ചെയ്യൂ താന്‍ തന്റെ പിള്ളാരെയും കൂട്ടി ഗോരി കളിക്കാന്‍ പുത്തരിക്കണ്ടത്തിലേക്ക് വാ നാളെ തന്നെ ,നമുക്ക് അവിടെന്നു തന്റെ കളി ഷൂട്ട്‌ ചെയ്യാം പിന്നെ അഡ്വാന്‍സ്‌ കാശും തന്നോളൂ..

ശാന്തപ്പന്‍ : മാഷേ ഇതാ ഇത് പിടിച്ചോളൂ എഴുപത്തയ്യായിരം ഉണ്ട്.പെങ്ങളെ പണ്ടം പണയം വെച്ച കാശാണ് ടീമില്‍ എത്തിയില്ലെങ്കില്‍ അറിയാല്ലോ ,ഇപ്പോള്‍ തന്നെ ഒരു ന്യൂസ്‌ കാച്ചിയെക്ക്.

"ദേശീയ ഗോരി ടീമിലേക്ക് ശാന്തപ്പന് സാധ്യത " ?

റിപ്പോര്‍ട്ടര്‍ :ഓഹോ തനിക്കു പെങ്ങളും ഉണ്ടോ എങ്കില്‍ അവളെ വനിതാ ടീമിലേക്ക് എടുക്കാന്‍ ഇതിലും എളുപ്പമാടോ.അപ്പോള്‍ ന്യൂസ്‌ ഇപ്പോള്‍ തന്നെ കൊടുത്തേക്കാം .തന്റെ രണ്ടു ഫോട്ടോ എടുപ്പിചോളൂ കേട്ടാ.

അങ്ങനെ ചാനെലില്‍ ഫ്ലാഷ് ന്യൂസ്‌ മിന്നി മറഞ്ഞു കൊണ്ടിരുന്നു.

"കേരളത്തിന്റെ ശാന്തപ്പന് ദേശീയ ടീമില്‍ സ്ഥാനം കിട്ടാന്‍ സാധ്യത"

ഇത് കണ്ട മറ്റു ചാനലുകളും മുന്നും പിന്നും നോക്കാതെ ന്യൂസ്‌ കാച്ചി. പത്രങ്ങളായ പത്രങ്ങളും ,ദേശീയ പത്രങ്ങള്‍ വരെ ഗോരി കളി അറിയാത്ത ശാന്തപ്പനെ വാനോളം പുകഴ്ത്തി.പിറ്റേന്നത്തെ പത്രങ്ങളെല്ലാം ശാന്തപ്പന്റെ ചിരിക്കുന്ന മുഖവും കൂടെ ഫുള്‍ സൈസിലുള്ള ഫാമിലി ഫോട്ടോയും ഫ്രെണ്ട് പേജില്‍ കൊടുത്തു .ശാന്തപ്പന്റെ വെളുക്കെ ചിരിക്കുന്ന ,ഗോരിക്ക് എറിയുന്ന പടവുമായി പുത്തരിക്കണ്ടത്ത് അവന്റെ പിള്ളാര്‍ ഒരു പ്രകടനവും നടത്തി.ഈ വാര്‍ത്തകളൊക്കെ കണ്ട സെലെക്ഷന്‍ കമ്മിറ്റിയും ഇനി ശാന്തപ്പനെ ടീമില്‍ എടുത്തില്ലെങ്കില്‍ അത് ഒരു പ്രാദേശിക വാദത്തിനു കാരണമാകുമോ എന്നും ഭയന്ന് ടീമിലും എടുത്തു.. .............

.ശേഷം ഗ്രൗണ്ടില്‍

വാല്‍ :ഇതിലെ കഥയും കഥാപാത്രങ്ങളും ഇപ്പോള്‍ ജീവിച്ചിരിക്കുന്നവരുമായോ,മരണപപെട്ടവരുമായോ,ഇനി ജനിക്കാനിരിക്കുന്നവരുമായോ യാതൊരു ബന്ധവും ഇല്ല.അഥവാ അങ്ങിനെ തോന്നുന്നെങ്കില്‍ അത് തികച്ചും യാഥാര്‍ത്യവും ആണ്,

പിന്നെ കാര്യങ്ങള്‍ കൂട്ടി വായിക്കുക.കഥാപാത്രങ്ങള്‍ മാറിയേക്കാം ,രാഷ്ട്രീയക്കാരും ,മറ്റും ,വാര്‍ത്തകള്‍ ഇങ്ങനെയും ആകാം "ആചാര്യന്‍ എന്ന ബ്ലോഗ്ഗര്‍ ഇമ്തിയാസിനു സീറ്റ് കൊടുക്കാന്‍ ബ്ലോഗര്‍മാരുടെ ആവശ്യം" ."നൌഷാദ് അകംബാടത്തിനു മികച്ച കാര്ട്ടൂനിസ്റ്റു അവാര്‍ഡിന് സാധ്യത".ഇനിയും ഇങ്ങനെ പല വാര്‍ത്തകളും ഉണ്ടാകും കേട്ടാ...അതെന്നെ .

വൈകി വരുന്ന തിരിച്ചറിവുകള്‍ ...

2011-03-10T01:39:00.000-08:00

അന്ന് നാം സന്തോഷിച്ചു ,ലോക മനസ്സുകള്‍ ഒന്നടങ്കം ഈജിപ്ത്യന്‍ പ്രക്ഷോഭകാരികള്‍ക്ക് പിന്തുണ നല്‍കി ,അവസാനം ഹുസ്നി മുബാറക്ക്‌ എന്ന ഏകാധിപതി ,ചരിത്രത്തിന്റെ ചവറ്റു കൊട്ടയിലേക്ക് വലിച്ചെറിയപ്പെട്ടപ്പോള്‍ ലോകത്തിലെ മാധ്യമങ്ങള്‍ ഒന്നടങ്കം,പ്രക്ഷോഭം നയിച്ച ആളുകളുടെ വീര കഥകള്‍ കൊണ്ട് നിറഞ്ഞു,നമ്മുടെ മാധ്യമങ്ങളും അതില്‍ നിന്നും വ്യതിചലിച്ചില്ല .ഫെസ് ബൂക്കിനെയും ,ഓര്‍ക്കൂട്ടിനെയും,എന്തിനു പറയുന്നു പാവം ബ്ലോഗുകളെ പോലും ഈ പ്രക്ഷോഭത്തില്‍ പങ്കാളികളാക്കി.

ആ പ്രക്ഷോഭം ഒരു മാലപ്പടക്കത്തിനു തിരി കൊളുത്തിയതാണ് എന്ന് നാം വൈകി ആണ് അറിഞ്ഞത്.ആ പ്രക്ഷോഭ അഗ്നികള്‍ ലോകത്തിന്റെ കോണുകളിലൂടെ അവസാനം മിഡില്‍ ഈസ്റ്റ്‌ കടക്കുമോ എന്നുള്ള ഭയം ,ലിബിയയും,ഇപ്പോള്‍ ബഹറിനും കടന്നു,ഒമാനിലേക്കും അവിടന്ന് കുവൈറ്റിലേക്കും ,ഇറാക്കിലേക്കും,എന്തിനു സൌദിയിലെക്കും വരെ ചിലപ്പോള്‍ നീണ്ടെക്കാവുന്ന ഈ തിരി നീളുമ്പോള്‍ ഇപ്പോള്‍ നാമൊക്കെ നമ്മുടെ ബന്ധുക്കളെ ഓര്‍ത്താണ് നില വിളിക്കുന്നത്‌,എന്നെങ്കിലും ഇതൊന്നു അവസാനിച്ചാല്‍ മതി എന്ന അവസ്ഥയിലേക്ക് നാം എത്തുമ്പോള്‍ ചിന്തിക്കേണ്ടത് എന്താണ്?

യുവത്വത്തിന്റെ ചോരത്തിളപ്പില്‍ മുന്നും പിന്നും നോക്കാതെ കാട്ടി കൂട്ടുന്ന ചെയ്തികള്‍ക്ക് ,വളരെ ദുഃഖ കരമായ ഒരു അവസാനം ഉണ്ടാകും എന്ന് എന്ത് കൊണ്ട് ലോകത്തിന്റെ ഇതര ഭാഗങ്ങളില്‍ നടന്ന പ്രക്ഷോഭങ്ങളുടെ ,യുദ്ധങ്ങളുടെ അവസാനം ,അവിടത്തെ ജനങ്ങളുടെയും ,ആ രാജ്യവുമായി ബന്ധമുള്ള രാജ്യങ്ങളുടെയും,അവസ്ഥകള്‍ കണ്ടു നാമൊക്കെ മനസ്സിലാക്കുന്നില്ലാ?,ഏകാധിപധികളെ തുരത്തെണ്ടത്‌ ആവശ്യമാണ്‌ എങ്കിലും,അതിനു മാനുഷികമായ പരിഗണന നല്‍കിയുള്ള ചര്‍ച്ചകള്‍ക്കാണ് ,സമാധാന കാംക്ഷികളായ രാജ്യങ്ങളും ,ജനങ്ങളും മുന്നിട്ടിറങ്ങേണ്ടത്,ഇവിടങ്ങളിലൊക്കെ പറയുന്നതിലും വളരെയധികം ആള്‍ക്കാര്‍ ആണ് ദിനേന മരിച്ചു വീഴുന്നത്,ഇതൊന്നും എന്തെ ഇപ്പോള്‍ മാധ്യമങ്ങളില്‍ വിഷയമാകുന്നില്ലാ?,ഇതൊന്നും എന്ത് കൊണ്ട് തനിക്കു ഇഷ്ട്ടമില്ലാത്ത ആളുകള്‍ തുമ്മിയാല്‍ പോലും മനുഷ്യാവകാശ ലംഘനം ആരോപിക്കുന്ന സംഘടനകള്‍ കാണുന്നില്ല?,

ഒരു പ്രക്ഷോഭം നടന്ന രാജ്യത്ത് ഇത് വരെ ആയിട്ടും ബദല്‍ സംവിധാനം ഉണ്ടാകാത്തത് ,അവിടത്തെ സാധാരണ ജനജീവിതത്തെ വളരെ ബാധിച്ചിട്ടുണ്ട് എന്നും നാം മനസ്സിലാക്കുക,തങ്ങള്‍ക്കു അനഭിമതരായ രാജ്യങ്ങളുടെ ജനങ്ങള്‍ക്ക്‌ പ്രക്ഷോഭത്തിനുള്ള തിരി കൊടുക്കാന്‍ മാത്രമല്ല ,അവിടങ്ങളിലെ ജന ജീവിതം നേരെയാക്കുവാനും പടിഞ്ഞാറന്‍ രാജ്യങ്ങള്‍ക്ക് സാധിക്കേണ്ടതാണ്‌.അവര്‍ അതിനു തുനിഞ്ഞില്ലെങ്കിലും യു എന്‍ സംഘടനകള്‍ മുന്നിട്ടിറങ്ങേണ്ടത് യുദ്ധങ്ങള്‍ ഉണ്ടാവാതിരിക്കനാണ് ,അല്ലാതെ ഇപ്പോള്‍ പടിഞ്ഞാറന്‍ രക്ത ദാഹികള്‍ ലിബിയ എന്ന രാജ്യത്തെയും കൈപ്പിടിയില്‍ ഒതുക്കുവാന്‍ സര്‍വ സന്നാഹവുമായി കാത്തു നില്‍കുമ്പോള്‍ അതിനു പിന്തുണ നല്‍കി അവസാനം എല്ലാം കഴിഞ്ഞു കുറെ മരുന്നും ,പൊതിയുമായി ഇറങ്ങല്‍ മാത്രമല്ലാ ഇവരുടെയൊക്കെ പണികള്‍ .ഇപോഴത്തെ സംഭവ വികാസങ്ങള്‍ കാര്യ കാരണങ്ങള്‍ നിരത്തി ചിന്തിക്കുമ്പോള്‍ ചിലതൊക്കെ മണക്കാന്‍ കഴിയുന്നുണ്ട്.ബെടക്കാക്കി തനിക്കാക്കുക എന്ന തത്വം ഇവിടെ പ്രായോഗികമായോ എന്നൊരു സംശയം ഇല്ലാതില്ലാ.

അനുബന്ധം : ഈജിപ്ത്യന്‍ പ്രക്ഷോഭ വിജയത്തിന്റെയും ,ലിബിയയിലെ ഗദ്ദാഫിയുടെ തകര്‍ച്ചയും ആഘോഷമാക്കാന്‍ ചേര്‍ന്ന സമ്മേളനത്തില്‍ അഹോരാത്രം പങ്കെടുത്തു യുവാവായ മകന്‍ ക്ഷീണിച്ചു വീട്ടിലെക്കെത്തുമ്പോള്‍ ,ജീവിതത്തിന്റെ രണ്ടറ്റം മുട്ടിക്കാനായി ഏതോ വിദേശ രാജ്യത്ത് കഷ്ട്ടപ്പെട്ടു കൊണ്ടിരുന്ന അച്ഛന്‍ ,അവിടത്തെ പ്രക്ഷോഭങ്ങള്‍ കാരണം തനിക്കുള്ളതെല്ലാം നഷ്ട്ടപ്പെട്ടു വീട്ടിലേക്കു തിരിച്ചെത്തിയിരുന്നു....

എന്റെ വര...ഇന്നത്തെ വര..

2011-02-27T01:03:00.000-08:00

"മലയാളം ബ്ലോഗേര്‍സ് ഗ്രൂപ്‌ "പേജില്‍ നൌഷാദ് അകമ്പാടം ചെയ്യുന്ന പംക്തിയായ എന്റെ വര ഇന്നത്തെ വര എന്ന കാര്‍ട്ടൂണ്‍ പംക്തിയില്‍ അദ്ദേഹം വരച്ച...

ഇന്നത്തെ വര..

ഇല്ലാത്ത രോഗത്തിനു വേണ്ടാത്ത മരുന്ന്
അഥവാ
ചിത്രകാരന്റെ ചിതയൊരുക്കല്‍!

മലക്കല്ല ഞാന്‍ പെണ്ണെന്നോര്‍ക്കണം നിങ്ങളും......

2011-02-06T03:07:00.000-08:00

മലയാളത്തിന്റെ ,മാപ്പിളപ്പാട്ടിന്റെ വഴികളില്‍ വേറിട്ടൊരു ചരിത്രം കുറിച്ച ഒരു മഹാനായ ഗായകന്‍ ആണ് എസ് എ ജമീല്‍ .പണ്ട് ഞാന്‍ സ്കൂളില്‍ പഠിക്കുമ്പോള്‍ ആണ് ,ഈ കത്ത് പാട്ട് ആദ്യമായി കേള്‍ക്കുന്നത്,അന്ന് മുതല്‍ക്കു തന്നെ അതെന്റെ മനസ്സില്‍ തങ്ങി നിന്നു,അത് പ്രവാസത്തിന്‍റെ നൊമ്പരങ്ങള്‍ ആ ഗാനത്തില്‍ ഉണ്ടായിരുന്നത് കൊണ്ടല്ല ,ആ ഗാനത്തിലെ നൊമ്പരങ്ങള്‍ എനിക്ക് അപ്പോള്‍ അറിയാവുന്നതായിരുന്നില്ല .കേള്‍ക്കാന്‍ ഇമ്പമുള്ള ഒരു പാട്ട് എന്ന നിലക്കായിരുന്നു അത് എന്നെ ആകര്‍ഷിച്ചത്.

പ്രവാസികള്‍ എന്നാല്‍ ഒന്നോ, രണ്ടോ വര്‍ഷത്തിലൊരിക്കല്‍ നാട്ടില്‍ വന്നു ,അവരുടെ പത്രാസും മറ്റും കണ്ടു വളന്ന എനിക്ക് , അവര്‍ ഏതോ സ്വര്‍ഗ്ഗ രാജ്യത്ത് അടിച്ചു പൊളിച്ചു ജീവിക്കുന്നവര്‍ ആണ് എന്ന് ,എല്ലാവരെയും പോലെ അന്നൊക്കെ വിജാരിച്ചിരുന്നു,അന്നൊക്കെ ഇന്നത്തെ പോലെ നെറ്റ് കാളുകളും,വോഇസ് ചാറ്റും ,ഒന്നും ഇല്ലായിരുന്നല്ലോ,മാത്രവുമല്ലാ വളരെ ചുരുക്കം വീടുകളില്‍ മാത്രമാണ് ലാന്‍ഡ് ഫോണുകള്‍ തന്നെ ഉണ്ടായിരുന്നത്. ആ കാലത്ത് ഞങ്ങളുടെ നാട്ടില്‍ ലാന്‍ഡ് ഫോണ്‍ ഉണ്ടായിരുന്നത് ,എന്‍റെ വീട്ടിലും എന്‍റെ വലിയുപ്പയുടെ വീട്ടിലും ആണ് ,അത് കൊണ്ട് അന്ന് നാട്ടില്‍ ഉണ്ടായിരുന്ന പ്രവാസികളില്‍ ചിലര്‍ എന്‍റെ വീട്ടിലേക്കായിരുന്നു വിളിക്കാറുള്ളത് .

   പ്രവാസികളില്‍ വിളിക്കുന്ന ആള്‍ വീട്ടിലേക്കു വിളിച്ചു പറയും,ഇന്ന ദിവസം ഇത്ര മണിക്ക് ഞാന്‍ വിളിക്കും വീട്ടുകാരോട് ഇവിടെ വരാന്‍ പറയണം എന്ന് .ഞാന്‍ ആയിരുന്നു അന്ന് അത് ആ വീട്ടുകാരോട് ,അല്ലെങ്കില്‍ അവരുടെ മക്കളോ മറ്റോ പഠിക്കാന്‍ വരുമ്പോള്‍ പറയുക.ചിലപ്പോള്‍ പറയാന്‍ മറന്നിട്ടു ആള്‍ വിളിക്കുമ്പോള്‍ ആയിരിക്കും ഓര്‍മ വരിക ,ഉടനെ അവര്‍ വന്നിട്ടില്ലാ കുറച്ചു കഴിഞ്ഞു വരും എന്ന് പറഞ്ഞു ഓടിപ്പോയി അവരുടെ വീടുകളില്‍ പോയി പറയും.അന്നൊന്നും അറിയില്ലല്ലോ പ്രവാസികളുടെ നൊമ്പരങ്ങള്‍ .ആള്‍ വിളിച്ചാല്‍ അവര്‍ക്ക് ഫോണ്‍ കൊടുത്തിട്ട് ആ മുറിയുടെ വാതിലും അടച്ചിട്ടു ഉമ്മ ഞങ്ങളെയും വിളിച്ചു പുറത്തു വരും .അതെന്തിനാണെന്ന് അന്ന് അറിഞ്ഞിരുന്നില്ലെങ്കിലും ഇപ്പോള്‍ ഞാന്‍ അറിയുന്നു ,പ്രവാസികളുടെ നൊമ്പരങ്ങളും വീര്‍പ്പു മുട്ടലുകളും അവര്‍ക്ക് മാത്രമായ ലോകത്ത് പങ്കു വെക്കപ്പെടാനായിരുന്നു അതെന്നു .

     വര്‍ഷങ്ങള്‍ കഴിഞ്ഞു ഞാനും ഒരു പ്രവാസി ആയപ്പോള്‍ ,ഇന്നും അനേകം മലയാളികള്‍ ജോലി ചെയ്യുന്ന,ചാനലുകളിലെ കാഴ്ചകളില്‍ മതിമറന്നു അനേകം ആളുകള്‍ പോകാന്‍ കൊതിക്കുന്ന ദുബായി എന്ന മഹാ നഗരത്തിന്റെ ഹൃദയത്തില്‍ തന്നെ താമസിക്കാന്‍ അവസരം കിട്ടിയപ്പോഴും  എന്‍റെ പിറന്നു വീണ നാടിനെക്കുറിച്ച് ,എന്‍റെ രക്ഷിതാക്കളെക്കുറിച്ച് , എന്‍റെ മനസ്സിലെ വിങ്ങലുകള്‍ മറക്കാന്‍ ഞാന്‍ കേള്‍ക്കാറുള്ള പാട്ടുകളില്‍ ഏറ്റവും ഇഷ്ട്ടപ്പെട്ടവയായിരുന്നു   എസ് എ ജമീലിന്റെ പാട്ടുകള്‍ .അത് കേള്‍ക്കുമ്പോള്‍ മനസ്സിന്റെ മുഖം നാടിന്റെ ഇട വഴികളിലേക്ക് തിരിച്ചു കൊണ്ടായിരിക്കും ,ഒരായിരം ഓര്‍മകളുടെ ഓരിയിടലുകള്‍ സമ്മാനിച്ചു കൊണ്ട് .അന്ന് കല്യാണം കഴിച്ചിട്ടില്ലാത്ത എനിക്ക് എന്‍റെ പ്രിയപ്പെട്ട നാടാണ് ഭാര്യ.മലകളും കുന്നുകളും ,പുഴകളും ,മനസ്സിന്റെ മണിയറയില്‍ എന്നും പച്ചപ്പ്‌ വിതക്കുന്ന വയലേലകളും ആണ് എന്‍റെ കുരുന്നുകള്‍ ,എസ് എ ജമീലിന്റെ വരികളില്‍ കാണുന്ന പ്രവാസികളും നാടും തമ്മിലുള്ള ആ ഊഷ്മളമായ ബന്ധം .ആ കവിയുടെ മഹത്തായ വരികള്‍ അന്നും ഇന്നും ഇനിയെന്നും മരിക്കുകില്ലാ ...

   മലയാള പ്രവാസികളുടെ നൊമ്പരങ്ങള്‍ മധുര മനോഹരമായ പാട്ടുകളിലൂടെ നമുക്ക് കാട്ടി തന്നെ ,പ്രവാസികള്‍ നില നില്‍ക്കുന്ന കാലത്തോളം ഉയര്‍ന്നു കേള്‍ക്കാവുന്ന ഗാനങ്ങളിലൂടെ നമ്മുടെ മനസ്സുകളില്‍ ജീവിക്കുന്ന ആ കവിക്ക്‌ ആദരാഞ്ജലികള്‍ അര്‍പ്പിക്കുന്നു ..

ജമീലിന്റെ വരികള്‍ .......

രണ്ടോ നലോ വര്‍ഷം മുമ്പ് നിങ്ങള്‍ വന്നു
എട്ടോ പത്തോ നാളുകള്‍ മാത്രം വീട്ടില്‍ നിന്നു
അതിലുണ്ടായൊരു കുഞ്ഞിന് മൂന്ന് വയസ്സായിന്ന്
അവനെന്നും ചോദിക്കും ബാപ്പ എവിടെയെന്ന്
ഓടിച്ചാടിക്കളിക്കും -മോന്‍ ബാപ്പാനെ
മാടി മാടി വിളിക്കും -അത് കാണുമ്പോള്‍
ഉടഞ്ഞിടും ഇടനെഞ്ച് പിടഞ്ഞിടും
പൂക്കുഞ്ഞി പൈതലല്ലേ -ആ മുഖം
കാണാന്‍ പൂതി നിങ്ങള്‍ക്കുമില്ലേ.

മധുരം നിറച്ചൊരെന്‍ മാംസപ്പൂവന്‍ പഴം
മറ്റാര്‍ക്കും തിന്നാന്‍ കൊടുക്കൂലൊരിക്കലും
മരിക്കോളമീ നിധി കാക്കും ഞാനെങ്കിലും
മലക്കല്ല ഞാന്‍ പെണ്ണെന്നോര്‍ക്കണം നിങ്ങളും
യൗവ്വനത്തേന്‍ വഴിഞ്ഞേ -പതിനേഴിന്റെ
പൂവനപൂ കൊഴിഞ്ഞേ -താരുണ്യത്തിന്‍
കടഞ്ഞെടുത്ത പൊന്‍കുടമൊടുവില്‍ -ഞാന്‍
കാഴ്ച്ചപ്പണ്ടം മാത്രമായി -ഉഴിഞ്ഞിട്ട
നേര്‍ച്ചക്കോഴി പോലെയായ്................

പ്രവാസത്തിന്റെ കാണാ കാഴ്ചകള്‍ ...

2011-01-12T05:24:00.000-08:00

വരൂ വരൂ ,

ഇതെന്റെ വീടാണ്. പണ്ട് ഇങ്ങനെയൊന്നും ആയിരുന്നില്ല കേട്ടോ.. പൊട്ടിപ്പൊളിഞ്ഞു അവിടെയും ഇവിടെയും ചോര്‍ച്ച വീണ ഒരു വീടായിരുന്നു. ഞാന്‍ ഗള്‍ഫില്‍ പോയതിനു ശേഷമാണ് ഇതിനെ ഒരു വീടാക്കിയത്. അച്ഛന്‍ കൂലിപ്പണി എടുത്തു കിട്ടുന്ന കാശ് കൊണ്ടാണ് എന്നെ കുറച്ചെങ്കിലും പഠിപ്പിച്ചത്. എല്ലാരും ഗള്‍ഫില്‍ പോയി വന്നു പത്രാസു കാണിക്കുംബോഴായിരിക്കാം അച്ഛനും തോന്നിയത് എന്നെ ഒരു ഗള്‍ഫുകാരന്‍ ആക്കണമെന്ന്. അവിടുന്നും ഇവിടുന്നും കുറെ കടം വാങ്ങിയും, പുരയിടം പണയം വെച്ചും മറ്റും വിസക്കുള്ള കാശ് ഒപ്പിച്ചപ്പോള്‍ അച്ഛന്‍ ഒന്നേ പറഞ്ഞുള്ളൂ,'നീ അവിടെ ചെന്നാല്‍ ഞങ്ങളെ മറന്നെക്കരുത്, എല്ലാം തിരിച്ചെടുക്കണം എന്ന്'. അന്ന് മുതല്‍ ഞാന്‍ അച്ഛന്‍ പറഞ്ഞത് പോലെ നടന്നു.

ശ്ശൊ..നിങ്ങളെ മുഷിപ്പിച്ചോ ?

അപ്പുറത്ത് ഉച്ചത്തില്‍ ഒരു സ്ത്രീ സംസാരിക്കുന്നത് കേള്‍ക്കാം.

"എടാ അതിനെ ഇവിടെ ഇടാന്‍ പറ്റില്ലാ. എനിക്ക് സാരിയുടുക്കാനും മറ്റു കാര്യങ്ങള്‍ക്കും എവിടെ പോകും? അതിവിടെ ഒരു ഭാരമായി കിടക്കും. മാത്രമല്ല, എന്‍റെ കൂട്ടുകാരികള്‍ വരുമ്പോള്‍ സ്വകാര്യം പറയാറും എന്‍റെ മുറിയിലാ. നീ വേറെ ഇടം നോക്ക്. നിന്റെ മുറിയില്‍ പോരെ?"

ഹോ അതോ...അത് എന്‍റെ ഭാര്യയാ..

എന്നോട് നല്ല സ്നേഹമായിരുന്നു.ഗള്‍ഫിലെത്തി കുറെ കഴിഞ്ഞിട്ടായിരുന്നു വിവാഹം. വിവാഹം ആകുമ്പോഴേക്കും വീടും ചുറ്റുപാടും കുറച്ചൊക്കെ ആയി എന്ന് പറയാം. അതാവും നല്ലൊരു കുടുംബത്തീന്ന് പഠിപ്പും പത്രാസും ഉള്ളവളെ തന്നെ വധുവായി കിട്ടിയത്. വിവാഹം കഴിഞ്ഞതിനു ശേഷം അവള്‍ക്കു വേണ്ടിയായി ജീവിതം. അക്കരെയിക്കരെ ആയിരുന്നെങ്കിലും മാസമാസം വന്നു കൊണ്ടിരുന്ന ഡ്രാഫ്റ്റുകള്‍ അവളുടെ വിരഹം മറക്കുവാന്‍ സഹായിച്ചിരുന്നു. വിവാഹം കഴിഞ്ഞതിനു ശേഷവും അച്ഛനെയും അമ്മയെയും ഞാന്‍ നല്ലത് പോലെ നോക്കിയിരുന്നു. അവരുടെ അവസാന കാലത്തില്‍ ഹോം നഴ്സിനെ വെച്ചിരുന്നുവെങ്കിലും അവളും "നന്നായി" നോക്കിയിരുന്നു .

ഇപ്പോള്‍ അപ്പുറത്ത് ഒരു യുവാവിന്റെ ശബ്ദം .

"അമ്മ എന്താണ് പറയുന്നത്...എന്‍റെ മുറിയില്‍ എങ്ങനെ ആക്കും..? ആഴ്ചയില്‍ ഒരിക്കല്‍ ആണെങ്കിലും നഗരത്തീന്നു വന്നാല്‍ ഞങ്ങള്‍ക്ക് താമസിക്കെണ്ടേ? മാത്രോല്ല, എന്‍റെ പണിയും നടക്കില്ല അതവിടെ കിടന്നാല്‍. ശ്യാമക്കും കുട്ടികള്‍ക്കും അതൊരു ബുദ്ധിമുട്ട് ആകുകയും ചെയ്യും ."

അത് എന്‍റെ മോനാണ്...

കല്യാണം കഴിഞ്ഞു രണ്ട് വര്‍ഷം കഴിഞ്ഞാണ് അവന്‍ ജനിച്ചത്‌. ഒരു ഗള്‍ഫുകാരന്റെ എല്ലാ ആഗ്രഹങ്ങളോടും കൂടിയാണ് അവനെ വളര്‍ത്തിയത്. വേണ്ടതെല്ലാം കൊടുത്ത് അവനെ ഒരെഞ്ചിനിയര്‍‍ ആക്കി. ഇപ്പോളവ‍ നഗരത്തിലെ വലിയ കമ്പനിയില്‍ നല്ല ജോലി. ഗള്‍ഫെന്ന് പറഞ്ഞാല്‍ അവനിപ്പോള്‍ പുച്ഛമാണ്. കാലം പോയ പോക്കെ. ഗ്രാമങ്ങള്‍ വരെ നഗരങ്ങളായി മാറിയിരിക്കുന്നു. ഇതെല്ലാം ഉണ്ടായത് ഈ പ്രവാസികള്‍ മൂലമാണെന്ന് ചിന്തിച്ചിരുന്നെങ്കില്‍ ..

ആ ഇരമ്പല്‍ ഒരു കാറിന്റെ ശബ്ദമാണല്ലോ.

മോളും വന്നെന്നാണ് തോന്നുന്നത്. ഇനി അവള്‍ തീരുമാനിക്കും എന്താണ് ചെയ്യേണ്ടതെന്ന്. പണ്ടെനിക്ക് മോളെ വലിയ ഇഷ്ടമായിരുന്നു. എപ്പോള്‍ വിളിച്ചാലും ഒരു ഉമ്മ തരാതെ അവള്‍ ഫോണ്‍ വെക്കില്ലായിരുന്നു .ഏതു കൂട്ടുകാരന്‍ നാട്ടില്‍ പോകുമ്പോഴും അവള്‍ക്കെന്തെങ്കിലും കൊടുത്തയച്ചില്ലെങ്കില്‍ എനിക്ക് ഉറക്കം വരില്ലായിരുന്നു. നല്ലൊരു ചെറുക്കനെ അവള്‍ക്ക് കല്യാണവും കഴിപ്പിച്ചു കൊടുത്തു. കല്യാണത്തിനു ചിലവായതിന്റെ കടം വീട്ടാന്‍ പിന്നെയും വര്‍ഷങ്ങള്‍ എടുത്തു. ഇപ്പോള്‍ അവളും ഭര്‍ത്താവും നഗരത്തിലാണ് താമസം. കാറും ജോലിയുടെ ഗമയും ഒക്കെ ആയി ഇപ്പോളവള്‍ വലുതായി, അച്ഛനായ എന്നെക്കാളും.

"വണ്ടി കൊണ്ട് വന്നിട്ടുണ്ട് ,നമുക്ക് ഇപ്പൊത്തന്നെ പോകാം. ഞാന്‍ എല്ലാം പറഞ്ഞു വെച്ചിട്ടാണ് വന്നത്. ഇപ്പോള്‍ തന്നെ ഇവിടന്നു കൊണ്ട് പോയാല്‍ മനസ്സമാധാനത്തോടെ ബാക്കിയുള്ളവര്‍ക്ക് കഴിയാല്ലോ.. എന്തേ?" അവള്‍ അമ്മയോടും ചേട്ടനോടുമായി പറഞ്ഞു.

ഹോ ഞാന്‍ അത് പറഞ്ഞില്ല അല്ലെ, ഇവര്‍ എന്തിനാണ് തര്‍ക്കിക്കുന്നത്‌ എന്ന്.

-വര്‍ഷങ്ങള്‍ നീണ്ട പ്രവാസ ജീവിതത്തോടു മല്ലടിച്ച് മറ്റുള്ളവര്‍ക്ക് വേണ്ടി ജീവിച്ച എന്റെ സുഖങ്ങള്‍ എല്ലാം ഇവര്‍ക്ക് വേണ്ടി മാറ്റിവെച്ചു. ഇവരുടെ സുഖമാണ് എന്‍റെ സുഖം എന്ന് കരുതി ജീവിച്ച ഞാന്‍, ആ ആട് ജീവിതത്തിലെ പരക്കം പാച്ചിലിനിടയില്‍ സംഭവിച്ച അപകടത്തില്‍ മിണ്ടാനാകാതെ ഒരു വശം തളര്‍ന്നു കിടപ്പിലായപ്പോള്‍ ‍ ഇവര്‍ക്കാര്‍ക്കും വേണ്ടാതായി. സ്വന്തം പാതി എന്ന് കരുതി സ്നേഹിച്ച ഭാര്യക്ക് വേണ്ട. പെറ്റു വീണത്‌ മുതല്‍ ഒരു നോക്ക് കാണുവാന്‍ ഉള്ളില്‍ ഒതുക്കിപ്പിടിച്ച മോഹങ്ങളുമായി നീറി നീറി ജീവിച്ച, അവരുടെ വളര്‍ച്ചകള്‍ കാണാതെ കണ്ടിരുന്ന, അച്ഛനെ സ്വന്തം മക്കള്‍ക്കും വേണ്ടാതായി. ഇപ്പോള്‍ ഒരു കാര്യത്തിനും കൊള്ളാതെ ഞാന്‍ അനാഥനായി. എന്‍റെ ശരീരത്തിന് ഒരു സ്ഥലം, ഞാന്‍ കെട്ടിയുയര്‍ത്തിയ ഈ മണിമാളികയില്‍ ഇല്ലാ എന്നാണിവര്‍ പറയുന്നത്-

വൃദ്ധ സദനത്തിന്റെ വാനിലേക്ക് കട്ടില്‍ അടക്കം വലിച്ചെറിയപ്പെടുമ്പോള്‍ ഒന്ന് തിരിഞ്ഞു പോലും നോക്കാന്‍ ആകാതെ, ഒന്ന് കണ്ണീര്‍ വാര്‍ക്കാന്‍ കഴിയാതെ ആ മനസ്സ് മന്ത്രിച്ചത് ഇങ്ങനെയാവാം അല്ലെ?

-അതേടോ പ്രവാസി ഒരു ഏ ടി എം ആണ്. കാശ് ആവശ്യമുള്ളപ്പോള്‍ മാത്രം ഉപയോഗിക്കപ്പെടുന്ന ഏ ടി എം. ഉപയോഗം കഴിഞ്ഞാല്‍ വലിച്ചെറിയപ്പെടുന്ന ഒരു കാര്‍ഡിന്റെ വിലയെ പ്രവാസിക്കുള്ളൂ. ഇനി എങ്കിലും ഈ അനുഭവം വരാതിരിക്കണമെങ്കില്‍ പ്രവാസികളെ സ്വയം ജീവിക്കാന്‍ മറക്കരുതേ.....

ആചാര്യന്റെ പുതു വത്സര ആശംസകള്‍ ....

2010-12-30T02:49:00.000-08:00

ദൂരെയെങ്ങോ അഗ്നി ഗോളത്തെ കടലെടുക്കുമ്പോഴും ..
ഒരു പുതിയ പുലരിക്കായി കാതോര്‍ക്കുന്നൂ,
മനസ്സില്‍ ഒരുപാട് മുറിവുകള്‍ നല്‍കി ,
ഒരു വര്‍ഷം പിന്നിടുമ്പോഴും ,
പുതിയ പ്രതീക്ഷകളുമായി പുതുവര്‍ഷം ,
മുന്നില്‍ വഴിതീര്‍ക്കുന്നു,
---------------------------------------

പ്രിയപ്പെട്ട എന്‍റെ ബൂലോഗത്തിലെ,ഈ ബ്ലോഗുലകത്തിലെ എല്ലാ കൂട്ടുകാര്‍ക്കും ,ഈ നിങ്ങളുടെ സ്വന്തം "ആചാര്യന്റെയും" ,നമ്മുടെ സ്വന്തം "മലയാളം ബ്ലോഗേര്‍സ് ഗ്രൂപ്പിന്റെയും"
പുതു വത്സര ആശംസകള്‍

അടുക്കളയില്‍ നിന്നും അരങ്ങത്തേക്ക് ...

2010-12-19T00:32:00.000-08:00

സാജന്‍ ..

വര്‍ഷങ്ങളായി ഗള്‍ഫില്‍ ഒരു സാദ കണ്‍സ്ട്രക്ഷന്‍ തൊഴിലാളി ആയി ജീവിക്കുന്ന ഒരു പാവം മലയാളി. നാട്ടില്‍ അദ്ദേഹത്തിന്‍റെ ഭാര്യയും എട്ടാം ക്ലാസ്സില്‍ പഠിക്കുന്ന ഒരു മകളും. കഠിനമായ ജോലിയാണെങ്കിലും എല്ലാം സ്വരുക്കൂട്ടി നാട്ടില്‍ ഒരു ചെറിയ കൂരയുണ്ടാക്കി. വീട്ടുകാരെ നല്ലവണ്ണം സഹായിക്കുന്നവനും ആണ്.

ഒരവധിക്ക്‌ നാട്ടില്‍ വന്ന സാജനോട് ഭാര്യ

"അതേയ് .."

"എന്താ?"

"ഞാന്‍ ഒരു കാര്യം ചോദിച്ചാല്‍ ..സമ്മതിക്കുമോ?"

"എന്താണ് പറയ്‌"

"ചേട്ടാ എനിക്ക് ടിവിയിലെ "മഹിളാ രത്നം" പരിപാടിയില്‍ മത്സരിക്കണം"

"അയ്യോ അതെന്തിനാ ഇപ്പൊ ? അതിന് തനിക്ക് എന്തറിയാം? അതൊന്നും ശെരിയാകില്ല"

"അതല്ല. അപ്പുറത്തെ ഷാഹിന താത്തയും, ബിന്ദു ചേച്ചിയും എല്ലാം ആ മത്സരത്തില്‍ പങ്കെടുക്കാന്‍ പോകുന്നു എന്ന് പറഞ്ഞു. അപ്പൊ ഗള്‍ഫുകാരനായ ചേട്ടന്റെ ഈ ഞാന്‍ മാത്രം എന്തിനാ മാറി നിക്കുന്നത്?"

"അതില്‍ പങ്കെടുത്തു വെറുതെ കാശും സമയവും കളയാം എന്നല്ലാതെ .. നീ മോളെ ശെരിക്കു പഠിപ്പിക്കാന്‍ നോക്ക്. അതും അല്ല, കുറെ കാശും പൊടിയാക്കിയതിനു ശേഷം ആകും അവര്‍ നിന്നെ പോരെന്നു പറഞ്ഞു തിരിച്ചയക്കുന്നത്."

"അതൊക്കെ ഒരാള്‍ ശെരിയാക്കിത്തരാം എന്ന് പറഞ്ഞിട്ടുണ്ട്. അടുക്കളയുടെ ചുമരുകളില്‍ തളച്ചിട്ട പെണ്ണുങ്ങളുടെ പുതിയ പുതിയ "ആക്ടിവിറ്റീസ് " പുറത്തെടുക്കാന്‍ ഇങ്ങനെയുള്ള മത്സരങ്ങളില്‍ പങ്കെടുക്കണം എന്നാണ് ടിവിയിലെ പരസ്യത്തിലും പറേന്നത്‌. എനിക്കാണെങ്കില്‍ സ്കൂളില്‍ ടാബ്ളോ മത്സരത്തിന് സമ്മാനവും കിട്ടിയിട്ടുണ്ട്. അതോണ്ടാ. ചേട്ടന് ഇഷ്ടമല്ലെങ്കില്‍ പിന്നെ....ഞാന്‍ ഈ അടുക്കളയില്‍ തന്നെ കരിയും പുകയും കൊണ്ട് കഴിഞ്ഞോളാം. ഇവിടെ കിടന്ന് ബോറടിച്ച് മരിക്കേണ്ടല്ലൊ എന്ന് കരുതിയാണ്. സമ്മാനം കിട്ടിയാല്‍ നമുക്ക് കുറേ കാശും കിട്ടും ചേട്ടന്റെ പ്രയാസങ്ങള്‍ തീരുകയും ചെയ്യും. എന്തേ?"

"ഒന്നാലോചിച്ചാല്‍ അത് നല്ലതാണ്. സ്കൂളില്‍ പഠിക്കുമ്പോള്‍ സമ്മാനങ്ങളൊക്കെ വാങ്ങിയതല്ലെ. കിട്ടിയാല്‍ പിന്നെ ഗള്‍ഫില്‍ കിടന്നു കഷ്ടപ്പെടേണ്ടല്ലൊ. ഗള്‍ഫില്‍ ആണ് എന്ന പേരല്ലാതെ എന്താ ഉള്ളത്? അങ്ങനെ കഴിഞ്ഞു പോകുന്നു എന്നല്ലാതെ...."

"ഒക്കെ. എന്നാല്‍ നീയും ചേര്‍ന്നോ. പക്ഷെ മോളെ നല്ലോണം നോക്കണം കേട്ടല്ലോ."

"താങ്ക്യു ചേട്ടാ... ഇനി ചേട്ടന്‍ പോയിക്കഴിഞ്ഞാല്‍ ബോറടിച്ചു മരിക്കില്ല. റിഹേര്‍സലും മറ്റും ആയി പുതിയ പുതിയ "ആക്റ്റിവിറ്റീസ്" എനിക്ക് പുറത്തെടുക്കണം."

അങ്ങനെ അവളും മത്സരത്തില്‍ പങ്കെടുക്കാന്‍ പോയി, സാജന്‍ ഗള്‍ഫിലേക്കും ..

ആഴ്ചയിലൊരിക്കല്‍ നാട്ടിലേക്ക് വിളിക്കാറുള്ള സാജനോട് പുതിയ പുതിയ കാഴ്ചകളുടെയും "ആക്റ്റിവിറ്റി "കളുടെയും രാത്രി വരെ നീളുന്ന റിഹേഴ്സലുകളുടെയും കഥകളാണ് ഭാര്യക്ക് പറയാനുണ്ടായിരുന്നത്. തന്‍റെ ഭാര്യയെ പൂര്‍ണ വിശ്വാസം ഉണ്ടായിരുന്ന സാജന്‍ അപ്പപ്പോള്‍ കടം വാങ്ങിയും മറ്റും കാശ് അയച്ചു കൊണ്ടിരുന്നു.

ഒരു നാള്‍ ...അധികം കത്തുകളൊന്നും എഴുതാറില്ലാത്ത ഭാര്യയുടെ ഒരു കത്ത് വന്നു. സന്തോഷത്തോടെ അതിലേറെ ആകാംക്ഷയോടെ അത് പൊട്ടിച്ച് വായിച്ചു.

പ്രിയപ്പെട്ട സാജേട്ടന്...

-എനിക്കും മോള്‍ക്കും സുഖം. ചേട്ടനും അങ്ങനെ തന്നെ എന്ന് കരുതുന്നു. പിന്നെ ചേട്ടാ, ഇവിടെ നല്ല രസമാണ്. ചേട്ടന്‍ ഇല്ലാത്ത വിഷമം അറിഞ്ഞതേയില്ല. നമ്മുടെ നാട്ടില്‍ നിന്നും ഞാന്‍ മാത്രേ ഉള്ളൂ.. എന്‍റെ "പെറ്ഫോ‍മെന്‍സ് "കണ്ട സംവിധായകന്‍ ചേട്ടന്‍, ഞാന്‍ തന്നെയാണ് മഹിളാ രത്നത്തിന് അര്‍ഹതയുള്ളവള്‍‍ എന്ന് പറഞ്ഞു. ഇനിയും കുറെ "ആക്റ്റിവിറ്റീസ് " പുറത്തെടുക്കാന്‍ ഉണ്ട് എന്നും പറഞ്ഞു.റിഹെഴ്സലും മറ്റുമായി കുറെയേറെ "സംഗതികള്‍ "ഞങ്ങളുടെ ജഡ്ജിമാരും എനിക്ക് പഠിപ്പിച്ചു തരാറുണ്ട്. നാട്ടില്‍ നിന്നും എപ്പോഴും വന്നു പോകാന്‍ കഴിയാത്തത് കൊണ്ട് ഈ കൊച്ചിയില്‍ ഒരു ഫ്ലാറ്റ് എടുത്തുതന്നു ഇതിന്റെ നിര്‍മ്മാതാവ് ചേട്ടന്‍. ഇപ്പോള്‍ ഇവിടെയാണ്‌ താമസം. നിര്‍മ്മാതാവിന് മോളോട് നല്ല സ്നേഹം. അദ്ദേഹം പറയുന്നത് മോളെ ഒരു സിനിമാ താരമാക്കും എന്നാണ്. ഇടയ്ക്കിടയ്ക്ക് അദ്ദേഹം കുറെ സിനിമാ താരങ്ങളെയും,സംവിധായകരെയും ഒക്കെ കൊണ്ടുവന്നു കാണിക്കും. അവള്‍ക്കും ഇവിടെ തന്നെ നിക്കുന്നതാണ് ഇഷ്ട്ടം. മോള്‍ ഇതൊക്കെ നന്നായി "എന്‍ജോയ്" ചെയ്യുന്നു എന്ന് പറഞ്ഞു. പണ്ടത്തെപ്പോലെ പാവാടയും ബ്ലൌസും ഒന്നും അല്ല... അവള്‍ ഇപ്പോള്‍ ജീന്‍സും ടോപ്പും ഒക്കെയാണ് ഇടുന്നത്. കാണാനും പണ്ടത്തേതിലും സുന്ദരി ആയിട്ടുണ്ട്.

പിന്നെ ചേട്ടാ..ഇനി ഞങ്ങള്‍ക്ക് കാശൊന്നും അയക്കണ്ടാ. അതൊക്കെ ഇനി ചേട്ടന്‍ തന്നെ സൂക്ഷിച്ചാല്‍ മതി. നിര്‍മ്മാതാവും സംവിധായകനും എല്ലാം കാശ് തരുന്നുണ്ട്. ഈ പരിപാടി തീരാന്‍ ചിലപ്പോള്‍‍ വര്‍ഷങ്ങള്‍ തന്നെ എടുത്തേക്കും. ഇനി മോളൊരു സിനിമാ താരം ആയിട്ട് ചേട്ടന്‍ വന്നാല്‍ മതി. അതാണ്‌ മോള്‍ക്കും ഇഷ്ടമെന്ന് പറഞ്ഞു. തിരക്ക് കാരണം നിര്‍ത്തുന്നു. ഞങ്ങളെ കൊണ്ട് പോകാന്‍ കാറ് വന്നു. പോട്ടെ...ഇനി എപ്പോഴും വിളിക്കണം എന്നില്ല...സമയം കിട്ടിയാല്‍ ഞാന്‍ വിളിക്കാം.

നിര്‍ത്തുന്നു -

എന്ന് ...

വായിച്ചു കഴിഞ്ഞതും ഹൃദയത്തില്‍ ഒരു നേര്‍ത്ത വേദന അനുഭവപ്പെട്ട സാജന്‍ ........

പൂജയ്ക്ക് എടുക്കുന്ന പൂവ് ...

2010-12-04T06:09:00.000-08:00

പൂജാരി തുടച്ചു വൃത്തിയാക്കാന്‍ വിളക്കെടുത്തപ്പോള്‍ അതിന്നടിയില്‍ ഒരു പേപ്പര്‍ ഇരിക്കുന്നു. ദേവിക്ക് ഭക്തര്‍ എഴുതിയും തുടങ്ങിയോ എന്ന് മനസ്സില്‍ വിചാരിച്ച് ആ പേപ്പര്‍ നിവര്‍ത്തി നോക്കി .

"എനിക്ക് വളരെ ഇഷ്ട്ടമാണ്. ദേവിക്കുള്ള പൂജ കഴിഞ്ഞാല്‍ ഈ ശ്രീദേവിയെ വിളിക്കണേ.. എന്‍റെ നമ്പര്‍ 9846............"

ഒരു കള്ളച്ചിരിയോടെ അത് തന്‍റെ മൊബൈലില്‍ സേവ് ചെയ്തു അയാള്‍ പെട്ടെന്ന് തന്നെ ബാക്കി പണിയെല്ലാം തീര്‍ത്തു .നടയടച്ചു പോകുമ്പോള്‍ മൊബൈല്‍ എടുത്ത്‌ ഡയല്‍ ചെയ്തു..9846 .......

ദേവിക്കുള്ളത്‌ ദേവിക്കും ,ശ്രീദേവിക്കുള്ളത് ശ്രീദേവിക്കും..

*********************************
എത്ര നല്ല ദിവസങ്ങളാണ് കടന്നു പോകുന്നത്....

ആദ്യമാദ്യം അമ്പലത്തില്‍ പോകുമ്പോള്‍ ഒളി കണ്ണിട്ടു നോക്കുന്ന പൂജാരിയോട് ദേഷ്യമായിരുന്നു. പിന്നീട് അതെപ്പോഴോ ഉള്ളിന്റെയുള്ളില്‍ ഇഷ്ട്ടമായി. മുന്‍പൊക്കെ തമ്മില്‍ മിണ്ടാന്‍ പേടിയായിരുന്നു. പിന്നെപ്പിന്നെ എന്നും മിണ്ടണം കാണണം എന്നായി.

മൂവന്തിനേരത്ത് അമ്പലത്തിന്റെ ഇടവഴിയില്‍ കാത്തു നില്‍ക്കാന്‍ പറഞ്ഞിട്ട് ആദ്യമായി അദ്ദേഹം എന്‍റെ മൂര്ദ്ധാവില്‍ ‍ ചുംബിക്കുമ്പോള്‍ ഒരു പുരുഷന്റെ ഗന്ധം ഞാനറിഞ്ഞു.അന്ന് അദ്ദേഹം പറഞ്ഞത് ,താന്‍ പൂജയ്ക്കെടുക്കുന്ന പൂവിനേക്കാള്‍ സുന്ദരിയാണ് എന്നാണു...

എന്നും എനിക്ക് കണ്ടിരിക്കാനെന്നും പറഞ്ഞ് വിവിധ പോസിലുള്ള എത്രയോ പടങ്ങള്‍...... അതെല്ലാം അദ്ദേഹം തന്‍റെ മൊബൈലില്‍ സേവ് ചെയ്യാറുണ്ടായിരുന്നു...

പെട്ടെന്ന് ഫോണിന്റെ മണിയടി കേട്ടാണ് ആലോചനയില്‍ നിന്നും ഉണര്‍ന്നത്. കൂട്ടുകാരി സുമിതയാണ് ... .

"എന്തേടീ...?"

"എടീ ശ്രീദേവീ ...നിന്‍റെ പടങ്ങള്‍ നെറ്റിലൂടെ പ്രചരിക്കുന്നു.."

"ഏതു പടം?"

"എടീ താനും തന്‍റെ ആ പ്രിയപ്പെട്ട കാമുകനും കൂടി ഉള്ളത് ..."

"എന്‍റെ ദേവീ ചതിച്ചോ ...!!"
************************

മറ്റൊന്നും ആലോചിക്കാതെ അമ്മയുടെ സാരി ഫാനിന്റെ അറ്റത്തു കെട്ടുമ്പോള്‍ ശ്രീദേവി അറിഞ്ഞില്ല തന്‍റെ പ്രിയപ്പെട്ടവന്‍ എന്ന് കരുതിയിരുന്നവന്‍ മറ്റൊരു പൂജക്കായി കോപ്പ് കൂട്ടുന്നത്‌ ........

**************************

ബഷീര്‍ വള്ളിക്കുന്നിനു ജന്മദിന ആശംസകള്‍ ...

2010-11-28T01:02:00.000-08:00

ഈ വരുന്ന ഡിസംബര്‍ ഒന്നാം തീയതി ,നമ്മുടെ ബ്ളോഗ് ഉലകത്തിന്റെ പ്രിയപ്പെട്ട താരവും ,സമകാലീന സംഭവങ്ങളെ ഹാസ്യാത്മകമായ രീതിയില്‍ ചിത്രീകരിച്ചു നമ്മുടെ മുന്നില്‍ എത്തിക്കുന്ന ,തന്റേതായ ശൈലിയിലൂടെ ലോകത്തെമ്പാടും ഉള്ള ബ്ളോഗ് വായനക്കാരെ കൈപ്പിടിയില്‍ ഒതുക്കിയ എഴുത്തുകാരനും ,സര്‍വോപരി ഒരു നല്ല മനുഷ്യ സ്നേഹിയും ആയ ,ബഷീര്‍ ഭായ് എന്നും ,ബഷീര്‍ക്ക, എന്നും വള്ളിക്കുന്ന് എന്നും അറിയപ്പെടുന്ന നമ്മുടെ പ്രിയ സുഹുര്‍ത്തു ബഷീര്‍ വള്ളിക്കുന്നിന്റെ ജന്മദിനം ആണ്.
വള്ളിക്കുന്നിനെ,ഈ ലോകത്തിലേക്ക് പറഞ്ഞു വിട്ടിട്ടു ഏതാണ്ട് ---- വര്‍ഷം ആയി (ആണുങ്ങളോട് വയസ്സും ,പെണ്ണുങ്ങളോട് ശമ്പളവും ചോദിക്കരുത് എന്നാണു പുതുമൊഴി),ഈ വര്‍ഷം നമ്മുടെ പ്രിയപ്പെട്ട താരത്തിനു ,നാം ബ്ലോഗര്‍മാര്‍ എല്ലാവരും കൂടി ഹൃദ്യമായ "വില പിടിപ്പുള്ള" ജന്മദിന ആശംസകള്‍ നേരണം എന്നും ഞാന്‍ അഭ്യര്‍ത്ഥിക്കുന്നു ..ബഷീര്‍ക്കക്കുള്ള എന്‍റെ ജന്മദിന സമ്മാനമായി ഞാന്‍ ഈ പോസ്റ്റ് അദ്ദേഹത്തിനു വേണ്ടി സമര്‍പിക്കുന്നു..

പൊളിച്ചടക്കേണ്ടി വരുന്ന "ആദര്‍ശങ്ങള്‍ "...

2010-11-24T02:24:00.000-08:00

കാര്‍ഗില്‍ യുദ്ധം .നമ്മുടെ അഭിമാനം ആയ ഭാരതത്തിന്റെ ചരിത്രത്തില്‍ തങ്ക ലിപികളില്‍ എഴുതപ്പെടെണ്ട ഒരു യുദ്ധം .പക്ഷെ എന്നും വിവാദങ്ങളുടെ കൂടെയാണ് ആ യുദ്ധം അറിയപ്പെടുന്നത്.സൂര്യന്‍ അസ്തമിക്കാത്ത സാമ്രാജ്യംഎന്ന് അറിയപ്പെട്ടിരുന്ന ബ്രിട്ടീഷ് ഈസ്റ്റ് ഇന്ത്യകമ്പനിയെന്ന,സാമ്രാജ്യത ഫാസിസ്റ്റുകളുടെ കരാള ഹസ്തങ്ങളില്‍ നിന്നുംനമ്മുടെ ഹാര്‍ഷ ഭാരതം സ്വാതന്ത്ര്യം നേടിയത് മുതല്‍ ,1948 നു നമ്മുടെമഹത്തായ രാജ്യത്തിന്‌ വേണ്ടി അഹോരാത്രം പോരാടിയ ,ഈ ഭാരതത്തിന്‌ വേണ്ടി "സ്വയം സേവനം "ചെയ്ത രാഷ്ട്ര പിതാവിന്റെ നെഞ്ചിന്‍ കൂട് തകര്‍ത്ത് പോയ വെടിയുണ്ടകള്‍ മുതല്‍ തുടങ്ങുന്ന ,ഈ രാജ്യത്തെ ശിഥിലം ആക്കാനുള്ള ഫാസിസ്റ്റ് ശക്തികളുടെ ശ്രമങ്ങള്‍ , 1965 ലും,1971 ലും,ഇന്ത്യ പാക്കിസ്ഥാന്‍ യുദ്ധമായി പരിണമിച്ച പാകിസ്ഥാന്റെ ഇന്ത്യയെ തകര്‍ക്കാനുള്ള വ്യാമോഹത്തിന്റെ നുഴഞ്ഞു കയറ്റങ്ങളുടെ അവസാന പതിപ്പായിരുന്നു കാര്‍ഗില്‍ യുദ്ധമായി പരിണമിച്ചത്‌ .

കാര്‍ഗിലിലെ നുഴഞ്ഞു കയറ്റം നടത്തിയ ആള്‍ക്കാര്‍ക്ക് എതിരെ, ഭാരതത്തെ നശിപ്പിക്കാം എന്ന് വ്യാമോഹിച്ച ശക്തികള്‍ക്ക്‌ എതിരെ ,രക്തം ഉറച്ചു കട്ടിയാകുന്ന തണുപ്പത്ത് പോലും സ്വന്തം രാജ്യത്തിന്റെ ആത്മാവിന്റെ ചൂട് ഏറ്റു വാങ്ങിയ പോരാളികള്‍ അഹോരാത്രം പോരാടി നിന്ന് ,നമ്മുടെ അഭിമാനം കാത്തു രക്ഷിച്ച അതിര്‍ത്തി കാക്കുന്ന ,അത് വഴി നമ്മെത്തന്നെ കാക്കുന്ന ധീര ജവാന്മാര്‍ ,അവരില്‍ ചിലര്‍ ശത്രുവി

ന്റെ വെടിയുണ്ടയും മിസൈലുകളും ഏറ്റു "വീരമ്രിത്യു "വരിക്കുകയും,അവരെ അടക്കം ചെയ്യാന്‍ ആയി ,അനേകം ശവപ്പെട്ടികള്‍ക്ക് അന്നത്തെ കേന്ദ്ര പ്രധിരോധ മന്ത്രി ആയിരുന്ന ജോര്‍ജു ഫെര്നാണ്ടെസ് ,ഓര്‍ഡര്‍ ചെയ്തു ,അത് വഴി കോടികളുടെ അഴിമതി നടത്തുകയും നമ്മുടെ രാഷ്ട്രീയക്കാരുടെ ആദര്‍ശങ്ങളുടെ ഉടുമുണ്ട് അഴിക്കുകയും ചെയ്തതാണ് ആദ്യത്തേത്

.നാം അഭിമാനം ആയി കാണുന്ന,നമ്മുടെ ശത്രു രാജ്യങ്ങളുടെ നേരെ വിരിമാറു കാണിച്ചു വെടിയുണ്ടകള്‍ ഏറ്റു വാങ്ങി മരണം അടയുന്ന ജവാന്മാരുടെ മരണത്തെ പോലും ,അവര്‍ക്ക് നല്‍കേണ്ട വീരോചിത യാത്ര അയപ്പ് പോലും എങ്ങനെ ഒരു നല്ല വരുമാന മാര്‍ഗം ആക്കാം എന്ന് കാണിച്ചത് ,അന്ന് അഴിമതികള്‍ക്കെതിരെ പോരാടിയിരുന്ന സോഷ്യലിസ്റ്റ്‌ തീച്ചൂളയില്‍ വളര്‍ന്നു ,അവസാനം അതുപേക്ഷിച്ചു മുതലാളിത്തത്തിന്റെ വക്താവായി മാറിയ ഫെര്നാണ്ടെസ് ആണ് എന്നത് നമ്മുടെ രാഷ്ട്രീയക്കാരുടെ കപട ആദര്‍ശങ്ങളെ മറ നീക്കി പുറത്തു വരാന്‍ പ്രാപ്തമാക്കി.അതിന്‍റെ അനന്ദര ഫലമാണോ എന്തോ ,ഒരിറ്റു വെള്ളത്തിനു വേണ്ടി ,ഭക്ഷണത്തിനു

വേണ്ടി യാചിക്കുന്ന പിഞ്ചു കുഞ്ഞുങ്ങളെ അടക്കം നിരത്തി നിര്‍ത്തി വെടി വെച്ച് കൊല്ലാന്‍ ഉത്തരവിട്ട "കശാപ്പുകാരന്‍ "എന്ന ഓമനപ്പേരില്‍ അറിയപ്പെടുന്ന ഏരിയല്‍ ഷാരോണിന്റെ അവസ്ഥയില്‍ ഇദ്ദേഹവും ഇപ്പോള്‍

ജീവിതത്തിനും മരണത്തിനും ഇടയിലെ നൂല്പാലത്തില്‍ കിടക്കാന്‍ തുടങ്ങിയിട്ട് നാളേറെ ആയി...

പിന്നീട് നാം ഇപ്പോള്‍ കാണുന്ന ആദര്‍ശ് ഫ്ലാറ്റ് വിവാദം .കാര്‍ഗില്‍ യുദ്ധത്തില്‍ വീര മൃത്യു അടഞ്ഞ ധീര ജവാന്മാരുടെ നിരാലംബരായ വിധവകള്‍ക്കു ആശ്വാസം നല്‍കാന്‍ ,അവരുടെ കുടുംബത്തിനു വേണ്ടി

തുടങ്ങിയ പദ്ധതി ,ആറു നിലകളിലായി പൂര്‍ത്തീകരിക്കാന്‍ തീരുമാനിച്ച

പാര്‍പ്പിട സമുച്ചയത്തിനു ,ഭാരതത്തെ "സേവിക്കുന്ന"രാഷ്ട്രീയ ദല്ലാള്‍ മാരുടെ കണ്ണ് പതിഞ്ഞപ്പോള്‍ ,അപേക്ഷകളില്‍ ഈ രാഷ്ട്രീയക്കാരുടെ വീടുകളില്‍ കിടന്നു പ്ലേ സ്റ്റേഷന്‍ ഗൈമില്‍ സ്റ്റാര്‍ വാറും മറ്റും കളിച്ചു കൊണ്ടിരുന്ന അവരുടെ സ്വന്തക്കാരും കാര്‍ഗില്‍ യുദ്ദം ചെയ്തവര്‍ ആയി..അത്യാഗ്രഹം കൂടിയതിനു അനുസരിച്ച് നിലകളുടെ എണ്ണവും കൂടിക്കൊണ്ടിരുന്നു.സൈന്യത്തിന്റെ കണ്ണായ സ്ഥലത്ത് ,തന്ത്ര പ്രധാനമായ സ്ഥലത്ത് ഇത്ര വലിയ കെട്ടിടം ഉയരുന്നത് , ഉയര്‍ന്ന മേലാളന്മാര്‍ കാണാതിരിക്കാന്‍ വേണ്ടി കടലാസിലെങ്കിലും ആ ഉദ്യോഗസ്ഥരുടെ മക്കള്‍ ,ജുഹുവിലെയും മറ്റും ബീച്ചുകളില്‍ സുന്ദരിമാര്‍കൊപ്പം

കാറ്റ് കൊള്ളാനിരിക്കുന്നവരും,മള്‍ടി പ്ലെക്സുകളില്‍ വിദേശ യുദ്ധ സിനിമകള്‍ മാത്രം കണ്ടു ശീലിച്ചവരും, ഒറ്റ രാത്രി കൊണ്ട് കാര്‍ഗില്‍ യുദ്ധത്തില്‍ പങ്കെടുത്ത ജവാന്മാരായി മാറി .വിരോധാഭാസം എന്ന് പറയട്ടെ ,ഈ അത്യഗ്രഹത്തിനു കക്ഷി രാഷ്ട്രീയ ഭേദം ഉണ്ടായിരുന്നില്ല,ജനങ്ങളുടെ മുമ്പില്‍ പരസ്പരം പോരടിക്കുന്ന ഭരണ,പ്രതിപക്ഷങ്ങള്‍ എല്ലാവരും ഒരുമിച്ചു "രാഷ്ട്രത്തെ സേവിക്കാന്‍ "ഇറങ്ങി പുറപെട്ടപ്പോള്‍ വഴിയാധാരം ആയതു ഈ രാജ്യത്തിന്‌ വേണ്ടി ചോരയോഴുക്കിയ ധീര ജവാന്മാരുടെ വിധവകള്‍ ആയിരുന്നു ,ഈ നാറിയ രാഷ്ട്രീയ ഹിജടകളെ വിശ്വസിച്ചു പോയ ,അവര്‍ക്ക് ചെങ്കോലും കിരീടവും നല്‍കിയ പാവം പൊതു ജനങ്ങള്‍ ആയിരുന്നു. ഇപ്പോള്‍ ആ "ആദര്‍ശത്തെ"പൊളിച്ചു അടക്കാന്‍ ഉത്തരവിറ

ക്കി മുഖം രക്ഷിക്കാം എങ്കിലും ഭാരതത്തിന്റെ യശസ്സിനു എന്നും ഒരു കളങ്കം തന്നെ ആയിരിക്കും എന്നതില്‍ യാതൊരു സംശയവും ഇല്ല..

ഇനിയും ഉണ്ട് ഒരുപാട് ആദര്‍ശങ്ങളുടെ മുഖം മൂടികള്‍ .കേന്ദ്ര ഗവണ്മെന്റില്‍ ലക്ഷക്കണക്കിന്‌ കോടികളുടെ അഴിമതി നടത്തി രാജിവെക്കേണ്ടി വന്ന രാജയ്കെതിരെ ലോക ,രാജ്യ സഭകളില്‍ പോരാട്ടം നടത്തുന്ന ബി ജെ പിയുടെ മുഖ്യമന്ത്രി യെദി

യൂരപ്പയും കോടികളുടെ അഴിമതി നടത്തി എന്ന് തെളിഞ്ഞിരിക്കുന്നു .രാജയെ രാജി വെപ്പിക്കാനുണ്ടായ ആവേശം എന്തെ യെദിയൂരപ്പ യി

ല്‍ ബിജെപി കാണിക്കുന്നില്ല?.നാം കേരളക്കാര്‍ എല്ലാം ആദര്‍ശത്തി

ന്റെ പ്രതി പുരുഷന്‍ ആയി കാണുന്ന (സ്വയം പ്രതിരോധ ശേഷി ഇല്ലാത്ത )ഇന്ത്യയു

ടെ പ്രതിരോധ മന്ത്രി ശ്രീമാന്‍ ഏ

കെ ആന്റണി കൈകാ

ര്യം ചെയ്യുന്ന വകുപ്പില്‍

ഇസ്രയേലുമായും .മറ്റും ഉണ്ടാക്കിയ കരാറുകളില്‍ കോടികളുടെ അഴിമതികള്‍ ആണ് നടന്നിട്ടുള്ളത് എന്നത് നമുക്ക് അറിയാവുന്ന യാഥാര്‍ത്യങ്ങള്‍ ,ഇത് ആദര്‍ശ പുരുഷന്റെ ഉടുതുണി അഴിഞ്ഞു

വീഴുന്ന പ്രതീതി ആണ് ഉണ്ടാക്കുന്നത്‌ .കക്കാന്‍ പഠിച്ചാല്‍ നിക്കാന്‍ പഠിക്കണം എന്നത് യാഥാര്‍ത്ഥ്യം ആക്കിയത് ആന്റണി മാത്രം ആണ് .

അഴിമതിക്കെതിരെ പോരാടി പാവപ്പെട്ടവന്റെ കൂടെ നിന്നിരുന്ന ഇടതു പക്ഷ സഖാക്കള്‍ ,ജയരാജന്റെ ഭാഷയില്‍ പറഞ്ഞാല്‍ "പരിപ്പ് വടയും ചായയും മാത്രം എന്നും കഴിച്ചാല്‍ മതിയോ?ബര്‍ഗറും കെ എഫ് സിയും കഴിക്കേണ്ട കാലം വന്നു എന്നാണു "ഇപ്പോള്‍ അവരുടെ ചിന്ത എന്ന് തോന്നുന്നു .സി പി എമ്മിന്റെ സെക്രട്ടറി പിണറായി വിജയന്‍ വൈദ്യുത മന്ത്രി ആയിരുന്നപ്പോള്‍ നടത്തിയ ലാവലിന്‍ കരാര്‍ വഴി കോടികള്‍ വഴി വിട്ടു നേടി എന്ന കേസ് ഇപ്പോള്‍ സി ബി ഐ അന്വേഷണം നടത്തി വരികയാണ് .ഈ അന്വേഷണങ്ങള്‍ ഒരു നൂറ് നൂറ്റമ്പത് കൊല്ലം നീണ്ടു നില്‍ക്കും എന്നത് ആണ് ഒരു പിടിവള്ളി അല്ലെ?.അഴിമതികള്‍ ജെ സി ബി ഉപയോഗിച്ച് തച്ചുടക്കാന്‍ നിന്ന വി എസ്സിനെ ആദ്യം അനുകൂലിച്ച നമ്മുടെ സ്വന്തം ഇന്ത്യന്‍ കമ്മുനിസ്റ്റ്‌ പാര്‍ട്ടി (സി പി ഐ)അവസാന നിമിഷത്തില്‍ ജെ സി ബി യില്‍ നിറയെ കാശും കൊണ്ട് വന്നു ചൊരിഞ്ഞ കുത്തകകളുടെ കൂടെ നിന്നു എന്നതും ഇവരുടെ ആദര്‍ശങ്ങളുടെ ആണിക്കല്ല് ഇളക്കുന്നതായി.ഇനിയും നമുക്ക് എത്രയോ ആദര്‍ശങ്ങള്‍ പൊളിച്ചു അടക്കെണ്ടതായി വരും. വരും ദിവസങ്ങളില്‍ നമുക്ക് കാതോര്‍ക്കാം .കള്ളന്മാരുടെ മാത്രം അല്ല പച്ചപ്പാവം നടിക്കുന്ന കള്ളന്മാര്‍ക്ക് കഞ്ഞി വെക്കുന്ന കുള്ളന്മാരുടെ കൂടി ആദര്‍ശങ്ങളില്‍ ഒരു പിടി മണ്ണ് വാരി എറിയാന്‍ ...

ഒബാമ വരുന്നതിനു മുഖ്യമന്ത്രി തുണി അഴിക്കണോ ?.

2010-11-05T05:13:00.000-07:00

ദേ വീണ്ടും ഒ

ബാ

മ തന്നെ പ്രശ്നം ...ഇത്തവണ മഹാരാഷ്ട്ര മുഖ്യമന്ത്രിയുടെ "പൌരത്വവും ,ആണത്തവും "തെളിയിക്കാനാണ് അമേരി

ക്കയുടെ മുന്നറിയിപ്പ്.ഇതെന്തൊരു കൂത്ത് ?ഇവന്മാര്‍ക്ക് മാത്രമേ അഭിമാന

വും ആദര്‍ശവും ഉള്ളോ?എന്തിനാണ് ഈ പണിക്കു പോകുന്നത് ?ഒബാമ വരുന്നത് പ്രമാണിച്ച് ആ സംസ്ഥാനത്തിലെ ഭരിക്കുന്ന നേതാവിന്റെ പൌരത്വവും മറ്റും തെളിയിക്കണം എന്ന് അമേരിക്കന്‍ ഉദ്യോഗസ്ഥന്മാര്‍ ആവശ്യപ്പെടാന്‍ നമ്മുടെ ആര്‍ഷ ഭാരതത്തെ , ഈ നാറിയ മുതലാളിത്ത രാജ്യത്തിന്‌ തീറെഴുതി കൊടുത്തതാണോ?ഇതിനെതിരെ ശക്തമായ നടപടി എടുത്തില്ലെങ്കില്‍

ഇനിയും നാം നാണക്കേട്‌ സഹിച്ചു കൊണ്ടേ ഇരിക്കും.

അതിനു അമേരിക്കയുടെ മൂടും മറ്റും താങ്ങി നില്‍ക്കുന്ന സര്‍ക്കാരിന് കഴിയുമോ?അതേ കക്ഷിയുടെ ആളാണ്‌ മഹാരാഷ്ട്ര മുഖ്യനും എന്നത് വിരോധാഭാസം ആകാം അല്ലെ?എന്നിട്ട് മാപ്പ് അപേക്ഷിച്ചു പോലും ആര്‍ക്കു വേ

ണം ഇവരുടെ മാപ്പ് .ഇന്ത്യയുടെ ആത്മാഭിമാനത്തിന്റെ തലമണ്ടക്കിട്ടു ഒന്ന് തന്നിട്ട്

മാപ്പ് കോപ്പ് അവന്റെ അമ്മേടെ നായര് .പോകാന്‍ പറ ഈ ഒബാമയോട് ഈ ഒബാമ വന്നില്ലെങ്കില്‍ ഇന്ത്യയുടെ യശസ്സ് ഉയരുകയെ ഉള്ളൂ എന്നാ

ണു എനിക്ക് തോന്നുന്നത് .

എപ്പോഴും നാണം കേട്ട രാഷ്ട്രീയക്കാര്‍ മാത്രമേ ഇന്ത്യയില്‍ ഉള്ളൂ അ

ല്ലെ ?മുന്‍ കേന്ദ്ര മന്ത്രി ഫെര്നാണ്ടെസ്,ഇപ്പോളത്തെ കേന്ദ്ര മന്ത്രി പ്രഫുല്‍ പട്ടേല്‍ ,അടക്കം ഉള്ള മന്ത്രിമാരെ വരെ തുണിയുരിഞ്ഞു പരിശോടിച്ചിട്ടാണ് അമേരിക്കന്‍

വിമാനത്താവ

ളത്തില്‍ നിന്ന് പുറത്തേക്ക് വിട്ടത്,ബാക്കി എത്ര അലുമിനിയം

"പടേല്‍" മാരുടെ

ജുബ്ബയും "മദാമ്മ" മാരുടെ സാരിയും

അഴിച്ചിട്ടുണ്ടോ എന്തോ അത് നാണക്കേട്‌ ഓര്‍ത്ത്‌ പറയാത്തതായിരിക്കും.നമുക്ക് ധൈര്യം ഉണ്ടോ ഒരു സായിപ്പിന്റെ തുണി അഴിപ്പിച്ച്ചു പരിശോധിക്കാന്‍ ?എവിടെ അപ്പോള്‍ വരും ഉപരോധം അല്ലെ ?എന്തിനാണ് ലോകത്തിലെ വലിയ "ജനാധിപത്യ"രാജ്യം വല്ലാണ്ട് ഭയക്കുന്നത്? ഇതിനൊക്കെ എതി

രെ അപ്പപ്പോള്‍ പ്രതികരിച്ചില്ലെങ്കില്‍ .നിരവധി നേതാക്കന്മാര്‍ ചോ

രയും നീരും കൊടുത്തു നമുക്ക് നേടിത്തന്ന സ്വാതന്ത്ര്യം ഉണ്ടല്ലോ അത് ഒരു വിലയും ഇല്ലാത്തതായിപ്പോകും.അവര്‍ മറഞ്ഞിരുന്നു ദുഖിക്കുന്നുണ്ടാകും ,നമ്മുടെ ഇന്നത്തെ ഗതിയോര്‍ത്ത് . ഈ മഹത്തായ രാജ്യത്തെ സായിപ്പിന്റെ ആലയില്‍ വീണ്ടും കെട്ടാന്‍ നോക്കുന്ന രാഷ്ട്രീയ ഹിജടത്വം ഓര്‍ത്ത്‌ മനസ്സാ ശപിക്കുന്നുണ്ടാകും.സ്വന്തം ആത്മാഭിമാനം പണയം വെച്ചു ആര്‍ക്കും

താലപ്പൊലിയും നല്‍കി സ്വീകരിക്കേണ്ട ഗതികേട് നമ്മുടെ ഭാരത

ത്തിന്‌ ഇല്ല എന്തെ?..

ഒബാമ നിങ്ങളെ ഇന്ത്യക്കാര്‍ വളരെ അഗാധമായി സ്നേഹിക്കുന്നു..!!!!

2010-11-03T05:07:00.000-07:00

അങ്ങനെ ഒബാമ ഇന്ത്യയില്‍ എത്തുന്ന സുദിനവും അടുത്തു.ഒബാമ മാത്രം അല്ല കൂട്ടിനു തിന്നു മുടിക്കാന്‍ മൂന്നായിരം പേരടങ്ങുന്ന സംഖം ആണ് ഇത്തവണ വരുന്നത് .ഒബാമ ഇപ്പോള്‍ ഇവിടെ വരുന്നതിനെക്കുറിച്ച് പല കഥകളും പ്രചരിക്കുന്നുണ്ട് .

അതിലൊന്ന് ലോക കപ്പ്‌ ഫുട്ബാള്‍ മത്സരത്തിനു ആഥിത്യം അരുളാന്‍ മത്സരിക്കുന്ന അമേരിക്കക്ക് അത് എങ്ങനെ "വളരെ"ഭംഗിയായി ചുരുങ്ങിയ ചെലവില്‍ നടത്താം എന്ന് പഠിക്കാന്‍ കോമണ്‍ വെല്‍ത്ത് സംഖാടഖരുമായി കൂടിയാലോചന നടത്തും എന്നാണു കേള്‍ക്കുന്നത്.നമ്മുടെ ശ്രീ കല്‍മാഡി ആണല്ലോ "75000 " കോടി അനുവദിച്ച ഗൈംസ് 7500 കോടിക്ക് നടത്തി കാണിച്ചത് .ഇന്ത്യ ആയതു കൊണ്ട് ബാക്കി കാശ് പാര്‍ട്ടികള്‍ അണ്ണാക്കില്‍ തള്ളി ,അമേരിക്ക ആകെ സാമ്പത്തികമായി പ്രയാസപ്പെട്ടിരിക്കുകയല്ലേ അവര്‍ക്ക് കൊറച്ചു ആശ്വാസം ആകുന്നെങ്കില്‍ ആകട്ടെ എന്ന് വിജാരിച്ച് കാണും നടക്കട്ടെ .അതല്ല ഇനി ഈ കൂടിക്കാഴ്ച്ചക്കും കല്മാടിയണ്ണന്‍ കാശ് ചോദിക്കുവോ എന്തോ?.

മറ്റൊന്ന് സാമ്പത്തിക മാന്ദ്യത്തില്‍ ആകെ തകര്‍ന്നു പോയ അമേരിക്കന്‍ സമ്പത് വ്യവസ്ഥയെ എങ്ങനെ രക്ഷപ്പെടുത്താം എന്ന് ശ്രീ മന്മോഹന്ജിയുമായി ഒരു ചര്‍ച്ചയും ഉണ്ട്.അദ്ദേഹം ആണല്ലോ "അധികം പേരും സ്വന്തം തോട്ടത്തില്‍ പണിയെടുത്തു ജീവിക്കുന്ന ഈ ഇന്ത്യയുടെ സമ്പത്ത് വ്യവസ്ഥയെ തകരാതെ രക്ഷിച്ചത്‌"(ഇന്ത്യ സാമ്പത്തിക മാന്ദ്യത്തില്‍ പിടിച്ചു നിന്നത് ഈ സാധാരണക്കാരായ ജനങ്ങളുടെ കഴിവ് കൊണ്ടാണ് എന്നാണു പഠനത്തില്‍ തെളിഞ്ഞത്)വെറും വാചക കസര്‍ത്തുകള്‍ കൊണ്ട് മാത്രം സാമ്പത്തിക മാന്ദ്യത്തെ അതി ജീവിച്ച രാജ്യം ഈ നമ്മുടെ ഇന്ത്യ അല്ലാതെ മറ്റൊന്നില്ല തന്നെ .അതിനു തെളിവാണല്ലോ നല്ല ഉഷാറായി നടത്തിയ ഗൈംസ് .ജനങ്ങളുടെ നന്മക്കു അനുവദിക്കുന്ന പര ശതം കോടികള്‍ അമുക്കുന്നുന്ടെങ്കിലും ലോകത്തിനു മുന്നില്‍ നാം വലിയ വിജയികള്‍ ആണ് എന്നത് എടുത്തു പറയേണ്ടത് തന്നെ .എന്താണ് മന്മോഹന്ജി ഒബാമയോട് പറയാന്‍ പോകുന്നത് അമേരിക്കക്കാരോട് തൂമ്പ എടുത്തു പാടത്ത് പണിക്കു പോകാനോ നല്ല കോപ്പായി..

കോടിക്കണക്കിനു രൂപയാണ് ഒബാമയുടെ വരവ് പ്രമാണിച്ചു വീണ്ടും പൊടിക്കുന്നത്‌.ഒരു ദിവസത്തെ ചെലവ് തന്നെ 900 കോടി ആണ് എന്നാണു മാധ്യമങ്ങള്‍ കണക്കു കൂട്ടുന്നത്‌ .ഇതിലും കൂടുതല്‍ ആകാനെ തരമുള്ളൂ.ഒബാമയുടെ കൂടെ എഴുന്നള്ളുന്ന ആണവ,ആയുധ വ്യാപാരികള്‍ അടക്കമുള്ളവരുടെ താല്പര്യങ്ങള്‍ സംരക്ഷിക്കാന്‍ ഇതിനേക്കാള്‍ ചെലവു വന്നാലും അത് അവര്‍കൊക്കെ മൂക്കിപ്പൊടി വാങ്ങിക്കുന്ന കാശെ ആകുന്നുള്ളൂ .പക്ഷെ ഒരു നേരത്തെ കഞ്ഞിക്കു വകയില്ലാത്ത നമ്മുടെ നാട്ടുകാര്‍ക്ക് ഒരു "കോടി"വാങ്ങിക്കൊടുക്കാന്‍ "ഖജനാവില്‍ അഞ്ചു നയാ പൈസ ഇല്ല"എന്നാണു അധികാരികള്‍ പറയുന്നതും .40 വിമാനങ്ങളില്‍ വരുന്ന അനുയായികളെ സ്വീകരിക്കാന്‍ മുംബയിലെ വിമാന,റോഡ്‌ ഗതാഗതങ്ങള്‍ അടച്ചിടുമ്പോള്‍ മറ്റു പല കോടികള്‍ കൂടി നഷ്ട്ടപ്പെടും .

ഇത്രയും ചെലവാക്കി എന്തിനാണ് ഒബാമ വരുന്നത് ?ഈ വരവ് കൊണ്ട് സാധാരണക്കാരന് എന്തു നേട്ടം ?അമേരിക്കയുടെ കുത്തക താല്പര്യങ്ങള്‍ സംരക്ഷിക്കാന്‍ ,ആയുധ,ആണവ കച്ചവടത്തിന് പുതിയ ബ്രോക്കര്‍മാരെ പരിജയപ്പെടുത്താന്‍ ,ഇറാക്കിലും അഫ്ഗാനിസ്ഥാനിലും ഫലസ്തീനിലും നിരപരാധികളെ കൊന്നൊടുക്കുന്ന പ്രക്രിയയില്‍ ഇന്ത്യയും പങ്കാളികളാക്കാന്‍ അല്ലാതെ നമുക്ക് എന്തു നേട്ടം ആണ് വരാന്‍ പോകുന്നത്?ഇന്ത്യയിലെ ലക്ഷക്കണക്കിന്‌ ആള്‍ക്കാര്‍ തൊഴില്‍ ചെയ്യുന്ന പുറം ജോലി കരാര്‍ പോലും നിര്‍ത്താന്‍ ഉത്തരവിട്ട ആള്‍ ആണ് ഈ ഒബാമ എന്ന് അറിയാഞ്ഞിട്ടാണോ?ഇന്ത്യയിലെ യു എന്നിലെ സ്ഥിരം അങ്ങത്വം എന്ന അവകാശത്തെ പോലും എതിര്‍ക്കുന്നത് ഈ അമേരിക്കയാണ് എന്നതാണ് വസ്തുത. എല്ലാരെയും പോലെ ഒബാമയും വന്നു കോടികളുടെ കരാര്‍ വാങ്ങിച്ചു പോകും , മന്മോഹന്ജി വെറുതെ തട്ടി വിട്ടെന്നും ഇരിക്കും "മിസ്റ്റര്‍ ഒബാമ നിങ്ങളെ ഇന്ത്യക്കാര്‍ വളരെ അഗാധമായി സ്നേഹിക്കുന്നു " എന്ന്

അന്‍വറും അന്‍വാറുശ്ശേരിയും !!!! ..(RE LODED).

2010-10-31T01:43:00.000-07:00

കാലങ്ങളായി സിനിമ കാണുകയും ശാസ്‌ത്രജ്ഞരെ നേരില്‍ കാണാതിരിക്കുകയും ചെയ്‌ത ഒരാളോട്‌ ശാസ്‌ത്രജ്ഞനെ വരയ്‌ക്കാന്‍ ആവശ്യപ്പെട്ടാല്‍,കാന്തത്തിലേക്ക് പടരുന്ന ഇരുമ്പുനൂലുകള്‍ പോലെ മുകളിലേക്ക്‌ ഉയര്‍ന്നു നില്‍ക്കുന്ന മുടിയും, ഏങ്കോണിച്ച മുഖവുമുള്ള നരച്ച കോട്ടിട്ട ഒരാളുടെ പടം വരയ്‌ക്കപ്പെടാനുള്ള സാധ്യത നൂറില്‍ തൊണ്ണൂറ്‌ ശതമാനത്തില്‍ അധികമാണ്‌. ആല്‍ബര്‍ട്‌ ഐന്‍സ്റ്റീനിന്റെ ഏറെ പ്രചരിപ്പിക്കപ്പെട്ട ഒരു ഫോട്ടോഗ്രാഫിനോട്‌ ഇത്ര വിധേയത്വമോ മലയാളി സംവിധായകര്‍ക്ക്‌ എന്ന്‌ തുടര്‍ച്ചയായി സിനിമ കാണുന്ന ഒരാള്‍ക്ക്‌ തോന്നാവുന്നതാണ്‌. പക്ഷേ, സൂക്ഷിച്ചു നോക്കിയാലറിയാം, ഐന്‍സ്റ്റീനോടല്ല; ലൊട്ടുലൊടുക്കിനോടും ഗുല്‍ഗുലുമാലിനോടുമാണ്‌ നമ്മുടെ സെല്ലുലോയ്‌ഡ്‌ ശാസ്ത്രഞാര്‍ക്ക് സാദൃശ്യം കൂടുതല്‍:കുട്ടിക്കാലത്ത്‌ ബാലരമയും വളര്‍ന്നു കഴിയുമ്പോള്‍ മനോരമയുമാണ്‌ നമ്മുടെ പ്രത്യക്ഷ പ്രമാണങ്ങള്‍ എന്നതിനാല്‍ ഐന്‍സ്റ്റീനെക്കാള്‍ കേരളത്തില്‍ വേരോട്ടം കൂടുതല്‍ ലൊട്ടുലൊടുക്കിനും ഗുല്‍ഗുലുമാലിനുമാണെന്ന്‌ സമാധാനിക്കാം.

ശാസ്‌ത്രജ്ഞരെ മാത്രമല്ല ഉന്മാദികളെയും സിനിമക്കാര്‍ സ്റ്റീരിയോ ടൈപ്പ്‌ ചെയ്‌തതിന്റെ പരിണിത ഫലങ്ങളിലൊന്നായാണ്‌ ശാസ്‌ത്രജ്ഞരുടെ കുപ്പായത്തില്‍ലൊട്ടു ലൊടുക്കും ഗുല്‍ഗുലുമാലും സ്ഥിരതാമസമാക്കുന്നത്‌. നല്ലയിനം ശാസ്‌ത്രജ്ഞരെയോ ഉന്മാദികളെയോ നേരിട്ട്‌ കണ്ടിട്ടില്ലാത്ത ചങ്ങാതിമാരാണ്‌ ഈ സിനിമയെല്ലാം ഉണ്ടാക്കി വിടുന്നത്‌ എന്നത്‌ ഉപരിതലത്തില്‍ തന്നെ വ്യക്തമാണ്‌. പെട്ടെന്നെടുത്ത്‌ ഉപയോഗിക്കാന്‍ കഴിയുന്ന തരത്തില്‍ സ്റ്റീരിയോ ടൈപ്പ്‌ ചെയ്യപ്പെട്ടതാണ്‌ സിനിമയിലെ കഥാപാത്രങ്ങള്‍ എല്ലാം തന്നെ എന്നതിനാലും ഈസിനിമകളൊക്കെ കുത്തിയിരുന്ന്‌ കാണുന്നവരില്‍ ഭൂരിഭാഗവും ശാസ്‌ത്രജ്ഞരെയോ ഉന്മാദികളെയോ നേരിട്ട്‌ കണ്ടിട്ടില്ല എന്നുറപ്പുള്ളതിനാലും സിനിമയെടുക്കുന്നവര്‍ക്ക്‌ കാര്യങ്ങള്‍ എളുപ്പമാണ്‌.

ഏറെക്കുറെ ഇതിന്‌ സമാനമായ രീതിയിലാണ്‌ മുസ്‌ലിം കഥാപാത്രങ്ങളും മുസ്‌ലിം വീടുകളും മുസ്‌ലിം ഭക്ഷണരീതികളും സിനിമയില്‍ രേഖപ്പെടുത്തപ്പെടുന്നത്‌.

മത സൗഹാര്‍ദ്ദത്തിന്റെ വലിയ വീമ്പിളക്കലുകളിലാണ്‌ മലയാളി സമൂഹം പുലരുന്നതെങ്കിലും ഹിന്ദുവോ ക്രിസ്‌ത്യാനിയോ ആയിജീവിക്കുന്ന ഭൂരിഭാഗം പേര്‍ക്കും മുസ്‌ലിം രീതികളോടും തിരിച്ചും ഏറെക്കുറെ തികഞ്ഞ അജ്ഞതയാണുള്ളത്‌ എന്നതിനാല്‍ ടൂറിസ്റ്റ്‌ ബ്രോഷരുകളിലെന്ന പോലെ ആവര്‍ത്തിച്ചു പ്രത്യക്ഷപ്പെടുന്ന ഇമേജുകളാണ്‌ ഒരു സമുദായത്തെ മൊത്തത്തില്‍ പ്രതിനിധാനം ചെയ്യാന്‍ സിനിമക്കാര്‍ ഉപയോഗിച്ചുപോരുന്നത്‌. ബിരിയാണി, ഒപ്പന, സ്വവര്‍ഗ ലൈംഗികത, ഭീകരവാദം എന്നീ നാലു മിത്തുകളിലാണ്‌ മലയാള സിനിമ പൊതുവേ മുസ്‌ലീംകളെ ചിത്രീകരിക്കുന്നത്‌ എന്ന്‌ ടിവി അറബിന്റെ*മലയാള ഭാഷ്യം എഴുതാന്‍ തുനിഞ്ഞാല്‍ എളുപ്പത്തില്‍ കണ്ടെത്താന്‍ കഴിഞ്ഞേക്കും .

ഇതൊക്കെ പക്ഷേ, കേരളത്തിലെ 'ബുദ്ധികുറഞ്ഞ' പഴയ സ്‌കൂള്‍ സിനിമക്കാരെ കുറിച്ച്‌ പൊതുവേ പറഞ്ഞു പോരുന്ന കാര്യങ്ങളാണ്‌. മലയാള സിനിമയുടെ ന്യൂജനറേഷന്‍ മിശിഹ അമല്‍ നീരദ്‌ പക്ഷേ, ഷാജി കൈലാസുമാരും രഞ്‌ജിത്തുമാരും ഉള്‍പ്പെട്ട സംഘപരിവാര്‍ സിനിമക്കാരുടെ ഗണത്തിലല്ലപെടുത്തപ്പെട്ടിരുന്നത്‌. ബിഗ്‌ ബി, സാഗര്‍ എലിയാസ്‌ ജാക്കി എന്നീ അമല്‍ നീരദിന്റെ ആദ്യ രണ്ട്‌ ചിത്രങ്ങള്‍, ഭൂരിപക്ഷ ജനക്കൂട്ടത്തിനു വേണ്ടിയുള്ള രാഷ്‌ട്രീയ ഗിമ്മിക്കുകളില്‍ നിന്ന്‌ മുക്തവുമായിരുന്നു.

ജോണ്‍ സിംഗ്ലെറ്റന്റെ 'ഫോര്‍ ബ്രദേഴ്‌സ്‌' ബിഗ്‌ ബി എന്ന പേരില്‍ മലയാളത്തിലേക്ക്‌ അഡാപ്‌റ്റ്‌ ചെയ്യുമ്പോള്‍ ഫോര്‍ ബ്രദേഴ്‌സിലെ ഇന്റര്‍-റേസ്‌ രാഷ്‌ട്രീയവും വളരെ ബുദ്ധി പൂര്‍വം മലയാളത്തിലേക്ക്‌ കൊണ്ടു വരാന്‍ അമല്‍ നീരദിന്‌ കഴിഞ്ഞു എന്ന്‌ വിശ്വസിക്കുന്നവര്‍ നിരവധിയാണ്‌. റോബര്‍ട്‌ റോഡ്രിഗ്യൂസിന്റെ 'ഡെസ്‌പറാഡോ' എല്ലാ ദിവസവും കാണുന്നതിന്റെ ഹാംഗ്‌ ഓവറില്‍ നിന്നോ മറ്റോ ഉണ്ടായതാണെങ്കിലും സാഗര്‍ എലിയാസ്‌ ജാക്കിയും മലയാളകച്ചവട സിനിമയുടെ പൊതു ദുഷിപ്പുകളില്‍ നിന്ന്‌ മുക്തമായിരുന്നു.

പക്ഷേ, ഇക്കണ്ടതൊന്നും കളിയല്ലെന്നും ഷാജി കൈലാസിനെക്കാള്‍ വലിയ കൈലാസമാണ്‌ തന്റേതെന്നും പ്രഖ്യാപിക്കുകയാണ്‌ 'അന്‍വര്‍ ' എന്നപുതിയ സിനിമയിലൂടെ അമല്‍ നീരദ്‌. ശാസ്‌ത്രജ്ഞനെയും ഉന്മാദിയെയും പരിചയമില്ലാത്തവര്‍ ലൊട്ടു ലൊടുക്കിലും ഗുല്‍ഗുലുമാലിലും എത്തുമെങ്കില്‍ മുസ്‌ലിമിനെയും മുസ്‌ലിം തീവ്രവാദിയെയും പരിചയമില്ലാത്തവര്‍ വളരെപ്പെട്ടന്ന്‌ അബ്‌ദുള്‍ നാസര്‍മദനിയില്‍ എത്തുമെന്ന്‌ അന്‍വര്‍ കണ്ടാല്‍ ബോധ്യപ്പെടും.

ജെഫ്രി നച്‌മനോഫ്‌ സംവിധാനം ചെയ്‌ത ട്രെയ്‌റ്റര്‍ എന്ന 'എഫ്‌ ബി ഐ സിനിമ' യുടെ നാണം കെട്ട അനുകരണമാണ്‌ അന്‍വര്‍ . ട്രെയ്‌റ്ററിനോട്‌ എന്നതിനെക്കാള്‍ രാം ഗോപാല്‍ വര്‍മ്മ യുടെ 'സത്യ' യോടാണ്‌ അന്‍വറിന്‌ കൂടുതല്‍ കടപ്പാടെന്ന്‌ സംവിധായകന്‍ പറഞ്ഞിട്ടുണ്ടെങ്കിലും, ഏറെക്കുറെ ഫ്രെയിം-ബൈ-ഫ്രെയിം കോപ്പി എന്ന്‌ ആരോപിക്കാവുന്ന വിധത്തില്‍ ട്രെയ്‌റ്റര്‍ മോഷ്‌ടിച്ചാണ്‌ അന്‍വര്‍ ഉണ്ടാക്കിയിരിക്കുന്നത്‌. ട്രെയ്‌റ്ററില്‍ നിന്ന്‌ അതേ പടി കടം കൊണ്ട നിരവധി സംഭാഷണങ്ങള്‍ വരെ അന്‍വറിലുണ്ട്‌. 'നിനക്കു വേണ്ടി കൊല്ലാന്‍ അമ്പതു പേരുണ്ടാകും പക്ഷേ നിനക്കു വേണ്ടി മരിക്കാന്‍ എത്ര പേരുണ്ട്‌' എന്ന ട്രെയ്‌റ്ററിലെ ഡയലോഗ്‌ 'നിനക്കു വേണ്ടി കൊല്ലാന്‍ അമ്പതു പേരുണ്ടാകും പക്ഷേ എനിക്കു വേണ്ടി മരിക്കാന്‍ അഞ്ചുപേരുണ്ടാകും' എന്നാണ്‌ അന്‍വറില്‍.

പാലക്കാട്ടെ ജയിലില്‍ വച്ചാണ്‌ അബ്‌ദുള്‍ നാസര്‍ മദനിയുടെ രൂപം ആരോപിക്കാന്‍ കഴിയുന്ന അന്‍വറിലെ കഥാപാത്രം ഈ ഡയലോഗ്‌ പറയുന്നതെങ്കില്‍ യെമനിലെ ജയിലില്‍ വച്ചാണ്‌ ട്രെയ്‌റ്ററിലെ മുസ്‌ലിം ഭീകരന്‍ ഈ വെല്ലുവിളി നടത്തുന്നത്‌ എന്നതാണ്‌ പ്രധാന വ്യത്യാസം (രണ്ടു പേര്‍ ചേര്‍ന്നാണ്‌ അന്‍വറിന്റെ സംഭാഷണം എഴുതിയിരിക്കുന്നത്‌ എന്നതാണ്‌ ഇതിലെ പ്രധാന തമാശ). ബാക്കി കഥയും സാഹചര്യവും എല്ലാം കിറുകൃത്യം. ജയിലില്‍ വച്ച്‌ മര്‍ദനമേറ്റതിന്‌ ശേഷം നായകന്‍ മുഖം കഴുകാന്‍ വേണ്ടി പൈപ്പിനടുത്ത്‌ വരുന്ന ഒരു ദൃശ്യമുണ്ട്‌ ട്രെയ്‌റ്ററില്‍. അതേ ആംഗിളില്‍ അതേ പോലെ ഒന്ന്‌ അന്‍വറിലുമുണ്ട്‌. 'ഒരാളെ കൊല്ലുന്നത്‌ മനുഷ്യ രാശിയെ മുഴുവന്‍ കൊല്ലുന്നതിന്‌ സമമാണ്‌' എന്ന ഖുര്‍ആന്‍ വചനം ട്രെയ്‌റ്ററിലെ നായകന്‍ പറയുന്നുണ്ടെങ്കില്‍ അതേ വചനം എഴുതിക്കാട്ടിയാണ്‌ അന്‍വര്‍ തുടങ്ങുന്നത്‌. ഇങ്ങനെ പറഞ്ഞു പോയാല്‍, 'പീസ്‌' എന്ന്‌ അന്‍വറില്‍ അവസാനം എഴുതിക്കാട്ടുന്നുണ്ട്‌ എന്നതാണ്‌ പ്രധാന വ്യത്യാസം എന്നു പോലും ആരോപിക്കാന്‍ കഴിയുന്നത്ര സാമ്യമുണ്ട്‌ ഇരു സിനിമകളും തമ്മില്‍.

ഹോളിവുഡില്‍ നിന്നുള്ള മോഷണം ഇന്ത്യന്‍ സിനിമയില്‍ നിത്യ സംഭവം ആയതിനാല്‍ മറ്റൊരു അന്‍വറിനെക്കൂടി ട്രയ്‌റ്റര്‍ ആക്കിയതില്‍ എന്തെങ്കിലും ലജ്ജിക്കേണ്ട വസ്‌തുത ഉണ്ടെന്ന്‌ അമല്‍ നീരദിന്‌ തോന്നേണ്ട കാര്യമില്ല. സിനിമ കാണുന്നവക്കും അതിലിപ്പോള്‍ വലിയ താല്‍പര്യമൊന്നുമില്ല. പക്ഷേ, കോയമ്പത്തൂര്‍ സ്‌ഫോടനത്തിന്‌ പിന്നില്‍ അബ്‌ദുള്‍ നാസര്‍ മദനിയും സംഘവുമാണ്‌ പ്രവത്തിച്ചത്‌ എന്ന്‌ അമല്‍ നീരദിനും സംഘത്തിനും ഉറപ്പു ലഭിച്ചത്‌ എവിടെ നിന്നാണെന്ന്‌ അറിയാന്‍ സിനിമ കാണുന്നവര്‍ക്ക്‌ കൗതുകമുണ്ടാകാനിടയുണ്ട്‌.

അന്‍വറിലെ മലയാളി ജിഹാദിക്ക്‌ മദനിയുടെ ഛായ വരുന്നത്‌ ചരിഞ്ഞു നോക്കുന്നതു കൊണ്ടാണെന്ന്‌ സിനിമയെടുത്തവര്‍ക്ക്‌ വാദിക്കാവുന്നതാണ്‌. പക്ഷേ, സിനിമയിലുടനീളം പറയുന്ന കോയമ്പത്തൂര്‍ സ്‌ഫോടനം സിനിമയ്‌ക്ക്‌ പുറത്ത്‌ നില നില്‍ക്കുന്ന വസ്‌തുതയാണ്‌. അതേകേസില്‍ വിചാരണത്തടവുകാരനായി കഴിയുകയും പിന്നീട്‌ തെളിവുകളില്ലാത്തതിനാല്‍ വെറുതെ വിടപ്പെടുകയും ചെയ്‌ത മലയാളിയെക്കുറിച്ചാണ്‌ പറയുന്നത്‌എന്നതിനാല്‍ സിനിമ കാണുന്നവര്‍ മദനിയെ അല്ലാതെ മറ്റാരെയെങ്കിലും മുന്നില്‍ കാണാനിടയില്ല.

പേരുകേട്ട ഇന്ത്യന്‍ കുറ്റാന്വേഷണ സംവിധാനം കഷ്‌ടപ്പെട്ട്‌ ശ്രമിച്ചിട്ടും ഒരു സ്‌ഫോടന കേസിലും കുറ്റവാളിയാണെന്ന്‌ കണ്ടെത്തപ്പെടാത്ത ഒരു വ്യക്തിക്ക്‌ കോയമ്പത്തൂര്‍ സ്‌ഫോടനത്തില്‍ പങ്കുണ്ടെന്ന്‌ ധ്വനിപ്പിക്കുന്നത്‌ എന്തടിസ്ഥാനത്തിലാണ്‌? യെമന്‍, സുഡാന്‍, ഫ്രാന്‍സ്‌, കാനഡ, അമേരിക്ക എന്നിങ്ങനെ നിരവധിരാജ്യങ്ങളിലായി ചിത്രീകരിച്ച, ഒരു സെപ്‌തംബര്‍ 11 അനന്തര ഹോളിവുഡ്‌ സിനിമയെ ഫോര്‍ട്ട്‌ കൊച്ചിയിലേക്ക്‌ ചുരുക്കി ഈ ഫോര്‍ട്ട്‌ കൊച്ചി എന്നു പറയുന്നത്‌ 'യെമനെക്കാള്‍' വലിയ ഭീകര പ്രദേശമാണ്‌ എന്നു സ്ഥാപിക്കാനുള്ള നെട്ടോട്ടത്തിനിടയിലാണ്‌, മുംബൈയില്‍ആക്രമണം നടത്താനെത്തുന്നവര്‍ക്ക്‌ ആയുധങ്ങളും സ്‌ഫോടക വസ്‌തുക്കളും കൈമാറ്റം ചെയ്യുന്നനിലയില്‍ അമല്‍ നീരദ്‌ മദനിയെ കണ്ടെത്തുന്നത്‌.

ലക്ഷണമൊത്ത ഒരു അധോലോക നഗരത്തിന്‌ ആവശ്യമുള്ളതില്‍ കൂടുതല്‍ ക്വട്ടേഷന്‍ സംഘങ്ങള്‍ കൊച്ചിയിലുണ്ടെന്ന്‌ മലയാളികളെ ബോധ്യപ്പെടുത്തി എന്ന്‌ ഉത്തമ ബോധ്യം വന്നതു കൊണ്ടാവണം മുസ്‌ലിം ഭീകരര്‍ എന്ന കുറേ ക്കൂടി കടുപ്പം കൂടിയ വിഭാഗത്തെ കണ്ടെത്താന്‍ സംവിധായകന്‍ ഇറങ്ങിപ്പുറപ്പെട്ടത്‌. പക്ഷേ, ക്വട്ടേഷന്‍ സംഘങ്ങളില്‍ പ്രവത്തിക്കുന്ന നിരവധി മുസ്‌ലിം യുവാക്കള്‍ റിക്രൂട്ടിംഗ്‌ വഴി കശ്‌മീരിലെ ഭീകര ക്യാമ്പുകളില്‍ എത്തിപ്പെടുന്നു എന്ന പ്രചാരണത്തിന്‌ പിന്നാലെ നിരപരാധികളായ നിരവധി മുസ്‌ലിം യുവാക്കള്‍ അറസ്റ്റു ചെയ്യപ്പെട്ട സ്ഥലമാണ്‌ കൊച്ചി എന്നെങ്കിലും ഓര്‍ക്കാനുള്ളബാധ്യത ചിത്രത്തിന്റെ അണിയറ പ്രവര്‍ത്തകര്‍ക്ക്‌ ഉണ്ടാകേണ്ടതാണ്‌.

ഇരവാദത്തിന്റെ മറുവാദമാണ്‌ അന്‍വറില്‍ പ്രധാന മായുള്ളത്‌. മുസ്‌ലിം കള്‍ ആയുധമെടുക്കുന്നത്‌ അവര്‍ ഇരകളായതിനാലാണ്‌ എന്ന വാദത്തെ ഇരകള്‍ ആയുധമെടുക്കുമ്പോള്‍ അവര്‍ തന്നെയാണ്‌ വീണ്ടും ഇരകളാകുന്നത്‌ എന്ന മറുവാദം കൊണ്ട്‌നേരിടാനുള്ള ശ്രമം മൊത്തം മുസ്‌ലിംകളും ഇരകളാണ്‌ എന്നവാദത്തെതന്നെ ഈ ലേഖനം അംഗീകരിക്കുന്നില്ലെങ്കിലും ഇരവാദത്തെ എതിര്‍ത്തു തോല്‍പ്പിക്കാനുള്ള സദാവ്യഗ്രതരസകരമാണ്‌.

മുസ്‌ലിംഭീകരര്‍ക്കെതിരെ ജാഗരൂഗരായിരിക്കാന്‍ ആഹ്വാനം ചെയ്‌തു കൊണ്ട്‌ കേരളത്തില്‍ തുടച്ചയായി ഉണ്ടാകുന്ന (ബി ഉണ്ണികൃഷ്‌ ണന്റെ 'ഐ ജി' പോലെയുള്ള അസാധ്യ സംഭവങ്ങള്‍) സിനിമകളിലെല്ലാം ഭീകരവാദം മുസ്‌ലിം സമൂഹത്തിന്റെ നില നില്‍പ്പ്‌ തന്നെയാണ്‌ അപകടത്തിലാക്കുന്നത്‌ എന്ന്‌ അധികം വളച്ചു കെട്ടില്ലാതെ പറയുന്നവയാണ്‌. ഭൂരിപക്ഷ സമൂഹത്തിന്റെ ദയയിലാണ് ന്യൂനപക്ഷങ്ങള്‍ നിലനില്‍ക്കുന്നതെന്നും നിലമറക്കുന്നത്‌ വന്‍ അപകടങ്ങള്‍ ക്ഷണിച്ചു വരുത്തുമെന്നുള്ള ഭീഷണി ഈ സിനിമകളിലെല്ലാം, അന്‍വറിലും, പ്രകടമായുണ്ട്‌.

മുസ്‌ലിം ഭീകരതയെ ചെറുക്കേണ്ടത്‌ മുസ്‌ലിംകളുടെ ഉത്തരവാദിത്വമാണെന്ന ഭീഷണിയാണ്‌ ഏറിയും കുറഞ്ഞും ഈ സിനിമകളിലെല്ലാം ഉള്ളത്‌. സമൂഹത്തിലെ മറ്റ്‌ വിഭാഗങ്ങള്‍ക്കില്ലാത്ത എന്തു ബാധ്യതയാണ്‌ ഭീകരവാദികളല്ലാത്ത മുസ്‌ലിംകള്‍ക്ക്‌ ഇക്കാര്യത്തില്‍ ഉള്ളത്‌ എന്ന്‌ വിശദീകരിക്കേണ്ട ബാധ്യതയും, അങ്ങനെയാണെങ്കില്‍, ഇത്തരം സിനിമകള്‍ ഉണ്ടാക്കുന്നവര്‍ക്കുണ്ട്‌.

ഇരവാദത്തിന്റെ ന്യായീകരണങ്ങളായാണ്‌ ഈ മറുവാദങ്ങള്‍ നില നില്‍ക്കുന്നത്‌ എന്നതാണ്‌ കൗതുകകരമായ വസ്‌തുത ഉദാഹരണത്തിന്‌, പെങ്ങളുടെ വിവാഹം, അച്ഛനനമ്മമാരുടെ പ്രസന്നഭാവം സൂക്ഷിക്കല്‍, അണിഞ്ഞൊരുങ്ങി നടക്കല്‍ എന്നിങ്ങനെയുള്ള നിരുപദ്രവ പ്രവര്‍ത്തനങ്ങളില്‍ മാത്രം ഏര്‍പ്പെട്ട്‌ ജീവിക്കുന്നയാളാണ്‌ അന്‍വറിലെ നായകന്‍. കോയമ്പത്തൂര്‍ സ്‌ഫോടനത്തില്‍ കുടുംബംകൊല്ലപ്പെട്ടതിനെ തുടര്‍ന്ന്‌ സ്‌ഫോടനം ആസൂത്രണം ചെയ്‌തവരെ ഒന്നടങ്കം ഇല്ലാതാക്കാന്‍ ഇറങ്ങിത്തിരിക്കുകയാണ്‌ നായകന്‍ . സ്വന്തം അച്ഛനമ്മമാരുടെ മരണത്തിനിടയാക്കിയ വരെ പൂര്‍ണമായി നശിപ്പിക്കാന്‍ നായകന്‍ തീരുമാനിക്കുന്നു എന്നത്‌ ഇരവാദമല്ലെങ്കില്‍ മറ്റെന്താണ്‌?

ഗുജറാത്ത്‌ വംശഹത്യയില്‍ അച്ഛനനമ്മാര്‍ കൊല്ലപ്പെട്ടഒരു മുസ്‌ലിം യുവാവ്‌ തന്റെ അച്ഛനനമ്മമാരുടെ മരണത്തിനിടയാക്കിയവരെ ഒന്നടങ്കംനശിപ്പിക്കാന്‍ ഇറങ്ങിപ്പുറപ്പെടുകയാണെങ്കില്‍അയാള്‍ വില്ലനും കോയമ്പത്തൂര്‍ സ്‌ഫോടനത്തിന്‌ പ്രതികാരം ചെയ്യാനിറങ്ങി മുസ്‌ലിം യുവാവ്‌ നായകനും ആയിത്തിരുന്നത്‌ എങ്ങനെയാണ്‌?

മുള്ളിനെ മുള്ളു കൊണ്ടെടുക്കുക എന്ന തന്ത്രം നല്ലതാണ്‌. പക്ഷേ കോയമ്പത്തൂര്‍ സ്‌ഫോടനത്തോടോ മുംബൈ ആക്രമണത്തോടോ നമ്മള്‍ കാട്ടുന്ന അതിവൈകാരികമായ സമീപനം ഗുജറാത്ത്‌ വംശഹത്യ പോലെയുള്ള വിഷയങ്ങളെ സമീപിക്കുമ്പോള്‍ കടുത്ത പക്വതയായി മാറുന്നു എന്നത്‌ ഖേദകരമാണ്‌.

സിനിമ ഹോള്‍ഡോവറാകാതിരിക്കണമെങ്കില്‍ ഭൂരിപക്ഷത്തിന്റെ വികാരങ്ങളെ തഴുകിയേ മതിയാകൂ എന്ന്‌ അമല്‍ നീരദിനും സംഘത്തിനും വാദിക്കാവുന്നതാണ്‌. പക്ഷേ നമ്മള്‍ ജീവിക്കുന്നത്‌ കുഴപ്പം പിടിച്ച കാലഘട്ടത്തിലാണെന്നും ധ്രുവത്തിലെ ഹൈദര്‍ മരക്കാര്‍ എന്ന കഥാപാത്രത്തെ ഉണ്ടാക്കിയവര്‍ ഒന്നാന്തരം വര്‍ഗ്ഗീയ വാദികളാണെന്നും തിരിച്ചറിയാതിരിക്കുന്നത്‌ കുറ്റകരമാണ്‌. ഹൈദര്‍ മരക്കാര്‍ ലൈനിലല്ലെങ്കിലും ഏറെക്കുറെ അതേ പോലെ തന്നെയാണ്‌ അന്‍വറില്‍ അബ്‌ദുള്‍ നാസര്‍ മദനിയെ അവതരിപ്പിച്ചിരിക്കുന്നത്‌. ഹൈദര്‍ മരക്കാറില്‍ നിന്ന്‌ മദനിയെക്കുറിച്ചുള്ള മലയാളിയുടെ പൊതു ബോധം ഉയരാത്തത്‌ മൂലമല്ലേ അയാളിപ്പോഴും, നമ്മുടെയെല്ലാവരുടേയും കുറ്റബോധമായി ജയിലില്‍ കഴിയുന്നത്‌ എന്ന്‌ സമയം കിട്ടുമ്പോള്‍ ആലോചിച്ചു നോക്കാവുന്നതാണ്‌. നക്‌സലൈറ്റുകള്‍ക്കും പിടിച്ചു പറിക്കാക്കും സംഘപരിവാറുകാര്‍ക്കും മാനസാന്തരം വരും പക്ഷേ, ഒരിക്കല്‍ തീവ്രവാദിയായാല്‍ ഒരു മുസ്‌ലിമിന്‌ പിന്നീടൊരിക്കലും മറ്റൊന്നു മാവാന്‍ കഴിയില്ല എന്ന പൊതു ബോധം എത്രത്തോളം പ്രബലമാണ്‌ നമ്മളില്‍ എന്നും ആലോചിച്ചുനോക്കാവുന്നതാണ്‌.

മുസ്‌ലിം രാഷ്‌ട്രീയത്തെക്കുറിച്ചു ഒരു സിനിമ എടുക്കാന്‍ ഇറങ്ങുന്നവക്ക്‌ ഒരിക്കലും മാതൃകയാക്കാവുന്നതല്ല ഹോളിവുഡ്‌ സിനിമകള്‍ എന്ന തിരിച്ചറിവെങ്കിലും അന്‍വര്‍ ഉണ്ടാക്കിയവര്‍ക്ക്‌ ഉണ്ടാകേണ്ടതാണ്‌. മുസ്‌ലിംകള്‍ ഭീകരരോപിടിച്ചു പറിക്കാരോ ആണ്‌ എന്ന്‌ പ്രചരിപ്പിക്കാനാണ്‌ കാലങ്ങളായി ഹോളിവുഡ്‌ ശ്രമിച്ചുകൊണ്ടിരിക്കുന്നത്‌. ഇറാന്‍ കാരനായ ഭര്‍ത്താവിന്റെ കൂടെ ഇറാനിലേക്ക്‌ പോകാന്‍ തീരുമാനിച്ചത്‌ നരകത്തിലേയ്‌ക്ക്‌ പോകാന്‍ തീരുമാനിച്ചതു പോലെ അപകടകരമായ തീരുമാനമായിരുന്നു എന്ന്‌ ഒരു അമരിക്കന്‍ യുവതി തിരിച്ചറിയുന്നതും രക്ഷപ്പെടാന്‍ അവര്‍ നടത്തുന്ന പോരാട്ടങ്ങളും ചിത്രീകരിക്കുന്ന 'നോട്ട്‌ വിത്തൗട്ട്‌ മൈ ഡോട്ടര്‍' പോലെ സന്ദേശങ്ങളുടെ രൂപത്തിലും 'ട്രൂ ലൈസ്‌' പോലെ നേരിട്ടുള്ള ഏറ്റുമുട്ടലിന്റെ രൂപത്തിലും അല്ലാതെ ഇസ്‌ലാമിനെ ചിത്രീകരിക്കാന്‍ ഹോളിവുഡ്‌ കാര്യമായി ശ്രമിച്ചിട്ടില്ല. അറബ്‌ വംശജരുടെ പ്രധാന ഒഴിവു സമയ വിനോദം ബോംബ്‌ പൊട്ടിക്കലാണെന്ന്‌ ഹോളിവുഡ്‌ സിനിമകള്‍ സ്ഥിരമായി കാണുന്ന ഒരാള്‍ ധരിക്കാനിടയുണ്ട്‌. മൊത്തം മുസ്‌ലിംകളും അറബ്‌ വംശജരാണ്‌ എന്നും തോന്നാം. ഇസ്‌ലാം അതിവാദത്തിനെതിരെ പരസ്യ യുദ്ധം പ്രഖ്യാപിച്ചിരിക്കുന്ന ഒരു രാഷ്‌ട്രത്തിന്റെ താല്‍പര്യങ്ങള്‍ സംരക്ഷിക്കലാണ്‌ ഹോളിവുഡ്‌ സിനിമാക്കാരുടെ പണി എന്നിരിക്കെ അവരെ കുറ്റം പറഞ്ഞ്‌ സമയം കളയാതെ മറുവാദങ്ങള്‍ ഉള്‍ക്കൊള്ളുന്ന സിനിമകളും മറ്റ്‌ കലാരൂപങ്ങളുംഉണ്ടാക്കുകയാണ്‌ വേണ്ടത്‌ എന്ന വാദം ഇക്കാര്യത്തില്‍ പരിഗണിക്കപ്പെടേണ്ടതാണ്‌.

മുസ്‌ലിംകളോടുള്ള ഹോളിവുഡിന്റെ മനോഭാവത്തോട്‌ ചേര്‍ന്നു പോകുന്നതാണ്‌ 'നിരപരാധികളെ കൊല്ലുന്നതിനോട്‌ പ്രതികരിക്കുന്നതിനായി' അമല്‍ നീരദ്‌ റീമേക്ക്‌ ചെയ്യാന്‍ തിരഞ്ഞെടുത്ത സിനിമയും. പക്ഷേ, അന്‍വറിനെക്കാള്‍ എന്തു കൊണ്ടും മുസ്‌ലിംകളോട്‌ അനുഭാവം പ്രകടിപ്പിക്കുന്ന സിനിമയാണ്‌ ട്രെയ്‌റ്റര്‍. ഇസ്‌ലാമിക ഭീകരരോടും അമേരിക്കയോടും ഏറെക്കുറെ സമാനമായ അകല്‍ച്ച സൂക്ഷിക്കുന്ന വ്യക്തിയാണ്‌ ട്രെയ്‌റ്ററിലെ നായകന്‍ . തന്നെ സംബന്ധിച്ച സത്യം സങ്കീര്‍ണ്ണമാണെന്ന്‌ ട്രെയ്‌റ്ററിലെ നായകന്‍ പറയുന്നുണ്ട്‌. രണ്ടു വശവും കറക്കിയെടുക്കാനുള്ള ശ്രമത്തിന്റെ ഭാഗമായി പൊള്ളയായ സഹാനുഭൂതിയാണ്‌ ഇസ്‌ലാമിനോ ട്‌ട്രെയ്‌റ്റര്‍ പ്രകടിപ്പിക്കുന്നതെങ്കിലും അന്‍വറിലെപ്പോലെ വന്‍തോതില്‍ രോഷ പ്രകടനം ട്രെയ്‌റ്ററിലെ നായകന്‍ പ്രകടിപ്പിക്കുന്നില്ല. സത്യത്തില്‍ ഇസ്‌ലാമിനെക്കുറിച്ച്‌ ഉത്‌കണ്‌ഠാലുവാണ്‌ തങ്ങളുടെനായകന്‍ എന്ന്‌ ചിലരെയെങ്കിലും തെറ്റിദ്ധരിപ്പിക്കുന്നതില്‍ ട്രെയ്‌റ്റര്‍ വിജയിക്കാനുമിടയുണ്ട്‌. അന്‍വറില്‍ പക്ഷേ, കാര്യങ്ങള്‍ ഏകപക്ഷീയമാണ്‌.

അന്‍വാര്‍ശ്ശേരിയോടല്ലയോ അന്‍വറിന്റെ രോഷം എന്ന്‌ ചില സമയങ്ങളിലെങ്കിലും തോന്നുന്ന തരത്തില്‍ പകയുണ്ട്‌ അമല്‍ നീരദിന്റെ സിനിമയില്‍. അതേ പക, മലയാള കച്ചവട സിനിമയില്‍ പതിവായി വന്നു പോകുന്നതാണ്‌ എന്നിടത്തു നിന്നും അമല്‍ നീരദ്‌ മലയാളത്തിലെ കച്ചവട സിനിമക്കാരുടെ ആള്‍ക്കൂട്ടത്തിലെ മറ്റൊരാള്‍ മാത്രമായി, ഭൂരിപക്ഷത്തിന്റെ മറ്റൊരു അപകടകാരിയായ ദല്ലാള്‍ മാത്രമായി തീ രു ന്നു.

* Television tends to perpetuate four basic myths about Arabs: they are all fabulously wealthy; they are barbaric and uncultured; they are sex maniacs with a penchant for white slavery; and they revel in acts of terrorism. Yet, just a little surface probing reveals that these notions are as false as the assertions that Blacks are lazy, Hispanics are dirty, Jews are greedy and Italians are criminals.

(Jack G Shaheen, The TV Arab)

ലതീഷ്‌ മോഹന്‍

(മാ ധ്യ മം ആഴ്ച പ്പ തി പ്പില്‍ പ്ര സി ദ്ധീ ക രി ച്ച ത്)...

ഏകാന്ധതയുടെ ആറു വര്‍ഷങ്ങള്‍ .......

2010-10-30T06:40:00.000-07:00

പാ വം മു ര ളീ ധ രന്‍!
ഒടു വില്‍ കി ലു ക്ക ത്തിലെ കി ട്ടു ണ്ണി യേ ട്ടന്‍ പോ യ തു പോ ലെ തിരി ച്ചു വ രി ക യാ ണു, തന്നെക്കൊ ണ്ടു പൊ ത പ്പ ല ക്കി ക്കു ന്ന അണ്ണന്മാ രു ള്ള തറ വാ ട്ടി ലേ ക്കു ത ന്നെ. അതി നു പോ ലും എന്തൊ ക്കെ ബഹ ളങ്ങ ളാ യി രു ന്നു. പ്രാ യ ശ്ചി ത്തം ചെ യ്യണം, പള നീ പ്പോ യി തല മൊ ട്ട യ ടിക്ക ണം! അങ്ങ നെ എന്തെ ല്ലാം. ഒടുവില്‍ പഞ്ചാ യ ത്തു തെ ര ഞ്ഞെ ടു പ്പില്‍ തനി ക്കു പരി ച യ മു ള്ള വീ ട്ടി ലെ ല്ലാം കേ റി, ലേ ലു അല്ലൂ! ലേ ലു അല്ലൂ! ലേ ലു അല്ലൂ! കയ റ്റി വി ട് എന്നു പറഞ്ഞ പ്പോള്‍ അണ്ണ ന്മാ ര് തല്‍ ക്കാലം ഒന്നു തി രി ച്ചു ക യ റാന്‍ സമ്മ തിക്കു ന്നെ ന്നു മാ ത്രം.

അല ക്കാ നു ള്ള വി ഴു പ്പൊ ക്കെ ആറുവര്‍ ഷ ത്തെ യാ ണു കി ട ക്കു ന്ന ത് തറവാ ട്ടില്‍, മു ര ളി യ ണ്ണന്‍ തി രി ച്ചു ചെ ന്നകം പൂ കി യാ ലു ട നെ അടു ക്ക ള പ്പു റ ത്ത്, അല ക്കു ക ല്ലി ന്മേല്‍ വലിയ പു ത പ്പുകള്‍ വന്നു വീ ഴു ന്ന ഒച്ച മതില്‍ ക്കെ ട്ടിനി പ്പു റ ത്തേ ക്കു കേള്‍ ക്കാന്‍ തു ട ങ്ങിയേ ക്കാം.

ഏതാ യാ ലും മു ര ളി യെ സം ബ ന്ധി ച്ചി ട ത്തോ ളം ഏകാ ന്ധ ത യു ടെ ആറു വര്‍ ഷ ങ്ങ ളാ ണു സമാ പി ക്കാന്‍ പോ കു ന്ന ത്. ഏകാ ന്ത ത യു ടെയും ഏക നാ യി അനു ഭ വി ച്ച അന്ധ ത യു ടെ യും ആറു വര്‍ ഷ ങ്ങള്‍. ഏകാ ന്ത ത യു ടെ നൂ റു വര്‍ ഷ ങ്ങ ളേ ക്കാ ളും വലു താ ണ് ഏകാ ന്ധ ത യുടെ ആറു വര്‍ ഷ ങ്ങ ളെ ന്നു ഗബ്രി യേല്‍ ഗാര്‍ ഷിയ മാര്‍ ക്കേ സി നു പോലും മന സ്സി ലാ കി ല്ല. പക്ഷേ, അതു മു ര ളി ക്കി പ്പോള്‍ അറി യാം.

ആറു വര്‍ ഷ ങ്ങള്‍ ക്കു മുന്‍ പ് അന്ധ ത യി ലേ ക്കും അന്ധ കാ ര ത്തി ലേക്കും ഇറ ങ്ങി പ്പോ യ പ്പോള്‍ ഇത്ര നി രീ ച്ചി രു ന്നി ല്ല. മു ര ളി യും കരു ണാ ക ര ഗു രു ക്ക ളും പറ ഞ്ഞ തൊ ക്കെ സത്യം തന്നെ യാ യി രു ന്നു. കോണ്‍ ഗ്ര സി ലെ ഗ്രൂ പ്പു ക ളി യില്‍, സോ ണിയ ഇന്ദ്ര പ്ര സ്ഥ ത്തില്‍ വന്ന പ്പോ ഴു ണ്ടായ ക്രി സ്ത്യന്‍ ലോ ബി യു ടെ കു ത്താ യി രു ന്നു അവ രെ അള മു ട്ടിയ ചേ ര ക ളാ ക്കി യ ത്. എന്നാല്‍, പാര്‍ ട്ടി ക്ക ക ത്തു നി ന്നു പയറ്റാന്‍ നോ ക്കാ തെ പു റ ത്തു ചാ ടി യ താ ണ് രണ്ടാള്‍ ക്കും വി ന യാ യ ത്. അതും അവ രോ ടൊ പ്പം ആവ ശ്യ ത്തി ന് ആളു ണ്ടാ യി രു ന്ന പ്പോള്‍ ചാ ടി യ തു മി ല്ല. ഇപ്പൊ ചാ ടും ഇപ്പൊ ചാ ടു മെ ന്നു ജന ത്തെ കുറേ കബ ളി പ്പി ച്ചി ട്ട്, നേ രം തെ റ്റി യൊ രു നേ ര ത്തു ചാ ടു മ്പോള്‍ കൂ ടെ യുണ്ടാ യി രു ന്ന വ രില്‍ പാ തി യി ലേ റെ എമ്മെ ല്ലേ മാര്‍ മറു ക ണ്ടം ചാ ടിയി രു ന്നു. കു റ്റാ ക്കു റ്റി രു ട്ടി ലും കൂ ടെ യു ണ്ടാ കു മെ ന്നു കൂ കി പ്പ റ ഞ്ഞ ശങ്ക രനും ശി വ ദാ സ നു മെ ല്ലാം പി ളര്‍ പ്പു ക ണ്ട പ്പോള്‍ പി ന്നേം തെ ങ്ങിന്റെ മണ്ടേല്‍ ത്ത ന്നെ അള്ളി പ്പി ടി ച്ചി രു ന്നു. തങ്ക ച്ചന്‍ മാര്‍ ക്ക് ഇട യലേ ഖ നം വന്ന തോ ടെ, അവ രും അട ച്ച പെ ട്ടി തു റ ന്ന് അല ക്കി ത്തേച്ച കു പ്പാ യ ങ്ങള്‍ തി രി കെ അയ യി ലി ട്ടു.

പി ന്നെ, മു ര ളി യു ടെ യും കരു ണാ ക ര പി താ വി ന്റെ യും അല ച്ചി ലിന്റെ ആണ്ടു കള്‍. ആവേ ശം ഉദ്ധ രി ച്ചു നി ന്ന പ്പോള്‍ അവര്‍ ഡി ക്കായി. ആ ആവേ ശം ആവി യാ യ പ്പോള്‍, തളര്‍ ന്ന് എന്‍ സീ പ്പീ യാ യി. ഡി ക്ക് വെ റും പീ പ്പീ പോ ലെ യാ യി. ഒന്നും ഏല്‍ ക്കാ തെ വ ന്നപ്പോള്‍, മരി ച്ചു കി ട ക്കു മ്പോള്‍ കോണ്‍ ഗ്ര സ് പതാ ക യും പു ത ച്ചു ്, പത്തു പേ രു ടെ നടു ക്കു കി ട ക്കു ക യെ ങ്കി ലും വേ ണ മെ ന്ന ദു രാ ശ യോടെ പി താ മ ഹന്‍, പണ്ടു നെ ല്ലു ക ത്തി ച്ച് സര്‍ സ്ഥാ നം നേ ടിയ ഒറിജി നല്‍ പി താ മ ഹ നെ പ്പോ ലെ, എന്‍ സീ പ്പീ യു ടെ കൊ ടി ക ത്തി ച്ച് കൈ പ്പ ത്തി യി ല ഭ യം പ്രാ പി ച്ചു. അതി നു മുന്‍ പ് ടെ ലി വി ഷന്‍ കാ ണാനും റി മോ ട്ട് കണ്‍ ട്രോള്‍ ഞെ ക്കാന്‍ പോ ലും കൈ പ്പ ത്തി ഉപ യോ ഗിക്ക രു തെ ന്നും പറ ഞ്ഞ വാ ക്കു കള്‍ വി ഴു ങ്ങി. പി ന്നെ യും നീ ണ്ട വര്‍ ഷങ്ങള്‍...

മു ര ളി യു ടെ ഏക നാ യു ള്ള അന്ധ ത യു ടെ വര്‍ ഷ ങ്ങള്‍.

ഇതാ, തി രി ച്ചെ ത്തു ക യാ ണ് ആ അന്ധ വര്‍ ഷ ങ്ങ ളു ടെ അല ല്ല വസാ നി പ്പി ച്ച് മു ര ളി.

ഇനി ഒന്നേ അറി യാ നു ള്ളൂ. മാ ഡ ത്തെ മദാ മ്മ യെ ന്നു വി ളി ച്ച തി ന്റെ പാ പം പോ ക്കാന്‍ മു ര ളി മാര്‍ ക്കം കൂ ടി അച്ച നെ അപ്പ ച്ചാ എന്നു വിളി ച്ചു തു ട ങ്ങു മോ എന്നു മാ ത്രം....

എഴുതിയത്
ശ്യാം നരേന്ദ്രന്‍

അരുന്ധതി ആയതു കൊണ്ട് തീവ്രവാദി അല്ല ..!!!!

2010-10-25T05:37:00.000-07:00

എന്താണ് കഥ ,അപ്പൊ കശ്മീര്‍ ഇന്ത്യയുടെ ഭാഗം അല്ലായിരുന്നോ?നാം മനസ്സില്‍ ഒരു മാലാഖയെപ്പോലെ കൊണ്ട് നടന്ന കശ്മീര്‍ .ഭൂമിയില്‍ ഒരു സ്വര്‍ഗം ഉണ്ടെങ്കില്‍ അതിതാണ് അതിതാണ് എന്ന് പണ്ട് നെഹ്‌റു പറഞ്ഞ കശ്മീര്‍ ,.ശത്രു രാജ്യങ്ങള്‍ ഒന്ന് നോക്കിയാല്‍ അവരെ മൂക്ക് കൊണ്ട് നമ്മള്‍ ക്ഷ,ഞ വരപ്പിക്കാറുള്ള അതേ കശ്മീര്‍ ,അതിപ്പോ ഇന്ത്യയുടെ ഭാഗം ആയിരുന്നില്ല പോലും.അത് ഇന്ത്യന്‍ സര്‍ക്കാരിനും അറിയാം പോലും .ഇത് ഏതെങ്കിലും "ആതംഗ വാദി ,തീവ്രവാദി "ഒന്നും അല്ല പറഞ്ഞിരിക്കുന്നത് .ശ്രീമതി അരുന്ധതി റോയ് ആണ് അറിയില്ലേ നമ്മുടെ ബുക്കര്‍ സമ്മാനം നേടിയ "ചെറിയ കാര്യങ്ങളുടെ ദൈവം"THE GOD OF SMALL THINGS "

അവരുടെ ആ കൃതിയില്‍ തന്നെ ഭാരത പൈതൃകത്തെയും മറ്റും താര്‍ അടിച്ചു കാണിച്ചു എന്ന് പറഞ്ഞു കുറെ വിവാദങ്ങള്‍ ഉണ്ടായതാണല്ലോ. അപ്പോള്‍ എന്തിനായിരുന്നു സര്‍ക്കാരുകള്‍ കോടികള്‍ മുടക്കി അവിടങ്ങളില്‍ ജീവിക്കുന്ന പാവങ്ങളെ കൊന്നൊടുക്കുന്നത്? എന്തിനായിരുന്നു മറ്റു രാഷ്ട്രങ്ങളുടെ മുമ്പില്‍ തങ്ങളുടേത് അല്ലാത്ത കശ്മീരിന് വേണ്ടി അടിയുണ്ടാക്കുന്നത്?എന്തിനാണ് അപ്പോള്‍ നാം ഇടപെട്ടു അവിടത്തെ ജനങ്ങളെ തമ്മില്‍ അടിപ്പിക്കുന്നത്?ഈ അരുന്ധതി റോയ് ഇത് പറഞ്ഞിട്ട് സര്‍ക്കാര്‍ എന്തെങ്കിലും നടപടിയും എടുത്തിട്ടില്ല.അവര്‍ ഇന്ത്യക്കാരി അല്ലെ?ഇന്ത്യയില്‍ നിന്ന് കൊണ്ട് ഇന്ത്യയെ അപമാനിക്കുന്നത് രാജ്യ ദ്രോഹ കുറ്റം ചുമത്താവുന്ന കേസ് ആയിട്ട് പോലും ഒരു ചെറു വിരല്‍ അനങ്ങിയതായി ഇത് വരെ വിവരം ഇല്ല .അവര്‍ക്കെതിരെ എത്രയും പെട്ടെന്ന് നടപടി എടുത്തില്ലെങ്കില്‍ ഭാരതം ഇത് വരെ കാട്ടി കൂട്ടിയതൊക്കെ വെറുതെ ആവില്ലേ? കശ്മീര്‍ ഇന്ത്യയുടെ ഭാഗം അല്ല എന്ന് പറഞ്ഞാല്‍ അവനു തടവറ ഉറപ്പല്ലേ?ഇവിടെ രണ്ട് തരം പൌരന്മാരും രണ്ട് തരം നിയമവും അതാണോ നടക്കുന്നത്?

ഇനി അരുന്ധതി അല്ല ഏതു പുകള്‍പെറ്റ ആള്‍ ആയാലും ഭാരതത്തിന്റെ യശസ്സിനു കളങ്കം ചാര്‍ത്തുന്ന അഭിപ്രായങ്ങള്‍ പറഞ്ഞാല്‍ ,ഭാരതത്തെ നെഞ്ചില്‍ ലാളിക്കുന്ന നാം പ്രതികരിക്കണ്ടേ?അരുന്ധതി റോയ് ആയതു കൊണ്ട് അത് തീവ്രവാദം ആകുന്നില്ല എന്നാണോ?മുക്കിനു മുക്കിനു രാജ്യ സ്നേഹം പറയുന്ന മാധ്യമങ്ങള്‍ എവിടെപോയീ,രാജ്യ സ്നേഹം ആര്‍ക്കും തീറെഴുതി തന്നതല്ല എല്ലാവര്‍ക്കും ഉണ്ട് എന്ന് എന്തെ മനസ്സിലാക്കാതെ? അതല്ല ചല പ്രത്യേഗ മത വിഭാഗങ്ങള്‍ മാത്രം പറഞ്ഞാല്‍ വാളെടുത്താല്‍ മതി എന്നാണോ,ഇവര്‍ ഇങ്ങനെ പറയാനുള്ള കാരണം എന്താണ് ,ശത്രു രാജ്യങ്ങളില്‍ നിന്ന് വായ്ക്കരി ഇടാനുള്ള പണം വാങ്ങിയിട്ടാണോ ഇവര്‍ ഇങ്ങനെ ചെയ്യുന്നത് ,എന്തെ ആരും ഒന്നും മിണ്ടാതെ? ലജ്ജാവഹം എന്നല്ലാതെ എന്തു പറയാന്‍ സുഹുര്‍ത്തുക്കളെ?

അയ്യപ്പന്‍റെ ശവവും അനാഥം .!!!

2010-10-24T07:33:00.000-07:00

മിനിഞ്ഞാന്ന് അന്തരിച്ച കവി അയ്യപ്പന്‍റെ ശവ സംസ്കാരം നീട്ടി വെച്ചിരിക്കുന്നു ?..സ്വന്തം അനാഥത്വത്തിന്റെയും ജീവിത ദുരിതങ്ങളേയും അതി ജീവിച്ചു കവിതയുടെ വേറിട്ട വഴിയിലൂടെ സഞ്ചരിച്ച കവി എന്നും അനാഥനായിരുന്നു.വെയില്‍ തിന്നുന്ന പക്ഷി എന്ന കവിതയ്ക്ക് കേരള സാഹിത്യ അക്കാദമി അവാര്‍ഡും മറ്റു നിരവധി അവാര്‍ഡും ലഭിച്ചിട്ടുണ്ട്.ഇങ്ങനെ എല്ലാവരും അറിയുന്ന അയ്യപ്പന്‍ തെരുവില്‍ കിടന്നു മരിച്ചപ്പോള്‍ ആരും അറിഞ്ഞില്ല എന്നത് എന്തൊരു വിരോധാഭാസം.ജീവിതം കൊണ്ട് ഏറ്റവും ദരിദ്രനും കവിത കൊണ്ട് സമ്പന്നനും ആയിരുന്നു അയ്യപ്പന്‍ .

ജീവിതത്തില്‍ അയ്യപ്പനെ തിരിഞ്ഞു നോക്കാത്തവര്‍ മരണപ്പെട്ടപ്പോള്‍ ശവത്തിനു വേണ്ടി വടം വലി നടത്തുന്ന ആരോചകരമായ കാഴ്ചയാണ് ഇപ്പോള്‍ നാം കാണുന്നത് .ഇത്ര ദിവസം ആയിട്ടും സമയം ഇല്ല എന്ന് പറഞ്ഞു ശവമടക്ക് നടത്താന്‍ കഴിയാത്ത സര്‍ക്കാരും,കേരളത്തിലെ സംസ്ക്കാരം ഇല്ലാത്ത സാംസ്‌കാരിക നേതാക്കളും ,അയ്യപ്പന്‍റെ അവകാശവും പറഞ്ഞു അടി നടക്കുന്നു .എന്താണ് പറയേണ്ടത് ഏതായാലും സാംസ്കാരിക കേരളത്തിനെട്ട അപമാനം എന്നെ ഇതിനെ വിശേഷിപ്പിക്കാന്‍ പറ്റൂ അല്ലെ ?

ഭ്രാന്തിനും മൌനത്തിനും ഇടയില്‍ ഒരു നൂല്‍പ്പാലം ഉണ്ടെന്നും അതിലൂടെയാണ് നാമെല്ലാവരും നടക്കുന്നതെന്നും ഓര്‍മിപ്പിക്കുന്ന കവിയാണ്‌ അയ്യപ്പന്‍ ...അദ്ദേഹത്തിന്‍റെ തന്നെ ഭാഷയില്‍ പറഞ്ഞാല്‍ .

"കവി ത യി ന്ന്‌ വര്‍ ത്ത മാ ന ത്തി ന്റെ വാ യ്‌ ത്താ രി
മര ണ ത്തി ന്‌ ജീ വ ന്റെ പൊ യ്‌ മു ഖം
വെ ച്ചി രി ക്കു ന്ന വര്‍ ക്കു ള്ള വാ യ്‌ ക്ക രി
രക്ത മു ണ ങ്ങു ന്ന തി ന്‌ മു മ്പ്‌ കു രു തി ത്ത റ യില്‍ വി രി യു ന്ന പൂ വ്‌.
അമ്മ യു ടെ ആശി സ്സു കള്‍ നേ ടിയ ശി ര സ്സ്‌
മി ത്ര ത്തി ന്റെ നെ ഞ്ചില്‍ നി ന്നൂ രി യെ ടു ത്ത അമ്പ്‌
മണ്ണൂ മൂ ടിയ എന്റെ ശരീ ര ത്തി ലൂ ടെ നട ന്ന്‌
തി രി ഞ്ഞു നി ന്ന്‌ ഒരി ക്ക ലെ നി ക്ക്‌ നീ പറ യു ന്ന കൃ ത ജ്ഞത"

അയ്യപ്പന് ആദരാഞ്ജലികള്‍ ...

"പ്രവാസീ അവധി എടുക്കരുത്.".!!!!!

2010-10-19T03:11:00.000-07:00

ഒരു കയറ്റത്തിന് ഒരു ഇറക്കം എന്നാണല്ലോ..എന്തെല്ലാം വാഗ്ദാനങ്ങള്‍ ആയിരുന്നു .പ്രവാസിക്ക് വോട്ട്,പ്രവാസ ഇന്‍ഷുര്‍ ,പ്രവാസിക്ക് നാട്ടില്‍ ചെന്നാല്‍ വ്യവസായം തുടങ്ങാന്‍ ഏക ജാലകം,ആണ്ടുകള്‍ തോറും കോടികള്‍ ചെലവിട്ടു മുടങ്ങാതെ നടക്കുന്ന പ്രവാസ ഭാരതീയ സമ്മേളനങ്ങളില്‍ സര്‍ക്കാരുകള്‍ പ്രവാസിക്ക് നല്‍കുന്നത് വാഗ്ദാനങ്ങളുടെ പെരുമഴയാണ്.ആ സമ്മേളനങ്ങള്‍ക്ക് പോയ പ്രവാസി സുഹുര്‍ത്തുക്കള്‍ (പ്രവാസികളുടെ പ്രതിനിധികള്‍ ചമയുന്ന മുതലാളിമാര്‍ )കിട്ടുന്ന അവാര്‍ഡുകളും വാങ്ങി, കിട്ടുന്ന ഭക്ഷണവും കഴിച്ചു,ഏമ്പക്കവും ഇട്ടു വരുന്നു എന്നല്ലാതെ പാവപ്പെട്ട പ്രവാസികള്‍ക്ക് ഒരു ചുക്കും വാങ്ങിത്തരാന്‍ ശ്രമിക്കുന്നില്ല ,അവര്‍ക്ക് അതിനു കഴിയുന്നില്ല എന്നാവും കൂടുതല്‍ ശെരി അല്ലെ?

ഈ വാഗ്ദാനങ്ങളില്‍ സര്‍ക്കാര്‍ പാലിക്കാന്‍ പോകുന്നു (അതോ പാലിച്ചു കഴിഞ്ഞു എന്നോ)എന്ന് പറയുന്ന ഒരു പ്രധാന കാര്യം ,പ്രവാസിക്ക് വോട്ടവകാശം നല്‍കുന്നു എന്നുള്ളതാണ്.കേന്ദ്ര സര്‍ക്കാരിന്റെ ഈ പ്രഖ്യാപനം വന്നപ്പോഴേക്കും സര്‍ക്കാര്‍ അനുകൂലമായതും അല്ലാത്തതും ആയ പ്രവാസ ലോകത്ത് ,മുക്കിനു മുക്കിനു മുളച്ചു പൊന്തുന്ന സംഖടനകള്‍ എല്ലാം മുന്നും പിന്നും നോക്കാതെ വലിയ ആര്‍പ്പു വിളികളോടെയും മറ്റും ആഖോഷിച്ചു.എങ്ങിനെയാണ് ലോകത്തെമ്പാടും ചിതറിക്കിടക്കുന്ന ഭാരതീയ പ്രവാസികള്‍ വോട്ട് ചെയ്യേണ്ടത് എന്ന് ആരും ചിന്തിച്ചില്ലേ?..

പുറം രാജ്യങ്ങളില്‍ ചെറിയ ശമ്പളത്തിന് പണി എടുക്കുന്ന പ്രവാസികള്‍ ,നമ്മുടെ നാട്ടില്‍ ജനാധിപത്യം നില നിര്‍ത്തിപ്പോരാന്‍ (?)നടത്തുന്ന തിരഞ്ഞെടുപ്പുകളില്‍ ഏതെങ്കിലും രാഷ്ട്രീയ പാര്‍ട്ടികളെ അധികാരത്തില്‍ എത്തിക്കാന്‍ വേണ്ടി വോട്ട് ചെയ്യാന്‍ ,ആയിരങ്ങള്‍ തോര എണ്ണി ടിക്കെറ്റും എടുത്തു നാട്ടില്‍ പോകുക!!അവിടെ നമ്മുടെ ഭാഗ്യത്തിന് (നിര്‍ഭാഗ്യത്തിനോ)വോട്ടര്‍ ലിസ്റ്റില്‍ പേര് ഉണ്ടെങ്കില്‍ വോട്ട് ചെയ്യാം എന്നാണു പറയുന്നത്..റേഷന്‍ കാര്‍ഡില്‍ നിന്ന് പോലും പ്രവാസിയെ ഒഴിവാക്കുന്ന ഈ കാലത്ത് എങ്ങനെ വോട്ടര്‍ ലിസ്റ്റില്‍ പേര് ഉണ്ടാകാനാ എന്‍റെ പ്രവാസീ..അപ്പൊ അത് ഇത്ര നാളും ചെയ്തിരുന്നത് തന്നെ അല്ലെ ?ഇതില്‍ എന്താണ് പുതിയതായി ഉള്ളത്?ഇതിനെയാണ് മുന്നും പിന്നും നോക്കാതെ ആഖോഷിച്ച്ചത് എന്‍റെ പ്രവാസീ..

ഇനി ഇപ്പൊ ഇതാ വീണ്ടും ഒരു ബില്ലും കൂടി വരുന്നു..NRI DTC BILL ഇത് എന്താണ് എന്നല്ലേ..കൊല്ലത്തില്‍ 182 ദിവസം വരെ നാട്ടില്‍ നിന്നാലും NRI ആയി കണക്കാക്കിയിരുന്ന പ്രവാസികളെ 61 ദിവസം നിന്നാല്‍ പ്രവാസികള്‍ അല്ലാതാക്കുന്ന ബില്ല് ,ഇത് വരെ നികുതി നല്‍കാതിരുന്ന പ്രവാസി ഇനി അതും കൊടുക്കണം എന്ന് സാരം. പ്രവാസ ലോകത്ത് പണിയെടുത്തു കിട്ടുന്ന തുച്ചം വരുമാനക്കാര്‍ക്ക് എണ്ണി ചുട്ട അപ്പം പോലെ കിട്ടുന്ന അവധിക്കാലം ഇനി സ്വസ്ഥമായി ആഖോഷിക്കാന്‍ കഴിയില്ല എന്ന് സാരം.നിങ്ങള്‍ അവധിക്കു വരരുത്,!! അഥവാ വന്നാല്‍ തന്നെ പെട്ടെന്ന് തിരിച്ചു പോകണം ,പോയി കിട്ടുന്ന കാശ് അയച്ചു താ എന്നാണു ഇപ്പൊ സര്‍ക്കാരും പറയുന്നത്.(സ്വന്തം വീട്ടുകാര്‍ അങ്ങനെ പറയാന്‍ ആഗ്രഹിച്ചു,നേരിട്ട് പറയാറില്ലെങ്കിലും)ഇനി മരിച്ചു ശവമായി നാലാം നാള്‍ നാട്ടില്‍ വന്നാല്‍ മതി എന്ന് ,സ്വന്തം എന്ന് കരുതിയ സര്‍ക്കാര്‍ അത് പറഞ്ഞു കളഞ്ഞു .!!

ചില പ്രവാസി സുഹുര്‍ത്തുക്കള്‍ മുതലാളിമാരോട് കരഞ്ഞു പിടിച്ചിട്ടാണ് ലീവ് നീട്ടികിട്ടിക്കുന്നത് .ഇനി അങ്ങനെ വേണ്ട എന്തെ?സാമ്പത്തിക മാന്ദ്യം മൂലം അവധി നാല് മാസം തന്നാല്‍ അയ്യോ മുതലാളീ ചതിക്കല്ലേ കൂടിയാല്‍ രണ്ട് മാസം മതി എന്നാക്കാം അല്ലെ? ചില കമ്പനികള്‍ മാന്ദ്യം മൂലം കുറച്ചു മാസങ്ങള്‍ അവധി എടുത്തോളാന്‍ ജോലിക്കാരോട് പറയും ,അവര്‍ കിട്ടാത്ത ശമ്പളവും കാത്തു കടത്തിന്‍ മേല്‍ കടം കേറി നാട്ടില്‍ നില്‍ക്കുമ്പോളാണ് ,ഇടിത്തീ പോലെ ഇത്രനാളും അയച്ച കാശിന്റെ നികുതിയും ചോദിച്ചോണ്ട് ആള് വരുന്നത് എന്താ ചെയ്ക എന്‍റെ പ്രവാസീ..അതാണ്‌ പറഞ്ഞത് ഒരു കയറ്റത്തിന് ഒരു ഇറക്കം എന്ന്..ഈ ഒരിക്കലും നടക്കാത്ത പ്രവാസി വോട്ടും ആയി വന്നു പ്രവാസികളെ മോഹിപ്പിച്ചിട്ട് ഇപ്പോള്‍ പിഴിയാന്‍ നോക്കുന്നു ,ഇനി തുടങ്ങിക്കോളൂ ആഖോഷിച്ചവര്‍ ഇനി എതിര്‍ത്തു തുടങ്ങിക്കോളൂ. ഒരു നക്കാപ്പിച്ച വോട്ടും കാട്ടി സമ്മേളനങ്ങള്‍ നടത്തിയവര്‍ ഇനി നികുതിക്കെതിരെ സല്‍ക്കാര സമ്മേളനങ്ങള്‍ കൂടി നടത്തിക്കോളൂ. ഇനിയും അന്ധമായി സര്‍ക്കാരുകളെ വിശ്വസിക്കല്ലേ എന്‍റെ പ്രവാസീ..പണ്ട് നമ്മുടെ വലിയപ്പാന്റെ കൂട്ടര്‍ ഉരുവില്‍ കടല്‍ കടന്നു വന്നപ്പോള്‍ മുതല്‍ കേള്‍ക്കാന്‍ തുടങ്ങിയ സര്‍ക്കാരുകളുടെ വാഗ്ദാനപ്പെരുമഴകള്‍ ,ഇന്നും ഈ ഇലക്ട്രോണിക് യുഗത്തിലും അതേപോലെ തുടരുന്നു എന്തെ ,

വാല്‍ : ഏതു സര്‍ക്കാര്‍ വന്നാലും ആര് ഭരിച്ചാലും "പ്രവാസിക്ക് യാത്ര എയര്‍ ഇന്ത്യ എക്സ്പ്രെസ്സില്‍ തന്നെ".

കൊച്ചിയിലെ മഴയില്‍ ശ്രീശാന്തിനും പങ്ക്..!!!!!

2010-10-17T04:06:00.000-07:00

കൊച്ചിയിലെ ഇന്ത്യയും ഓസ്ട്രേലിയയും തമ്മില്‍ നടക്കേണ്ടിയിരുന്ന ഏകദിന മത്സരം മഴ മൂലം ഉപേക്ഷിച്ചിരിക്കുന്നു ...ഈ മഴയ്ക്ക് പിന്നില്‍ ശ്രീശാന്തും എസ് കെ നായരും ആണ് എന്ന് ശ്രീമാന്‍ ടി സി മാത്യു ആരോപണം ഉന്നയിച്ചു കഴിഞ്ഞു..കല്യാണ വീട്ടില്‍ എത്തിയാല്‍ മണവാട്ടി ആകാനും,മരണ വീട്ടില്‍ എത്തിയാല്‍ ശവം ആകാനും ശ്രമിക്കുന്നവര്‍ ആണ് തന്നെക്കുരിച്ച്ചു വേണ്ടാതീനം പറയുന്നത് എന്നാണു ടി സി മാത്യു പറയുന്നത്.അദ്ദേഹം പറഞ്ഞത് കൊച്ചിയിലെ ഈ മത്സരം നടക്കാതിരിക്കാന്‍ വലിയ ചരടു വലികള്‍ നടന്നിരുന്നു എന്നും ,ഇതില്‍ കെ സി യോട് തെറ്റിപ്പിരിഞ്ഞു കൊച്ചിയിലെ മത്സരത്തില്‍ നിന്നും ഒഴിവാക്കപ്പെട്ട ശ്രീക്ക് പങ്കുണ്ട് എന്നും ആണ് ധ്വനി.

ഈ മത്സരം നടക്കുന്നത് എങ്ങനെ ശ്രീ സഹിക്കും?കൊച്ചിക്കാരുടെ കണ്ണിലുണ്ണി?മലയാളിയെ തെറി പറഞ്ഞ സര്‍ദാരിനെ തന്തക്കു വിളിച്ചവന്‍ (ചെക്കിട്ടത്തു സര്‍ദാര്‍ രണ്ട് പൊട്ടിച്ചെങ്കിലും) ,ശ്രീ ലങ്കയുമായുള്ള മത്സരത്തില്‍ അവസാന രണ്ട് ബാട്സ്മന്മാരെ(?) പുറത്താക്കിയതിനു നടത്തിയ ബാന്‍ഗ്ലൂര്‍ പാര്‍ട്ടിയില്‍ അടിച്ചു പൂക്കുറ്റി ആയി സഹ താമസക്കാരെ തെറി പറഞ്ഞതിന് ശിക്ഷ വാങ്ങിയ ശ്രീ,അവസാനം തന്നെ ടീമില്‍ എത്താന്‍ സഹായിച്ച തല തൊട്ടപ്പന്മാരായ കെ സി എ യെ സധൈര്യം തെറി പറഞ്ഞു നടക്കുന്ന ,മലയാളികളുടെ സ്വന്തം ശ്രീ (ആ ശ്രീ) ഇങ്ങനെയുള്ള ശ്രീയെ ഒഴിവാക്കി കൊച്ചിയില്‍ മത്സരം നടത്തുമ്പോള്‍ സ്വാഭാവികമായും,പൊതുവേ "അഹങ്കാരി" എന്ന് പേരുള്ള കൊച്ചിയുടെ "താരത്തിനു" ഈ മത്സരം നടക്കാതിരിക്കട്ടെ എന്ന് പ്രാര്‍ഥിക്കാന്‍ സ്വതവേ മറ്റുള്ളവരുടെ കണ്ണീരു കാണാന്‍ പ്രാര്‍ത്ഥിക്കുന്ന മലയാളിയെപ്പോലെ അവകാശം ഇല്ലേ?

അല്ല യഥാര്‍ഥത്തില്‍ ആരാണ് മത്സരം ഉപേക്ഷിച്ചതിന്റെ ഉത്തരവാദി?കോരിച്ചൊരിയുന്ന തുലാം മഴയത്ത് കൊച്ചിയില്‍ കളി നടത്താന്‍ അനുമതി തേടിയ കെ സി യെയോ?അതോ മത്സരം ഉപേക്ഷിച്ച അനൌന്‍സ്മെന്റ് വന്നപ്പോള്‍ ടി സി മാത്യുവിനെ കണ്ണ് ഇറുക്കി കാണിച്ച ശ്രീശാന്തോ?ഇവിടെ തുഴച്ചില്‍ മത്സരം ആണോ ,ക്രിക്കെറ്റ് ആണോ നടക്കുന്നത് എന്ന് ചോദിച്ച നായരോ?അതോ ഇതിന്റെ പിറകെ പായുന്ന പിന്നിലെ കളികള്‍ അറിയാത്ത പാവം പൊതു ജനമോ?..

ഒന്ന് വെച്ചാല്‍ രണ്ട് പത്തു വെച്ചാല്‍ നൂറ് വെയ് രാജാ വെയ് ...

2010-10-10T10:06:00.000-07:00

   സാക്ഷരതയില്‍ ഇന്ത്യയില്‍ ഒന്നാമത് ആണ് ഈ കേരളം എന്നാണു ഈ മലയാളികളുടെ വെയ്പ്പ് ,എഴുത്തിലും വായനയിലും ഈ മലയാളികള്‍ മുന്നിട്ടു നില്‍ക്കുന്നു എങ്കില്‍ അതിനേക്കാള്‍ ഏറെ ,ഒരുപക്ഷെ ഇന്ത്യയിലെ എന്നല്ല ലോകത്തിലെ തന്നെ ഒന്നാമത് ആക്കാവുന്ന ഒരു കാര്യം ഉണ്ട് ഈ മലയാളികള്‍ക്ക് ഏതാണ് എന്നല്ലേ അത്യാഗ്രഹം ...

   പണ്ട് മുതലേ നാട്ടിന്‍ പുറത്തും മറ്റും ഉല്‍ത്സവങ്ങളിലും മറ്റു കലാ കായിക പരിപാടികളിലും എല്ലാ വിഭാഗത്തിനും ഒഴിവാക്കാന്‍ പറ്റാത്ത ഒരു വിനോദം ആണ് "പകിട കളി " "കിലുക്കി കുത്ത്" എന്നീ പേരില്‍ അറിയപ്പെടുന്ന ഒരു തട്ടിപ്പ് പരിപാടി . ഒരു വട്ടപ്പലകയില്‍ കുറെ അക്കങ്ങള്‍ വരി വരിയായി ഇട്ടു വെച്ച പലകയില്‍ കളിക്കുന്ന ആള്‍കാര്‍ ഒരു നമ്പരില്‍ കറക്കി കുത്തുക ,ഒരാള്‍ പത്തു രൂപ വെച്ചാല്‍ അയാള്‍ക്ക് നൂറ് കിട്ടും എന്നാണു കളിപ്പിക്കുന്ന ആള്‍ക്കാര്‍ പറയുക.പല്ല് പോയ കിളവന്മാര്‍ മുതല്‍ കുട്ടികള്‍ വരെ ഇതിന്റെ മുമ്പിലാണ് ഇരിപ്പ്.ഇതിന്റെ മറുവശം എന്താണെന്നാല്‍ കളിപ്പിക്കുന്ന ആള്‍ക്കാരുടെ ശിങ്കിടികള്‍ക്ക്‌ മാത്രമാണ് ഇത് ലഭിക്കുക .ഇത് കാണുന്ന അത്യാഗ്രഹികളായ ആള്‍ക്കാര്‍ കറക്കി കുത്തുകയും പണം നഷ്ട്ടപ്പെടുകയും ചെയ്യും..ഇത് കമ്പ്യൂട്ടര്‍ യുഗം വരുന്നതിനു മുമ്പത്തെ തട്ടിപ്പ് ഇത് ഇപ്പോഴും നടക്കുന്നുണ്ട് കേട്ടോ..

   കുറച്ചു വര്‍ഷങ്ങള്‍ മുമ്പ് എല്ലാ പത്ര മാധ്യമങ്ങളിലും പരസ്യങ്ങള്‍ വഴി പ്രചാരം നേടിയ വലിയൊരു തട്ടിപ്പ് പരിപാടിയും നടന്നു .ആട് ,തേക്ക് ,മാഞ്ചിയം ,പരസ്യത്തില്‍ പറഞ്ഞ പോലെ ആണെങ്കില്‍ നാം ഒന്നും അറിയേണ്ട സിമ്പിള്‍ പരിപാടി ,ചിലര്‍ക്ക് ആട് ഫാം തുടങ്ങാനും,തേക്ക് മാഞ്ചിയം തൈകള്‍ നാട്ടു പിടിപ്പിക്കാനും കാശ് കൊടുക്കണം,അവര്‍ അതിനെ ,തീറ്റ കൊടുത്തും ,വെള്ളം നനച്ചും വളര്‍ത്തിക്കോളും ,വലുതാകുന്നതിനു അനുസരിച്ച് നമുക്ക് കാശും കിട്ടും ,നമ്മള്‍ കാശും കൊടുത്ത് വെറുതെ സ്വപ്നം കണ്ടാല്‍ മതി ഒരു പണിയും വേണ്ട!!എന്തൊരു നല്ല ബുദ്ദി അല്ലെ?ഇതില്‍ കുറെ അത്യാഗ്രഹികള്‍ ഉള്ളതെല്ലാം വിറ്റു നിക്ഷേപിച്ചു ,മരങ്ങള്‍ വലുതാകുന്നതും,ആട് പെറ്റു പെരുകുന്നതും നോക്കി നിന്ന്,അവസാനം ആട് പോയിടത്ത് ഒരു പൂട പോലും കാണാന്‍ കിട്ടിയില്ല എന്തു ചെയ്യാന്‍ ?

   പിന്നെയും ഈ അടുത്ത കാലത്ത് നാം എല്ലാവരും കേട്ട ഏറ്റവും വലിയയ തട്ടിപ്പ് പരിപാടിയാണ് "ടോട്ടല്‍ ഫോര്‍ യു" ലോകത്തില്‍ ഒരിടത്തും കിട്ടാത്ത പലിശ വാഗ്ദാനം ചെയ്തു തട്ടിപ്പ്, മലയാളിയുടെ അത്യാഗ്രഹത്തിനെ എങ്ങനെ ചൂഷണം ചെയ്യാം എന്ന് ഒരു കുട്ടി നാഥിന്റെ ബുദ്ദിയില്‍ ഉദിച്ച കുതന്ത്രം .ബാങ്കിലും മറ്റും ഉണ്ടായിരുന്ന കാശുകള്‍ എടുത്തു "ടോട്ടല്‍ ഫോര്‍ യു"വില്‍ നിക്ഷേപിച്ച പലര്‍ക്കും നേരാം വണ്ണം കിട്ടിക്കൊണ്ടിരുന്നത് മാത്രം അല്ല ഉണ്ടായിരുന്ന കാശും സ്വാഹ.ഈ ശബരി നാഥ് ജാമ്യത്തില്‍ മുങ്ങി വീണ്ടും ഇത് പോലുള്ള തട്ടിപ്പുമായി വന്നിരുന്നു ‘മോളിക്യൂള്‍ എന്ന പേരിട്ട ഇതില്‍ നാല് ലക്ഷം കൊടുത്താല്‍ 12 ലക്ഷം ആക്കി തിരിച്ചു തരും എന്ന് പറഞ്ഞു, വീണ്ടും അത്യാഗ്രഹികള്‍ ഇതില്‍ പണം മുടക്കി എന്നാണു കേള്‍ക്കുന്നത്. ഇപ്പോള്‍ കോടതി അറസ്റ്റ് വാറണ്ട് പുറപ്പെടുവിച്ചിട്ടും ശബരിയെ പിടിക്കാനാവാത്തത് പൊലീസിന്റെ കഴിവുകേടും ശബരിയുടെ ഉന്നതങ്ങളിലുള്ള ബന്ധവും കാരണം അല്ലെ എന്ന് സംശയിച്ചാല്‍ ഈ മലയാളികളെ കുറ്റം പറയാന്‍ പറ്റുമോ?

   ഇനിയും ഉണ്ട് കുറെ എണ്ണം "ലിസ്" എന്ന പേരില്‍ ലോട്ടറി എടുത്തു കൊടുക്കുന്ന തട്ടിപ്പ് പരിപാടി ,അത് നിരോധിച്ചെങ്കിലും വീണ്ടും പല പേരുകളില്‍ ഇപ്പോഴും നടക്കുന്നു , ഇതിനെല്ലാം ചുക്കാന്‍ പിടിക്കുന്ന അധികാരികളും,.ഉള്ളപ്പോള്‍ എങ്ങനെ നാട് നന്നാവാനാണ്? ഈ മലയാളികളുടെ അത്യാഗ്രഹം തീരാത്തിടത്തോളം കാലം ഇത് പോലെ കുറെ തട്ടിപ്പ് പരിപാടികള്‍ വന്നു കൊണ്ടേ ഇരിക്കും .അതില്‍ നിക്ഷേപിച്ചു എല്ലാം നഷ്ട്ടപെടുന്നതിനു മുമ്പേ ആലോചിക്കുക,"വെയ് രാജ വെയ് ,ഒന്ന് വെച്ചാല്‍ രണ്ട് ,പത്ത്‌ വെച്ചാല്‍ നൂറ് വെയ് രാജ വെയ് " ഇത് വെറും തട്ടിപ്പാണ് എന്ന് ഓര്‍മിക്കുക ,അത്യാഗ്രഹം ആപത്താണ് എന്ന്....

പര്‍ദ്ദ വിവാദ നായിക റിയാനക്ക് എതിരെ വഞ്ചനാ കുറ്റത്തിന് കേസ്..

2010-10-05T08:26:00.000-07:00

പര്‍ദ്ദ വിവാദ നായികയായ കാസര്‍കോട് വിദ്യാനഗറിലെ റിയാന. ആര്‍. ഖാസിക്കെതിരെ വഞ്ചനാ കുറ്റത്തിന് കേസ്സെടുക്കാന്‍ ജുഡീഷ്യല്‍ ഫസ്റ്റ്ക്ലാസ് മജിസ്ട്രേറ്റ് കോടതി കാസര്‍കോട് ടൗണ്‍ പോലീസിന് നിര്‍ദ്ദേശം നല്‍കി. ഉഡുപ്പി ദേവന്‍ പോറ്റി ധന്യന്തരി മെഡിക്കല്‍ കോളേജ് ജനറല്‍ മാനേജര്‍ സി രാഹുല്‍ റാമിന്റെ പരാതിയിലാണ് കേസെടുക്കാന്‍ കോടതി ഉത്തരവിട്ടത്.

റിയാന നടത്തുന്ന റിയ എഡ്യുക്കേഷണല്‍ കണ്‍സള്‍ട്ടന്‍സി എന്ന സ്ഥാപനം മുഖേന 2010 ജൂണ്‍ 15ന് മുമ്പ് 40 കുട്ടികളെ പഠനത്തിനെത്തിക്കാമെന്ന് പറഞ്ഞ് പണം വാങ്ങി വഞ്ചിച്ചുവെന്നതിനാണ് റിയാനയ്ക്കെതിരെ കേസെടുക്കാന്‍ കോടതി നിര്‍ദ്ദേശിച്ചത്. ഒരു കുട്ടിക്ക് 35,000 രൂപ കണക്കാക്കി കണ്‍സള്‍ട്ടന്‍സി ഫീസ് നിശ്ചയിച്ച് കോളേജ് അധികൃതര്‍ എസ്.ബി.ഐ ബാങ്കിന്റെ 1,14000 രൂപയ്ക്കുള്ള ഡി.ഡി റിയാനയ്ക്ക് നല്‍കിയിരുന്നു.

രേഖകളില്ലാതെ കുറേ പണം വേറെയും റിയാന വാങ്ങിയിട്ടുണ്ടെന്ന് നഴ്സിംഗ് കോളേജ് ജനറല്‍ മാനേജരുടെ പരാതിയില്‍ പറയുന്നു. ഇഷ്ട വസ്ത്രം ധരിക്കാന്‍ അനുവദിക്കാതെ പര്‍ദ്ദ ധരിക്കാന്‍ ചിലര്‍ ഭീഷണിപ്പെടുത്തുന്നുവെന്നാരോപിച്ച് റിയാന നേരത്തെ ഹൈക്കോടതിയില്‍ പരാതി നല്‍കിയതിന്റെ പേരില്‍ റിയാനയ്ക്ക് പോലീസ് സംരക്ഷനം നല്‍കാന്‍ ഹൈക്കോടതി ഉത്തരവിട്ടിരുന്നു. ഈ സംഭവത്തിലൂടെ മാധ്യമങ്ങളില്‍ നിറഞ്ഞ് നിന്ന റിയാനയ്ക്ക് പിന്തുണയുമായി ചില സംഘടനകളും രാഷ്ട്രീയ പാര്‍ട്ടികളും രംഗത്ത് വന്നതോടേ വിഷയം സംസ്ഥാന തലത്തില്‍ ചര്‍ച്ചയായിരുന്നു. ഇതിനിടെയാണ് റിയാനയ്ക്കെതിരെ വഞ്ചനാകുറ്റത്തിന് കേസെടുക്കാന്‍ കോടതി ഉത്തരവിട്ടിരിക്കുന്നത്.ഏതായാലും വാളെടുത്തവന്‍ വാളാലേ എന്ന ചൊല്ല് അന്വര്‍ഥമാക്കി .എന്നാലും ഇത്ര പെട്ടെന്ന് തന്നെ ഇങ്ങനെ വരും എന്ന് റിയാന സ്വപ്നത്തില്‍ പോലും വിചാരിച്ചിട്ടുണ്ടാവില്ല .കോഴിക്കോട് പിടിയിലായ ആല്‍ബം നിര്‍മാതാവും സംവിധായകനുമായും റിഹനക്ക് ബന്ധം ഉണ്ട് എന്ന് പരാതി ഉണ്ടായെങ്കിലും താല്‍പര കക്ഷികള്‍ അത് ഒതുക്കി തീര്‍ത്തു എന്നാണു കേള്‍ക്കുന്നത്.

പി റ്റി ഉഷയ്ക്ക് സ്വന്തം വീട്ടില്‍ പോകാന്‍ ആരെങ്കിലും ക്ഷണിക്കണോ?..

2010-10-03T01:11:00.000-07:00

അല്ല ഈ പി റ്റി ഉഷയുടെ കാര്യമാണ് കേട്ടോ ..ഉഷയെ അറിയില്ലേ നമ്മുടെ "പയ്യോളി എക്സ്പ്രെസ്സ് "അതും അല്ലെങ്കില്‍ സെക്കെന്റിന്റെ നൂറില്‍ ഒരംശം വ്യത്യാസത്തിനു ഒളിമ്പിക് മെഡല്‍ നഷ്ട്ടപ്പെട്ടത്തിന്റെ പേരില്‍ ഇന്ത്യയിലെ അഭിമാന(?) താരമായ പി റ്റി ഉഷ .ഇന്ത്യയ്ക്ക് വേണ്ടി കുറെയധികം മെഡലുകള്‍ പി റ്റി ഉഷ നേടിയിട്ടുണ്ട് കേട്ടോ .അങ്ങനെയുള്ള ഉഷ ചേച്ചിയെ യാണ് .അവന്മാര്‍ വിട്ടു കളഞ്ഞത് ,ആ കോമ്മണ്‍ വെല്‍ത്ത് ഗൈംസ് നടത്തിപ്പുകാര്‍ ..അവര്‍ ഉഷേച്ചിയെ ക്ഷണിച്ചില്ല പോലും..

ഏഴു വര്‍ഷത്തെ തയ്യാറെടുപ്പ് നടത്തിയിട്ടാണ് ഈ ഗൈംസ് ഇങ്ങനെയെങ്കിലും ആക്കിയത്.ഉഷേച്ചിയെ എങ്ങനെ വിളിക്കും ?നടപ്പാലം വീഴുന്നു,മേല്‍ക്കൂര വീഴുന്നു,മുറിയില്‍ ആണെങ്കില്‍ പാമ്പും തേളും , ഇതെല്ലാം പട്ടാളത്തെയും മറ്റും വിളിച്ചു ഒന്ന് നന്നാക്കി വരുമ്പോഴേക്കും ഗൈംസ് എത്തിക്കഴിഞ്ഞു .ഇതിനിടയില്‍ ആരെയൊക്കെ വിളിക്കാനാ? ഏതായാലും പി ടി ഉഷ ചെയ്തത് നന്നായില്ല .ഇത് എന്തിന്റെ കേടാണ് ?ഇന്ത്യയ്ക്ക് വേണ്ടി അല്ലെ ഇയ്യാള്‍ ഇത്രയും ഓടിക്കിതച്ചു മെഡലുകള്‍ വാങ്ങിയത്?എങ്ങനെയെങ്കിലും ഓടിക്കിതച്ചു ഒരു ഒളിമ്പിക് മെഡല്‍ വാങ്ങാനുള്ള മോഹം നൂറില്‍ ഓരംഷത്തില്‍ പോയെങ്കിലും?അങ്ങനെയുള്ള ഉഷ നമ്മുടെ സ്വന്തം രാജ്യമായ ഇന്ത്യ ആഥിത്യം അരുളുന്ന ഗൈമ്സിന്റെ മുന്‍ നിരയില്‍ ഉണ്ടാകേണ്ടതല്ലേ?അതിനു ഈ കല്മാടിയോ മറ്റോ ക്ഷണിക്കണോ ?അവിടെ പോയാല്‍ ആരെങ്കിലും ഉഷേച്ചിയോടു ചോദിക്കുമോ വിളിച്ചിട്ടാണോ വന്നത് എന്ന്?

ദേശീയ ഗൈമ്സിലും ഉഷ ചേച്ചിക്ക് പരാതി ആയിരുന്നു .ചെന്നപ്പോള്‍ സ്വീകരിച്ചാനയിക്കാന്‍ ആളില്ലായിരുന്നു,വണ്ടി ഇല്ലായിരുന്നു ,എന്നൊക്കെ പറഞ്ഞു .ഇനിയെങ്കിലും ചേച്ചി നമ്മുടെ ഈ നാട്ടില്‍ നടക്കുന്ന ഗൈംസ് പോലെയുള്ള പരിപാടികളില്‍ ആര് വിളിച്ചില്ലെങ്കിലും പോയി സഹകരിക്കുക എന്നതല്ലേ പി റ്റി ഉഷയെ പോലെയുള്ള ആള്‍ക്കാര്‍ ചെയ്യേണ്ടത്?പി റ്റി ഉഷയെപോലെയുള്ള ജനങ്ങള്‍ക്ക്‌ മാതൃക ആകേണ്ട ആള്‍ക്കാര്‍ ഇങ്ങനെയുള്ള നിസ്സാര കാര്യങ്ങള്‍ക്ക് വിവാദം ഉണ്ടാക്കി ജന മനസ്സുകളിലെ അവരുടെ ചിത്രം മായ്ച്ചു കളയരുത് അല്ലെ? ഏതായാലും ഉഷേച്ചീ സ്വന്തം വീട്ടില്‍ ആരെയെങ്കിലും ഉണ്ണാന്‍ ക്ഷണിക്കണോ?

പ്രിയപ്പെട്ട പി റ്റി ഉഷ ചേച്ചീ ഇതൊരു ഇന്ത്യന്‍ പൌരന്റെ ക്ഷണമായി കണ്ടു ,നമ്മുടെ ഇന്ത്യയില്‍ നടക്കുന്ന കോമണ്‍ വെല്‍ത്ത് ഗൈമ്സില്‍ പങ്കെടുത്തു നമ്മുടെ താരങ്ങള്‍ക്ക് മെഡല്‍ നേടാനുള്ള ഒരു പ്രചോദനമായി നില്‍ക്കണം എന്ന് അഭ്യര്‍ത്ഥിക്കുന്നു ...

ഹിന്ദുക്കള്‍ പുതുക്കി നിര്‍മിച്ച പള്ളി ..!!!!!

2010-10-01T13:26:00.000-07:00

അയോധ്യാ കേസിലെ കോടതിവിധി രാജ്യത്തെ ജനങ്ങള്‍ സംയമനത്തോടെയും പക്വതയോടെയും സ്വീകരിച്ച ദിനത്തില്‍തന്നെ കര്‍ണാടകയില്‍നിന്നു മതസാഹോദര്യം വിളിച്ചോതുന്ന ഈ സംഭവമുണ്ടായത്. വടക്കന്‍ കര്‍ണാടകയിലെ ഗഡാഗ് ജില്ലയില്‍പ്പെട്ട പുര്‍താഗെരി ഗ്രാമത്തിലാണ് ഗ്രാമീണര്‍ സൗഹാര്‍ദത്തിന്റെ പുതിയ പാത തുറന്നത്.

ഇവിടെനിന്ന കാലപ്പഴക്കം ചെന്ന മസ്ജിദ്് കഴിഞ്ഞ ഒക്ടോബര്‍ മുതല്‍ അപകടാവസ്ഥയിലായിരുന്നു. കഴിഞ്ഞവര്‍ഷമുണ്ടായ കനത്ത മഴയില്‍ മോസ്‌കിന്റെ മേല്‍ക്കൂരയില്‍ ചോര്‍ച്ചയുണ്ടാകുകയും ഒരുഭാഗം തകര്‍ന്നു വീഴുകയും ചെയ്തു.

ഗ്രാമത്തില്‍ 150 വീടുകള്‍ ഉള്ളതില്‍ പത്തു കുടുംബങ്ങള്‍ മാത്രമാണ് മുസ്‌ലിം വിഭാഗത്തില്‍പ്പെട്ടവര്‍. ഗ്രാമവാസികളെല്ലാവരും കൂലിത്തൊഴിലാളികളുമാണ്. അതിനാല്‍ത്തന്നെ മസ്ജിദ് നിര്‍മിക്കാനുള്ള സാമ്പത്തികഭാരം ഇവര്‍ക്കു താങ്ങാവുന്നതിലുമപ്പുറമായിരുന്നു.

വിവരമറിഞ്ഞ തൊട്ടടുത്ത ഗജേന്ദ്രഗാദാ ഗ്രാമത്തിലെ ഹൈന്ദവര്‍ ഒരു ലക്ഷം രൂപയോളം പിരിവെടുത്തു നല്‍കുകയും കെട്ടിടനിര്‍മാണത്തിനാവശ്യമായ സാമഗ്രികള്‍ സംഭാവന ചെയ്യുകയുമായിരുന്നു. പണം നല്‍കാന്‍ നിവൃത്തിയില്ലാത്ത ചില ഹൈന്ദവര്‍ മസ്ജിദിന്റെ ആശാരിപ്പണിയെടുത്തും മറ്റു ജോലികള്‍ ചെയ്തും സംരംഭത്തില്‍ പങ്കാളികളായി. വരുന്ന ഡിസംബറില്‍ പുതിയമസ്ജിദിന്റെ നിര്‍മാണം പൂര്‍ത്തിയാക്കാനുള്ള തീരുമാനത്തിലാണ് ഗ്രാമവാസികള്‍. സാധിക്കുമെങ്കില്‍ അയോധ്യയിലെ ബാബ്‌റി മസ്ജിദ് തകര്‍ക്കപ്പെട്ടതിന്റെ വാര്‍ഷികദിനമായ ഡിസംബര്‍ ആറിനുതന്നെ മസ്ജിദ് ഉദ്ഘാടനം ചെയ്യാനും നാട്ടുകാര്‍ ആലോചിക്കുന്നു.

ഏതായാലും വളരെ നല്ല വാര്‍ത്തകളാണ് സമാധാനം കാംക്ഷിക്കുന്ന ഇന്നത്തെ ഇന്ത്യയിലെ മതേതര സമൂഹത്തിനു ലഭിച്ചു കൊണ്ടിരിക്കുന്നത് .ഇനിയും ഇങ്ങനെ തന്നെ തുടര്‍ന്ന് പോകട്ടെ എന്ന് നമുക്ക് പ്രാര്‍ഥിക്കാം അതിനു വേണ്ടി ആത്മാര്‍ഥമായി പരിശ്രമിക്കാം..

ജഡ്ജിമാര്‍ മൂന്ന്...ഭാഗം മൂന്ന്‌..

2010-09-30T07:33:00.000-07:00

അയോധ്യ വിധി വന്നൂ ...എത്ര കാലം കാത്തിരുന്നാണ് ഈ വിധി വന്നത്....ഇനി സുപ്രീം കോടതിയില്‍ കാണാം എന്നാണു ബാബറി ആക്ഷന്‍ കമ്മിറ്റി പറയുന്നത് ...അതേതായാലും നന്നായി ഇനി നമ്മുടെയൊക്കെ കാലം കഴിഞ്ഞേ വേറൊരു വിധി വരൂ ...(ഇനി ഒരു 100 കൊല്ലം കൂടി കഴിഞ്ഞായിരിക്കും അല്ലെ?) അതല്ല ഞാന്‍ ആലോചിക്കുന്നത് മൂന്ന്‌ ജഡ്ജിമാര്‍ മൂന്നായി ഭാഗിക്കാന്‍ പറഞ്ഞു ...അപ്പോള്‍ ജഡ്ജിമാര്‍ കൂടുതല്‍ ഉണ്ടായിരുന്നെങ്കില്‍ കൂടുതല്‍ കഷണങ്ങള്‍ ആക്കുമായിരിക്കും ഒരാള്‍ക്ക്‌ ഒന്ന് എന്ന കണക്കില്‍ ..തമ്മില്‍ തെറ്റിച്ചു കഷണങ്ങളാക്കി മുറിക്കാന്‍ ഇവന്മാര്‍ പണ്ടേ ഉഷാറാണ് അല്ലെ?.

സര്‍ക്കാര്‍ ഓഫിസിലെ "ദൈവങ്ങള്‍ "

2010-09-26T03:14:00.000-07:00

ഇന്ത്യ ഒരു മതേതര ജനാധിപത്യ രാജ്യം ആണ് എന്നാണല്ലോ വെപ്പ്...ഇന്ത്യയിലെ എല്ലാ മത വിഭാഗങ്ങള്‍ക്കും ,മതത്തെ അനുസരിക്കാത്ത യുക്തിവാദം പറയുന്ന ആള്‍ക്കാര്‍ക്കും തങ്ങളുടെ അഭീഷ്ട്ടം അനുസരിച്ച് ജീവിക്കാനുള്ള അവകാശം ഉണ്ട് എന്നാണു ഇന്ത്യന്‍ ഭരണ ഘടനയും പറയുന്നത് .ഈ ഭരണ ഘടന നടപ്പിലാക്കാന്‍ ചുമതലയുള്ള ആള്‍ക്കാര്‍ തന്നെ അതിനു വിപരീതം പ്രവര്‍ത്തിക്കുന്ന കാഴ്ചകളാണ് നമുക്ക് ചുറ്റും ഇപ്പോള്‍ കാണുന്നത്

കാര്യം അവസാനമായി കേരളത്തിലെ തുടര്‍ വിദ്യാഭ്യാസ ഡയറക്ടര്‍ മോഹന്‍ അബ്രഹാം ഇപ്പോള്‍ തന്‍റെ ഓഫീസില്‍ ശത്രു സംഹാര പൂജ "രാത്രി പൂജ" ചെയ്തതിന്റെ പേരില്‍ അന്വേഷണം നേരിടുന്നു..ഇന്ത്യയിലെ മതേതരത്വം കാറ്റില്‍ പരത്തുന്ന പല ഏര്‍പ്പാടുകളും പല സര്‍ക്കാര്‍ സ്ഥാപനങ്ങളിലും പോയാല്‍ നമുക്ക് കാണാവുന്നതാണ്.പോലീസ് സ്റ്റഷനില്‍ ആയാലും പോലും അവിടത്തെ ഉദ്യോഗസ്ഥന്മാര്‍ മുസ്ലീം ആയാല്‍ പള്ളിയുടെ പടമോ,ഹിന്ദു ആയാല്‍ ഏതെങ്കിലും അവര്‍ ആരാധിക്കുന്നവരുടെ പടമോ ,ക്രിസ്ത്യാനി ആയാല്‍ ക്രിസ്തുവിന്റെയോ കുരിശിന്റെയോ പടങ്ങള്‍ പൂമാലയും കൂടെ കത്തുന്ന ഒരു വിളക്കും ചാര്‍ത്തി നമ്മെ സ്വാഗതം ചെയ്യുന്നതായി കാണാം.

നമ്മള്‍ ഒരു കെ എസ് ആര്‍ ടി സി ബസ്സില്‍ കയറിയാല്‍ പോലും അതിന്‍റെ അകത്തളങ്ങളില്‍ കുറെ പടങ്ങള്‍ മത ജാതീയ ചിന്ത വളര്‍ത്തുന്ന പടങ്ങള്‍ ചില്ലിട്ടു വെച്ചിരിക്കുന്നത് കാണാം .ഇത് കണ്ടാല്‍ തോന്നുക സര്‍ക്കാര്‍ വാഹനങ്ങളും ,സ്ഥാപനങ്ങളും അവ ഭരിക്കുന്ന ഉദ്യോഗസ്ഥന്മാരുടെ അന്ധമായ വിശ്വാസങ്ങള്‍ പ്രതി ഫലിപ്പിക്കാനുള്ള ഇടങ്ങള്‍ ആയി മാറിയിട്ടുണ്ട് എന്നാണു .ഈയിടെ ഒരു സര്‍ക്കുലര്‍ ഇറക്കിയിരുന്നു സര്‍ക്കാര്‍ സ്ഥാപനങ്ങളില്‍ മത ചിന്ഹങ്ങളും ,മറ്റും പാടില്ല എന്ന് .അതിന്‍റെ ഗതി ഇപ്പോള്‍ ഏതെങ്കിലും ചില്ലിട്ട പടത്തിന്റെ പിറകില്‍ വിശ്രമിക്കാനാവും അല്ലെ?

ഇതെല്ലാം നിയന്ദ്രിക്കേണ്ട ,ഇതിനെതിരെ നിയമം കൊണ്ട് വരേണ്ട് ഇന്ത്യന്‍ നീതിന്യായ വ്യവസ്ഥിതി പോലും,ചില ജഡ്ജിമാര്‍ അവരുടെ വിധികളില്‍ തന്‍റെ മത ജാതീയ,വര്‍ഗീയ വിശ്വാസങ്ങള്‍ക്ക് അനുകൂലമായി ,തെളിവുകളെ വെറും വിലയില്ലാത്തവയാക്കിക്കൊണ്ട് വിധികള്‍ പോലും പ്രസ്താവിക്കുമ്പോള്‍ ഈ ജനാധിപത്യ രാജ്യത്ത് ഒരു മതേതര കാഴ്ചപ്പാടിന് ആര് മുന്‍കൈ എടുക്കും അല്ലെ?.തുമ്പയിലെയും ,ശ്രീഹരിക്കൊട്ടയിലെയും റോക്കെറ്റ്‌ വിക്ഷേപണ കേന്ദ്രങ്ങളില്‍ പോലും ഏതെങ്കിലും മതത്തില്‍ അധീഷ്ട്ടിതമായ ആചാരങ്ങള്‍ അനുഷ്ട്ടിച്ഛതിനു ശേഷം ആണ് ഈ "മതേതര ഭാരതത്തിന്റെ" അഭിമാനങ്ങളായ റോക്കെറ്റ്‌ ,മറ്റു ഉപഗ്രഹങ്ങളും വിക്ഷേപിക്കുന്നത് .ഇങ്ങനെയുള്ള ഈ മതേതര ജനാധിപത്യ ഭാരതത്തില്‍ ,സര്‍ക്കാര്‍ ഓഫീസിലെ "ദൈവങ്ങളെ"കുടിയൊഴിപ്പിക്കാന്‍ ആര്‍ക്കാണ് ധൈര്യം ഉണ്ടാവുക...

മേനകയുടെ സ്വന്തം പട്ടിക്കുട്ടികള്‍ ....

2010-09-21T05:33:00.000-07:00

മേനകയും പട്ടിയും തമ്മില്‍ വല്ല പൂര്‍വ ജന്മ ബന്ധം ഉണ്ടോ എന്ന് അറിയില്ല എങ്കിലും ,മേനക ഗാന്ധിക്ക് "പട്ടികളെ" വളരെ സ്നേഹമാണ് ബഹുമാനം ആണ് ,പട്ടികളെ മാത്രം അല്ല ,തിരിച്ചു കടിക്കുന്നതും കടിക്കാത്തതും ആയ എല്ലാ ജീവികളെയും ,ജീവികളോടും വളരെ സ്നേഹം ആണ് എന്നാണു പറയപ്പെടുന്നത്‌ .(എന്തൊക്കെ പ്രകൃതി സ്നേഹം പറഞ്ഞാലും ഡല്‍ഹിയില്‍ ആയതു കൊണ്ട് ചിക്കെന്‍ തന്തൂരിയും ,മട്ടന്‍ കബാബും കൂടി ഇഷ്ട്ടം ആകാതിരിക്കാന്‍ കാരണം കാണുന്നില്ല ).

കാര്യം കേരളത്തി

ന്റെ തലസ്ഥാനം ആയ തിരോന്തരം ,ഇപ്പോള്‍ മേനക

ഗാന്ധിയുടെ അ

രുമകളായ പട്ടികളുടെയും തലസ്ഥാനം ആയി മാറിയിട്ടുണ്ട് എന്നാണു കേള്‍ക്കുന്നത്...പ

ണ്ട് തന്നെ തിരോന്തരത്തു ചെന്നാല്‍ ചില വെള്ളക്കോളര്‍ പട്ടികളെ കൊണ്ട് നടക്കാന്‍ മേലായിരുന്നു .ഇപ്പോള്‍ ഇതാ സാക്ഷാല്‍ നാല്‍ക്കാലി പട്ടികള്‍ തിരോന്തരം കാരുടെ ഉറക്കം കെടുത്താന്‍ ഒരുങ്ങി ഇറങ്ങിയിരിക്കുന്നു. ഒന്ന് വീട് വിട്ടു പുറത്തിറങ്ങിയാല്‍ പിറകില്‍ നാലഞ്ച് പട്ടികള്‍ കൂടെ ഉണ്ടാകും എന്നാണു കേള്‍ക്കുന്നത് .കുട്ടികള്‍ നടന്നു പോകുന്ന സ്ഥലങ്ങളിലും മറ്റും ഇപ്പൊ കടിക്കും എന്ന മട്ടിലാണ് പട്ടികളുടെ നടപ്പ് ,രക്ഷിതാക്കള്‍ക്ക് ഒരു സമാധാനവും കൊടുക്കാത്ത പട്ടികള്‍ സമാധാനത്തോടെ ഇരിക്കുകയും ചെയ്യുന്നു . പണ്ടൊക്കെ നാട്ടില്‍ പെറ്റു പെരുകുന്ന പട്ടികള്‍ ഉപദ്രവം ആകുമ്പോള്‍ ,പഞ്ചായത്തും മുനിസിപ്പാലിറ്റിയും എല്ലാം ഒരു പട്ടി പിടുത്തക്കാരനെ ഏര്‍പ്പാടാക്കി അലഞ്ഞു തിരിയുന്ന പട്ടികളെ ദയ വധം ചെയ്യുന്ന ഏര്‍പ്പാട് ഉണ്ടായിരുന്നു ,ദയ വധം എന്നാല്‍ പട്ടി പിടുത്തക്കാരന്റെ കയ്യില്‍ ഒരു വടി ഉണ്ടാകും അതിന്റെ അറ്റത്തു ഒരു കമ്പി വളയം ഖടിപ്പിച്ച്ചത്, പട്ടിയെ അടുത്ത് വിളിച്ചു ഒരു പിടിയാണ് തീര്‍ന്നു പിന്നെ അതിന്റെ ശല്യം പാവം നാട്ടുകാര്‍ക്ക് ഉണ്ടാകില്ല.ശല്യം സഹിക്കാതെ ആകുമ്പോള്‍ ഗ്രാമങ്ങളില്‍ ഒക്കെ നാട്ടുകാര്‍ തന്നെ ചില ഒറ്റമൂലികള്‍ ഉപയോഗിക്കാറുണ്ട് എന്നാണു കേള്‍ക്കുന്നത് .

അത് പോട്ടെ ഈ മേനക ഗാന്ധിക്ക് എന്താ പട്ടിയെ കൊന്നില്ലെങ്കില്‍ അല്ലെ .ബുല്ലെട്റ്റ് പ്രൂഫ്‌ കാറിലിരുന്നു പട്ടി അല്ല ഇനി ഒരു കുട്ടിക്കും ഒന്നും ചെയ്യാന്‍ പറ്റാത്ത വിധത്തില്‍ സുരക്ഷയും ആയി പോകുന്ന അവര്‍ക്ക് പാവം തിരോന്തരം കാരുടെ അവസ്ഥ എങ്ങനെ മനസ്സിലാവാനാണ്?അവര്‍ ഒരു നിയമം കൊണ്ട് വന്നിരുന്നു ഇനി ഒരു പട്ടിയെപ്പോലും നോവിക്കരുത് എന്ന് ,അത് കാരണം ഇപ്പോള്‍ പട്ടി പിടിത്തം നിന്ന് പോയില്ലേ ?ആരെങ്കിലും പട്ടിയെ കല്ലെറിഞ്ഞാല്‍ പോലും ഒരു മനുഷ്യന്റെ കൈ വെട്ടിയതിനെക്കാള്‍ വലിയ ശിക്ഷയാണ് എഴുതി വെച്ചിരിക്കുന്നത് .അപ്പോള്‍ എന്തായി ? ഇവിടെ പെറ്റു പെരുകി വയസ്സാകുന്ന പട്ടികള്‍ പൊതു ജനത്തെ ഉപദ്രവിക്കും കടിക്കും അതില്‍ ചിലതിനു പേ ആണെങ്കില്‍ അയ്യോ പറയുകയും വേണ്ട ..ഇനിയും എന്തെങ്കിലും അറിഞ്ഞു ചെയ്തില്ലെങ്കില്‍ തിരോന്തരത്തു മാത്രം അല്ല കേരളത്തില്‍ അങ്ങോളം ഇങ്ങോളം ഉള്ള ജനങ്ങള്‍ക്ക്‌ പട്ടി കാരണം പുറത്തിറങ്ങാന്‍ വയ്യാതാവും...

നീലക്കുറിഞ്ഞി പൂത്തപ്പോള്‍ ...

2010-09-20T03:01:00.000-07:00

നീലക്കുറിഞ്ഞികള്‍ പൂക്കുന്ന താഴ്വരയിലേക്ക് നടത്തിയ ഒരു യാത്രയുടെ ചില നല്ല (?) ചിത്രങ്ങള്‍ ഞാന്‍ ഇവിടെ പങ്കു വെക്കുന്നു...

പെരുന്നാള്‍ ആശംസകള്‍ ..

2010-09-09T05:57:00.000-07:00

എന്‍റെ എല്ലാ ബ്ലോഗ്‌ സുഹുര്‍ത്തുക്കള്‍ക്കും സ്നേഹത്തിന്റെ ചെറിയ പെരുന്നാള്‍ ആശംസകള്‍ നേരുന്നു ....